Luka 2:25 - Bible Zulgo

²⁵ Ama wele duwa a riŋ, zləm ŋgar Simeyun, mandza ŋa i Yeruzalem i fata. Wele ata ka, ŋgwal mburma ndzer, a ge magəɗa a Mbulum. A babawa wele ana a ta mbil a à gà Isərayel a. Ŋgat ka, maràhà ŋa nda Mezite Mesife Mbulum i ba ŋgar.

Luka 2:25 ပူးပေါင်းရင်းမြစ်များ

Markus 15:43

wele duwa a dara i Arimatiya ya, zləm ŋgar Yasufa. A mà aba à arəv lele, a da a təv Pilatus aà mewize ahər məməta Yesuw. Ŋgat ka, batsah gà Yahuda ŋa i liwiŋ gà na ta kwere a tar a. A riŋ a bebe a *mekwere Mbulum ana a kwere a gər ahəɗ mba ya ka, lele.

Luka 1:41

I təv ana Elisabet a tsaraka wusa Mariya ata ya ka, kəla ana i huɗ ŋgar a, a ɓə̀zl aba kùzləɗ kùzləɗ. Mezite Mesife Mbulum a dara, a rah a ba a Elisabet tsara.

Luka 1:6

Tar sula məma gà ŋgwal ŋana ika miɗ Mbulum, mede tar a tsahən ahər a. Tə zàmbaɗawa à dukw ana Mbulum a tsikewa, a palawa ahər ahəm a tserdze ya, nda gəzləŋ ilik.

Luka 1:67

I dəba ŋa ya, Mezite Mesife Mbulum a dara, a rah a ba a Zakari, tsir kəla ata ta wa ya. Dite a dza ba aà məma à bazlam ana Mbulum a tsikar a. Ama i huɗ bazlam ŋgar ata ya ka, a gwa:

Luka 2:38

I təv ana tar riŋ i fataya ka, ŋgat tekeɗe, a daha a təv tar, a dza ba aà mazàmbàɗà a Mbulum, a ger wusa hinne. Dite i dəba ŋa ya, a dza ba aà maɗàvà zləm a kəla ata a gà mburma ana tserdze ta bebe a wele ana Mbulum a ta mbil a dər à gà Yeruzalem a.

Gà Ɓəzla Meslire 10:2

Ama wele ata ka, a ge magəɗa a Mbulum. Tar nda gà mburma ana i ga i ma ŋgar a tserdze, tə dzar gurmits a bəɗ lele. A zlàkawa gà Yahuda ana gà matawak ŋa ya hinne, a hamawa a Mbulum kəla pat mbaŋa.

Gà Ɓəzla Meslire 10:22

Ta gwaɗar aakaha: «Na a gwaɗa a mər, dum ka, Əbay gà sliwdze duwa, zləm ŋgar Kwarney. Wele ŋa ka, ŋgwal mburma lele, magəɗa Mbulum i ba hinne. Dite gà Yahuda tserdze ta waya ŋgat ka, lele mbaŋa. Gawla Mbulum ilik na a gwaɗar, ma zalakaha a təv ŋgar, dite ma tsaraka dukw ana ki tsiker a ya.»

Gà Ɓəzla Meslire 2:5

Ama gà Yahuda a riŋ, tə ndzawa i Yeruzalem. Tə zazamawa fəla gà Yahuda ka, nda ndzer. Tə dayara ika gà ahəɗ ana tserdze ika gər ahəɗ fit a.

Gà Ɓəzla Meslire 24:16

Aɗaba taŋa na iye riŋ kəla pat, a sèsiŋ mendze ika miɗ Mbulum nda gəzləŋ ŋgwal ŋa lele, dite nda gà ika miɗ gà mburma ya.

2 Piyer 1:21

Aɗaba gà bazlam tar ata tserdze ya ka, a dara ka, i metsehe mburma ya ilik tsidze. Mezite Mesife Mbulum na a da a gəzləŋ tar a, na dite ti tsik dukw ana tə tsaraka i təv Mbulum a ya.