Luka 2:14 - Bible Zulgo

¹⁴ «Mezembeɗe mege ka, biy Mbulum ana ika gər mburma tserdze ya. Mandza zayzay ŋgar ika gər gà mburma ana tserdze ika gər ahəɗ, a waya tar a.»

Luka 2:14 ပူးပေါင်းရင်းမြစ်များ

Mata 21:9

Dite gà asiŋ gà mburma ana ika miɗ Yesuw a, nda gà na i dəba ŋgar ti zezem a ŋgat tserdze ya ka, tə dza ba aà mazlə̀bà à ŋgat nda Mewideye ŋgəlakəkka. Ta gwaɗawa: «Zlə̀bakwa à kəla gà gwala Dawda. Mbulum mi pise ahəm a wele ana a slərra ya. Zlə̀bakwa à Mbulum Batsah ŋa ana i gər ŋa ya.»*fb*

Luka 1:79

A ge a dzaydzay ata ka, a gà mburma ana i luvuŋ a, nda gà na i təv mezite məməta ya tserdze mbaŋa. A dzik a dər kwa aka vatwa ana zayya ŋa ya.»

Luka 19:38

Ta gwaɗawa: «Mipìsè ahəm ika gər Əbay ana Mbulum a slərra ŋgat a faha ya. Gà na i mbulum tserdze ya ka, tə ndza zayya nda gà matasla yam i gəzləŋ. Mezembeɗe ma ge ka, biy Mbulum Batsah ŋa ana i gər ŋa ya mbaŋa.»*fa*

Luka 2:13

Zàmma tsəka, gà asiŋ gà gawla Mbulum ŋgiɗ tàa dara a təv gawla Mbulum aaha ya. Tə daha, ti yahaba gər hinne. Tə zàmbaɗa à Mbulum a fata. Ta gwa:

Luka 2:15

I təv ana gà gawla Mbulum ata tə da aà gà ɓəzla makəva gà dukw ata ya, ta mbəɗ gər a mbulum a gər ŋa ya ka, gà ɓəzla makəva gà dukw aaha ta gwaɗaba: «Tàkwa a Betelehem, ka tə samatakwa dukw ana Əbay Mbulum a ɗif a kwa dər a.»

Luka 3:22

Mezite Mesife Mbulum a tarra aka gər ŋgar a zərawwa i gəza mbulum a, kamala maadagwar ana a ndze a a bəɗ a. Gà mburma ata i fataya tserdze, ta ŋgatar aà are aà are. Dite tə tsarakara mifefile ata a ɗera i gəza mbulum a. Mifefile ata a ɗera ya ka, Mbulum a gwaɗara a Yesuw a: «Kər na kà ne mandərkwasla gà ya, Kəla gà. Maŋgayaba fit dze ka, ika gər yak.»

Yuhana 14:27

Ama kinehe i de a aà kurum a ka, i vile a kurum a aba matasla yam gà a gəzləŋ kurum a. Ki ndzwim a dər ɗa barbararra lele. I vile a kurum a ka, kamala biy ana gər ahəɗ a vile a kurum a ya tsa. Ki gwim magəɗa, arəv ma da aà kurum a tsa.

Yuhana 17:4

A gər ana iye ɗa mandza ŋa ika gər ahəɗ a ka, Yàa ɗif à ndzəɗa yak ana tì zlibe à kər a, a mburma. Yàa ndəv à megemir yak ana kà slər aakara iye ya.

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

EFESIYA 1:6

Ama kinehe ka, zàmbaɗakwa à Mbulum, agəra ŋgwal ŋgar ana a za duwa tserdze, a ge a kwa ya. Ŋgwal ŋgar ata a ge a kwa biy taf a ka, aɗaba ana kwa riŋ mandza ŋa i təv ilik ŋa nda gà Kəla ŋgar mandərkwasla ŋa ana a waya ŋgat hinne ya.

EFESIYA 1:9

Aka ɗif a kwa à dukw ana daga piŋŋe, a sasar mege nda ahər Yesuw Kiristi ya. Aɗaba piŋŋe ka, makàhà ŋa. Ama kinehe ka, aka pàt aba.

EFESIYA 2:4

Ama kinehe ka, kataya asa tsa. Mbulum ka, ka ndzekwar are tsehe hinne. Aɗaba ŋgat ka, a waya kwa ivaɗ,

EFESIYA 2:7

Kərga taŋa ya, aka ge a kwa dukw ŋgwal ŋa hinne nda ahər Yesuw Kiristi. A ge dər kamala taŋa ya ka, aɗaba a sasar məpàtà dər a gà mburma ana ti dere a a təv ŋgar ika miɗ a, dite na ti sir a dər ka, meme na ŋgwal ŋgar ana a vəl biy taf ka, batsah ŋa hinne, a za gà dukw ana tserdze ya.

FILIPIYA 2:11

Ku weke a gweɗe a parakkà: «Yesuw Kiristi na Batsah ŋa ika gər gà duwa ya tserdze ya.» Kamala taŋa ya, tì zlibe a à Mbulum Tsir ŋgar mbaŋa.

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

KULUSIYA 1:20

A sàs a Mbulum mbaŋa ka, Kəla ŋgar ma sər ba à gà dukw tserdze nda ŋgat, gà dukw ana ika gər ahəɗ a, nda gà na i mbulum i gər ŋa ya mbaŋa. Kamala taŋa ya, a waya ka, gà dukw ata ti ner are asa tsa, tə ndza ika miɗ ŋgar zayzay lele ivaɗ. A ge dər kataya ka, agəra məməta Kəla ŋgar ana a dza à məmbəz ŋgar aà dizl magə̀làwà ŋa ya.

2 TESALUNIKE 2:16

Aɗaba Mbulum Tsir kwa a waya kwa. A ge a kwa ŋgwal ŋa. A vəl a kwa madzala gà gər aka ŋgwal dukw ana ka sərakwa, ki ta ŋgetekewe a aka miɗ mba ndzer a. Kamala taŋa ya, a riŋ à me a kwe a dərraha à arəv hiywe. Mìi hemer a ka, a tar nda Yesuw Kiristi BATSAH kwa ŋa,

Sunwa Yuhana 5:13

I dəba ŋa ya asa ka, i tsarakara gà dukw ana Mbulum a geye tar tserdze ya: Gà na i gər ŋa i Mbulum a, nda gà na ika gər ahəɗ a, dite nda gà na tar i biye, nda gà i huɗ yam a. Tar ata tserdze ya, tar riŋ tì lèh a dimis. I huɗ malàhà dimis tar ata tə lah a ka, ta gwa: «Zàmbaɗakwa à gà wele ana ŋgat mandza ŋa ika təv mendze Əbay a, nda wele ana ŋgat kamala Kəla Təmaŋ a. Zlə̀bakwa à tar. Aɗaba ndzəɗa tserdze a dara ka, i təv tar a. Ki gekwe a tar kəkaaha aà biybiy.»