Luka 2:11 - Bible Zulgo

¹¹ Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Luka 2:11 ပူးပေါင်းရင်းမြစ်များ

Mata 1:16

Zakup ibam, a wa Yasufa kuɗa. Ŋgat ka, zal Mariya, məmər Yesuw ana tə zalar *Kiristi ya.

Mata 1:21

A ta we a kəla ŋa ka, asləka ŋa. Ki zeler a Yesuw, aɗaba a ta mbele a à gà mburma ŋgar i bakal tar a.»

Mata 16:16

Simun Piyer a gwaɗar aaka: «Kər ka, Kiristi, mala məmbə̀là à mburma ana Mbulum a gwa, i slir a kurumaha a ya, Kəla Mbulum ana a riŋ nda gà mesife aà biybiy a.»

Mata 16:20

I dəba ŋa ya, Yesuw a gwaɗa a gà ɓəzla mazazama ŋgat: «Kurum kàa sərum, iye ka, Kiristi, mala məmbə̀là à mburma ana Mbulum a gwa, i slir a kurumaha a ya. Ama ka, ka ti tsikwim a wura ilik tsidze kəla.»

Luka 1:43

Iye dze ana, weke, na kər məmər Batsah ga ŋa dzə̀bàk ki dere a ka, a ma gà aaha ya ya?

Luka 1:69

Aɗaba aka slərakwara mala məmbə̀là à mburma ana ndzəɗa ŋa ndzer, i liwiŋ gà gwala Dawda ana mala meslire ŋgar a.

Luka 2:26

Mezite Mesife Mbulum ata na a gwaɗar: «Say ki ta mìt a ka, kàa ŋgat a mala məmbàlà à mburma ana Mbulum a gwa, i slir a kurumaha a ya ndzer a dzekwiŋ.»

Luka 2:4

Yasufa ibam akahər ata ka, ŋgat riŋ mandza ŋa i kwite Nazaret ika ahəɗ Galile. A tsaraka kataya ka, ta hitsera i fataya, ta mah ba, tə da a Betelehem aka ahəɗ Yuda nda makasl ŋgar Mariya ana huɗ a ɗe aakara aà gama ya. Tə daha, ta wetse ba tar i fata. Tə da a fata ka, aɗaba ta wa batsah tsir ŋgar Əbay Dawda piŋŋe ka, i fata.

Yuhana 1:41

A le aà damər ŋgar Simun tsara ka, a gwaɗar: «Maa ŋgat a *Masihu, kamala megweɗe ya ka, *Kiristi, mala məmbàlà à mburma ana Mbulum a gwa, i slir a kurumehe a ya.»

Yuhana 1:45

I dəba ŋa ya, gà Filip tə lə̀ma nda Nataniyel. A gwaɗar: «Maa ŋgat a wele ana Musa a tsik ahər i wakita məpala ahəm ŋgar a, dite gà ɓəzla məma à guma Mbulum ti tsik ahər mbaŋa ya. Zləm wele ŋa ka, Yesuw, kəla Yasufa ana i kwite Nazaret a.»

Yuhana 11:27

Marta a gwaɗar aaka: «Haya, Yàa gəs, Batsah ga ŋa. I sər, kər ka, mala məmbàlà à mburma ana Mbulum a gwa ka, i ti slir a kurumehe a ya. Kər ka, Kəla Mbulum ana a gwa, a dere a aka gər ahəɗ a ya.»

Yuhana 20:31

Ama gà dukw ana mewetse ŋa i faha ya ka, gà dukw ana, dite ki sirwim a dər, Yesuw ka, Kəla Mbulum ndzer. Ŋgat ka, mala məmbàlà à mburma ana Mbulum a gwa, i ti slir a kurumehe a ya. Ta wetse ka, dite ki ŋgetwim a mesife i təv ŋgar a, agəra ana kàa gəsum ŋgat nda gəzləŋ a.

Yuhana 4:25

Məkəs ata a gwaɗar: «I sər ka, *Masihu a deriŋa, wele ana tə zalar *Kiristi, mala məmbàlà à mburma ana Mbulum a gwa, i ti slir a kurumehe a ya. Aka dara ka, a ti ɗif a mər a à duwa tserdze.»

Yuhana 4:42

Ta gwaɗa a məkəs ata: «Mì gəs ŋgat nda gəzləŋ ka, aɗaba dukw ana kà ɗama a mər a ɗekɗek tsa, aɗaba mər tekeɗe, maa tsaraka bazlam ŋgar, dite mì sər ndzer, ŋgat ka, mala məmbàlà à mburma kaɗəŋ.»

Yuhana 6:69

Kinehe ka, maa gəs kuɗa, mì sər ka, kər ka, wele ana tsəɗaŋŋa, kà dara i təv Mbulum a.»

Yuhana 7:41

Gà asiŋ ŋa ta gwa asa: «Wele aaka ka, *Kiristi, mala məmbàlà à mburma ana Mbulum a gwa, i ti slir a kurumehe a ya.» Ama gà mìsle ŋgiɗ pam ta gwa: «Kataya tsa. Kiristi a dere a ana, ika ahəɗ Galile ya ɓav a?

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

Gà Ɓəzla Meslire 13:23

Pul a gwaɗa a tar asa: «Mburma ilik Mbulum a zla i liwiŋ gà gwala Dawda a, Yesuw, a ne à ŋgat mala məmbə̀là à gà Isərayel. A ge dər kataya ka, kamala ana a tsik i sida akahər ata ya.

Gà Ɓəzla Meslire 17:3

A ɗif a tar dər, a gwaɗa a tar: «Mala məmbə̀là à mburma ana Mbulum a gwa, i slir a kurumehe a ya ka, say à sèwèr a are dzekwiŋ, dite i dəba ŋa ya, a ta mbilere a i məməta ya asa, kamala ana wakita Mbulum a tsik a.» A gwaɗa a tar asa: «Yesuw ata iye ihər i ɗif a kurum a dər a ka, ŋgat ŋa na a ne mala məmbə̀là à mburma ana Mbulum a gwa, i slir a kurumehe a ya.»

Gà Ɓəzla Meslire 2:36

Aɗaba taŋa kinehe tekeɗe ka, gà mburma Isərayel tə sər fit nda ndzer, Yesuw aaha kà ndwandwayum aà dizl magə̀làwà ŋa ya ka, ŋgat na Mbulum a ne dər BATSAH kwa ŋa, dite ka, mala məmbàlà à mburma ana Mbulum a gwa, i slir a kurumaha a asa ya.»

Gà Ɓəzla Meslire 5:31

Mbulum a hitse à ŋgat aka tsèke ahər mezime ŋgar, a tike ŋgat a Əbay. A ne à ŋgat mala məmbàlà à mburma asa. A ge dər kamala taŋa ya ka, dite gà mburma Isərayel tə ta ŋgat vatwa aà məmbə̀ɗà à gà gəzləŋ tar nda məpəla à bakal tar tserdze.

1 Kurintiya 15:47

Malahalah mburma ka, Adama, ŋgat a ne mburma gər ahəɗ pəra. Mbulum a ge ŋgat ka, nda ahəɗ. Ama wele ata a mbe aka Adama ka, ŋgat a dara i mbulum i gər ŋa ya.

FILIPIYA 2:11

Ku weke a gweɗe a parakkà: «Yesuw Kiristi na Batsah ŋa ika gər gà duwa ya tserdze ya.» Kamala taŋa ya, tì zlibe a à Mbulum Tsir ŋgar mbaŋa.

FILIPIYA 3:8

Ama kəla ka, ndzer kaɗəŋ, gà dukw ata ɗekɗek tsa, i fə̀r aà gà dukw ana tserdze ya ka, kamala dukw taf masakəŋa ya, aɗaba ana i sər Yesuw Kiristi Batsah ga ŋa ka, taŋa a zè a gà dukw ŋgiɗ tserdze. Aɗaba ŋgat ka, i miyek a à gà duwa tserdze. I fə̀r ahər ka, safar safar kamala gwastak ana masakəŋa ya, na dite i ta ŋget a Kiristi ya.

KULUSIYA 2:6

Kinehe ka, kàa gəsum Yesuw Kiristi nda gəzləŋ kurum, ŋgat na a ne Batsah kurum ŋa ya. Aɗaba taŋa, mede kurum tekeɗe ma ge ka, kamala ana kurum gà mburma ŋgar, kurum riŋ mandza ŋa i təv ŋgar a.

1 Yuhana 4:14

Mər ka, maa ŋgatar, na Mbulum Tsir kwa a slər a kwara Kəla ŋgar aka gər ahəɗ a ya, na dite a mbele a à mburma ya. Mì tsikewa a kurum ka, bazlam ata a ge ba ndzer kaɗəŋ.

1 Yuhana 5:1

Ku weke na aka gəs Yesuw Kiristi, a sər, ŋgat mala məmbə̀là à mburma ana Mbulum a gwa, i slir a kurumehe a ya ka, ŋgat aka ne ka, kəla Mbulum. Wur ana a waya tsir gà ɓəza ya ka, a weye a gà ɓəza ŋgar ŋa mbaŋa.