Luka 2:34 - Bible Zulgo

³⁴ Simeyun a pise a tar ahəm, a gwaɗa a mama Yesuw: «Mbulum a zla kəla aaha ka, aà madzàwà à gà Isərayel hinne aà mbulum a. Dite aà mehitse à gà asiŋ ŋa aà mbulum hinne asa. Ŋgat na a ɗif a à vatwa ndzer ŋa ya. Ama ka, gà mburma hinne ti ti niw a ŋgat.

Luka 2:34 ပူးပေါင်းရင်းမြစ်များ

Mata 11:19

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya, ta gwa aà iye ka: Ama metsehe Mbulum a pèt a aba lele ka, nda təv megemir ŋgar ana a ge a ya.»

Mata 12:46

Aləka i təv ana Yesuw a riŋ à fèfil a a gà mburma ata mba ya ka, gà mama ŋgar nda gà damər ŋgar tar riŋ ti dehe a a təv ŋgar. Tə daha ka, ta hitse a bəra, ta waya mifefile nda gà ŋgat.

Mata 21:44

{Yesuw a gwaɗa a tar asa mbaŋa: «Ama na wur ana aka dəɗ aka kur ata ya ka, ŋgə̀slàf à ses a ikaba ŋgat a fit. Ama na kur ata aka dəɗ aka wur a ka, a ŋgesl a ŋgat slìrets slìrets asa mbaŋa.»}

Mata 27:63

Tə daha, ta gwaɗar: «Əbay, mì dara a təv yak a ka, aɗaba dukw ana mala pàrsa aaha a tsikewa akahər ana aka mət zukw tsiye ya, a gwaɗawa: ya ka, aka mà mərra a gər a.

Luka 2:35

Kamala taŋa ya, madzala gà gər gà mburma ata tekeɗe ka, a pèt a a təv dzaydzay ŋa ndərzayya lele. Məkəs aaha, i yak ka, arəv kəla yak ata a dwil a aà kər gəzləŋ a tur tur tur, kamala akwa ana à gis a lùŋguɗ a.»

Yuhana 3:20

Ku weke na a riŋ a ge a dukw ana ŋgwal ŋa tsiye ka, a sasar təv dzaydzay ŋa ata tsidze, dite a ndze a ka, i luvuŋ. Aɗaba a ge a magəɗa a megemir ŋgar ana a ge a ŋgwal ŋa tsa, a pèt aba a ya.

Yuhana 5:18

Gà bàba gà Yahuda tə tsaraka taŋa ka, ti yaha vatwa aà makə̀ɗà ŋgat. Ta kiɗ a ŋgat ka, aɗaba ana a nəs à məpala ahəm tar, a mbəl à mburma a pat mesìfìkà ba ya ɗekɗek tsa. Ta waya makə̀ɗà ŋgat ndeyndey ŋana ka, agəra ana a zal a Mbulum, a gwa ka: «Tsir gà», a geye akaba à ba ŋgar nda ŋgat a.

Gà Ɓəzla Meslire 13:45

Ama gà Yahuda ana i fataya, ta ŋgat a mayahaba gər gà mburma ata ka, a tsahən aà tar tsa, ta ge aka ter a are. Ta bets a ba nda arəv kweleŋ. Ta mbetse ahəm aka dukw ana Pul a tsiker a tsara ya, nda mandàvàyàr pìslìɗìɗe.

Gà Ɓəzla Meslire 17:6

Ama tə daha, ta fə̀r tar ka, tar riŋ tsa. Tsaw tsaw ta gasa gà Yasun nda gà asiŋ gà damər ŋgar ŋgiɗ ana ta gəs Yesuw a. Tə da à tar aka miɗ gà ɓəzla seriye, nda gà Mewideye. Ta gwa: «Gà mburma aaha ka, ta wise a bazlam ika gər ahəɗ tserdze ka, tàa ndzera a kwite kwa a faha mbaŋa.

Gà Ɓəzla Meslire 24:5

Mì sər aà wele aaha ka, ŋgat mala manəsa à kə̀sà ndzer. A wise a bazlam i liwiŋ gà Yahuda ana ika gər ahəɗ tserdze ya. Ŋgat tekeɗe, Əbay i fəla pàrsa gà mburma ana mì zal a tar gà Nazaret a asa.

Gà Ɓəzla Meslire 28:22

Ama a sàs a mər metsereke dukw ana kà dzala ya dzekwiŋ. Aɗaba mì sər, ku i ŋga tserdze, gà mburma ta fèfil a ka, ŋgwal ŋa tsa aka dukw kurum ana ki zezemwim a kinehe ya.»

Gà Ɓəzla Meslire 4:26

Gà bàba gà Əbay gər ahəɗ tə duwayaba à gùvəl. Dite gà Əbay tə yahaba gər a təv ilik ŋa, aà magàwà aà gà batsah tar ŋa, Mbulum nda mala məmbàlà a mburma ana a gwa, i slir a kurumehe a ya.> «*fb*

Gà Ɓəzla Meslire 6:7

Bazlam Mbulum a ɗe zləm hinne. Gà ɓəzla mazazama Yesuw tə səkah hinne i Yeruzalem, dite gà ɓəzla mandəva kuɗa a Mbulum hinne ta gəs Yesuw nda gəzləŋ tar mbaŋa.

RUMA 9:32

Aàla na ti sle tsiye? Aɗaba tə dzala i gər tar agəra dukw ana ta gwa, mìi ne a aba ŋgwal ŋa ika miɗ ŋgar nda ndzəɗa mər, tàa gəs ŋgat nda gəzləŋ tar tsiye. Aɗaba taŋa na ti ndif sik aà kur a, kamala megweɗe ya, kur ata ka, Yesuw Kiristi.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

IBƏRANIKWA 7:1

Melikisedek ata akahər ata ya ka, batsah Əbay gà Salima, dite ŋgat asa ka, mala mandəva kuɗa a Mbulum ana ŋgat ika gər gà dukw tserdze ya mbaŋa. Akahər ata Abəraham à mère a i gùvəl a, i təv ana ta bats gà bàba gà Əbay ŋgiɗ hinne ya ka, Melikisedek a ŋgəzlaraha gər aà vatwa, aà melime akaba nda ŋgat. I fataya ka, a piser ahəm.*fa*

IBƏRANIKWA 7:7

Kà sərakwa, wur ana a pise ahəm a mburma ka, ŋgat na batsah ŋa ya.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.