Luka 2:16 - Bible Zulgo

¹⁶ Ta mah ba tsara, tə da. Ti ta medeha ka, tàa le aà gà Mariya nda Yasufa nda gà kəla aaha ta wa ya, a riŋ mahə̀nà ŋa i dukw ata kamala gùlam a. Tar dər mandza ŋa i dìdwìn kaɗəŋ.

Luka 2:16 ပူးပေါင်းရင်းမြစ်များ

Luka 1:39

Zàkwayiya ka, Mariya a mah ba tsəma tsara, a da a kwite duwa a riŋ i kwite ika ahəɗ Yuda.

Luka 19:32

Gà ɓəzla meslire ata sula ya ta mah ba, tə da. Tə daha ka, a ge kamala ana Yesuw a tsik a tar a kaɗəŋ. Tàa le aà kəla hezweŋe ata.

Luka 2:12

Dum, ka tə samatum, ki ŋgetwimeriŋa, ki sirwim a dər ndzer kaɗəŋ. Aɗaba a riŋ məpàɗà ŋa i petek, mahə̀nà ŋa dər i dukuməŋa a riŋ i dìdwìn, tə dzawa aɗəm kwizir.»

Luka 2:15

I təv ana gà gawla Mbulum ata tə da aà gà ɓəzla makəva gà dukw ata ya, ta mbəɗ gər a mbulum a gər ŋa ya ka, gà ɓəzla makəva gà dukw aaha ta gwaɗaba: «Tàkwa a Betelehem, ka tə samatakwa dukw ana Əbay Mbulum a ɗif a kwa dər a.»

Luka 2:17

Gà mburma ata ta ŋgat a kəla aaha ka, tə dza ba aà maɗàmà bazlam ana gawla Mbulum aaha ndeɗiŋa a tsik a tar, aɗaba kəla ata ya.

Luka 2:7

Kəla ata a wa ya ka, asləka ŋa, malkwara ŋgar tsara. A wa ka, i ga hwalwa hwalwa i dìdwìn. A paɗa ahər petek, a tike dər a dukw duwa batsah ŋa kamala gùlam a. Dukw ata ka, tə dzawa aɗəm kwizir. A tike dər a fata ka, aɗaba ta ŋgat təv mehinne i ga ŋgiɗ tsa. Gà mìsle ŋgiɗ ta hənawa iɗəm.

Luka 22:13

Gà ɓəzla mazazama ŋgat ata ta mah ba, tə da. Tə daha ka, tàa le aà gà dukw ata tserdze ya, kamala ana a tsik a taraha ya kaɗəŋ. Tə daha, ti de ɗaf Paska ata i fata kuɗa.