Luka 2:20 - Bible Zulgo

²⁰ I dəba ŋa ya, gà ɓəzla makəva gà dukw ata ta mbəɗ gər a təv makəva gà dukw tar ana tə dara iɗəm a. Tə daha, tə dza ba aà mazàmbàɗà Mbulum tsara. Ta ger wusa hinne, aɗaba dukw ana tə tsarakara i fata, ndəna ta ŋgatarra ya. Aɗaba dukw ata gawla Mbulum aaha a lah metsike a tar ndeɗiŋa ya ka, kaɗəŋ, pàrsa iɗəm tsa, a ge ba kamala ana a tsik a tar a ndzer.

Luka 2:20 ပူးပေါင်းရင်းမြစ်များ

Mata 9:8

Ama gà mburma ana tar riŋ i fata tserdze ya, ta ŋgat a dukw mene à mburma ata Yesuw a ge ya ka, ta ge magəɗa hinne, tə zàmbaɗa à Mbulum, aɗaba ana a dara, a vəl ndzəɗa a mburma kataya ya.

Markus 1:7

A gwaɗawa a gà mburma ana tar riŋ i təv ŋgar a: «Mìsle ŋgiɗ a riŋ, a dere a i dəba gà ya mba. Ŋgat ka, à zè a iye nda ndzəɗa kweleŋ fètìte. I sle a aà mesirikaha a təv ŋgar, aà məpəla à liɓir tsàpà ŋgar tsidze, ku mege nda mekìrìɗèhè gurmits a biye tekeɗe, i sle a tsa.

Luka 18:43

I dəba bazlam Yesuw ata a tsiker kataya ya tsara ka, wurat are ŋgar a hə̀ndə̀k ba. Dite a zazam Yesuw nda gà mazàmbàɗà aà Mbulum, tə dəɗ akaba tserdze. Gà mburma ana i fataya tekeɗe, ta ŋgat a dukw ata ka, tə zàmbaɗa à Mbulum mbaŋa.

Gà Ɓəzla Meslire 11:18

Gà mburma ata tə tsaraka bazlam Piyer ata kataya tsara ka, ta miyak à mimbètsè ahəm ata ndeɗiŋa ya, tə zàmbaɗa à Mbulum. Ta gwa: «Mbulum aka vəl vatwa a gà mburma ana tar gà Yahuda tsiye, aà məmbə̀ɗà à madzala gà gər tar, dite ta ŋgat ŋgwal mesife ana ndzer a kaɗəŋ mbaŋa.»