Luka 2:4 - Bible Zulgo

^4-5 Yasufa ibam akahər ata ka, ŋgat riŋ mandza ŋa i kwite Nazaret ika ahəɗ Galile. A tsaraka kataya ka, ta hitsera i fataya, ta mah ba, tə da a Betelehem aka ahəɗ Yuda nda makasl ŋgar Mariya ana huɗ a ɗe aakara aà gama ya. Tə daha, ta wetse ba tar i fata. Tə da a fata ka, aɗaba ta wa batsah tsir ŋgar Əbay Dawda piŋŋe ka, i fata.

Luka 2:4 ပူးပေါင်းရင်းမြစ်များ

Mata 1:20

I təv ana a riŋ a dzele a gà gər kataya, aka miyak dər zukw tsiye ka, gawla Mbulum ilik a patar aba i sunwa ya, a gwaɗar: «Yasufa gwala Dawda, ka ta ge magəɗa aà mazla Mariya kamala daala yak a tsa, aɗaba a ŋgat kəla ka, nda ndzəɗa Mezite Mesife Mbulum, tsəka, ahəm mburma tsa.

Mata 2:23

A ndzawa riŋ i kwite ana tə zalar Nazaret a i fata. Kamala taŋa ya, dukw ana gà ɓəzla məma à guma Mbulum ti tsik akahər ata ya ka, aka ge ba kaɗəŋ. Ta gwa: «Ti ti zel a a kəla ata ka, gà Nazaret.»

Luka 2:3

I dəba ŋa ya, ku weke a tsaraka bazlam ana batsah Əbay ata a tsik a ka, a mah ba, a da a mewetse ba a kwite ŋgar.

Luka 4:16

Dite i dəba ŋa ya, Yesuw a dara a Nazaret a, a təv ana a gəl iɗəm ba ya. Aləka pat mesìfìkà ba a ndzera ka, a da a ga mahàmà a Mbulum tar, kamala ana a gewa dər a. A daha, a hitse aà mbulum, aɗaba a sasar aà medzeŋge a tar bazlam Mbulum.

Yuhana 1:46

Nataniyel a gwaɗar: «Kà dzala ana, duwa a sle a aà medera ŋgwal ŋa lele i kwite Nazaret a ya?» Filip a gwaɗar aaka: «Dara, fə̀r ahər.» Ta mah ba, tə da.

Yuhana 7:42

Aɗaba wakita Mbulum a gwa ka, Kiristi a dere a ka, i gwala Dawda a i kwite Betelehem ana Dawda a ndzawa iɗəm akahər ata ya ana, meme?»*fc*