Luka 2:10 - Bible Zulgo

¹⁰ Ama gawla Mbulum ata a gwaɗa a tar: «Ki gwim magəɗa tsa, aɗaba i dara ka, i zla a kurumara bazlam ŋgwal ŋa ana gà mburma tserdze ta ŋgeye a dər ba hinne ya.

Luka 2:10 ပူးပေါင်းရင်းမြစ်များ

Mata 14:27

Yesuw a tsaraka Mewideye tar ata tsara ka, a fàfəl a taraha, a gwaɗa a tar: «Arəv ma da aà kurum a, ki gwim magəɗa tsa, iye na naha ya.»

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Mata 28:5

Ama gawla Mbulum ata a gwaɗa a gà məkəs aaha ndeɗiŋa, tə daha aka dive ya: «Ki gwim magəɗa, arəv ma da aà kurum a tsa. Aɗaba i sər, ki yehwim a ka, Yesuw aaha tə ndwandway ŋgat aà dizl magə̀làwà ŋa ya.

Markus 1:15

«Pat ana Mbulum a tike məpàslà ahər a ka, aka sle kuɗa. Aɗaba mekwere ŋgar ana a kwere a ya ka, aka à mendzera. Mbəɗum à madzala gà gər kurum a təv ŋgar, dite kə̀ gəsum bazlam ŋgwal ŋa aaha a gəzləŋ kurum ədəts lele.»

Markus 16:15

I dəba ŋa ya, a gwaɗa a tar: «Kinehe ka, dum, ku mege a ŋga, ka tsikwim bazlam ŋgwal ŋa aaha a gà mburma ana tserdze ika gər ahəɗ a.

Luka 1:13

Ama gawla Mbulum ata a gwaɗar: «Ki ge magəɗa tsa, Zakari. Aɗaba Mbulum aka tsaraka meheme yak ana kà hamar a. Elisabet, məkəs yak a wekere a kəla ya asləka ŋa. Ama ki zeler a zləm ŋgar ka, Yuhana.

Luka 1:19

Gawla Mbulum ata a gwaɗar aaka: «Iye ka, Gabriyel, iye ika miɗ Mbulum, i ger a megemir ŋgar. A slərra iye ya ka, aà məfàfə̀lak, dite aà meɗifek à bazlam aaha ŋgwal ŋa ya.

Luka 1:30

I dəba ŋa ya, gawla Mbulum ata a gwaɗar asa: «Ki ge magəɗa tsa, Mariya, aɗaba la, Mbulum na a waya kər, dite a gik a ŋgwal ŋa ya.

Luka 2:11

Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Luka 8:1

Aləka i dəba mendze zaakwa ya ka, Yesuw a daya aà kwite aà kwite, mege a batsah kwite, mege a kəla ŋana tekeɗe. A ləm aaka à bazlam ŋgwal ŋa ana biy *mekwere Mbulum a fit. A tsikewa a gà mburma. Gà ɓəzla mazazama ŋgat ana kurwa gəra sula ya, tə dəɗ aaka mbaŋa.

Gà Ɓəzla Meslire 13:32

Mər ŋa maa zla kurumara bazlam ŋgwal ŋana ya, kamala megweɗe ya, dukw ana Mbulum a tsik i sida ya, a gà batsah tsir kwa, a gwa, i ta vile a ya ka,

RUMA 10:15

Dite dze ana, na gà mburma Yesuw tàa slər mburma a təv tar tsəna, dite meme na gà ɓəzla meslire ata ta wile a aka mede aà metsike a tar a? Ama ka, tàa slər tar dukw ŋgar. Aka ge ba kamala ana a riŋ mewetse ŋa i wakita Mbulum ka, ta gwa: «Samata kwaŋ, na gà ɓəzla meslire na tə dara a təv tar, ti tsik a ter a bazlam ŋgwal ŋana ka, dite zayya a ŋgeye a ter a ba i gəzləŋ a.»*fe*

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

KULUSIYA 1:23

Ama kə̀la ka, say na ki zezemwim a aka miɗ aka miɗ nda magəsa Mbulum nda gəzləŋ kurum kəla pat a. Ndzum ka, ɓəŋɓəŋ lele, madzala gà gər kurum ma ta ge wàkit wàkit tsa. Tikwim madzala gà gər kurum ka, aka dukw ana ka tsarakum i huɗ bazlam ŋgwal ŋana ya kəla pat. Bazlam ŋgwal ŋa ata ka, ti tsikeye a gà mburma ana ika gər ahəɗ a tserdze. Aɗaba Mbulum a slər iye, Pul, na dite i ɗif a dər a mburma mbaŋa ya.