Luka 19:38 - Bible Zulgo

³⁸ Ta gwaɗawa: «Mipìsè ahəm ika gər Əbay ana Mbulum a slərra ŋgat a faha ya. Gà na i mbulum tserdze ya ka, tə ndza zayya nda gà matasla yam i gəzləŋ. Mezembeɗe ma ge ka, biy Mbulum Batsah ŋa ana i gər ŋa ya mbaŋa.»*fa*

Luka 19:38 ပူးပေါင်းရင်းမြစ်များ

Mata 2:2

Tə daha, ta gwa: «Kəla ana ta wa ŋgat biɗikw ŋa ɗa i faha, ŋgat batsah Əbay gà Yahuda ya ana, i ŋga? Aɗaba maa ŋgat a mawusawus ŋgar ana a mbəzara ya, dite na mì dara aà medzer gurmits a bəɗ a.»

Mata 21:9

Dite gà asiŋ gà mburma ana ika miɗ Yesuw a, nda gà na i dəba ŋgar ti zezem a ŋgat tserdze ya ka, tə dza ba aà mazlə̀bà à ŋgat nda Mewideye ŋgəlakəkka. Ta gwaɗawa: «Zlə̀bakwa à kəla gà gwala Dawda. Mbulum mi pise ahəm a wele ana a slərra ya. Zlə̀bakwa à Mbulum Batsah ŋa ana i gər ŋa ya.»*fb*

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Mata 25:40

I dəba ŋa ya ka, iye Əbay, i gweɗe a ter aakiŋa:

Luka 13:35

Aɗaba taŋa, gà ga kurum ti ti ne a rəŋga hùhwayhwayyà, wura a ge a iɗəm tsa. Aɗaba iye ihər i gweɗe a kurum a nda ndzer ŋa: Ki ta ŋgetwimiŋ a asa tsa, haa a pat ana ki ta gweɗwim a: «*fa*

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

EFESIYA 1:12

dite ka, gà mburma tserdze tə̀ zlə̀b à ŋgat ana BATSAH kwa ŋa ya aɗaba mər, mər gà malahalah gà mburma ana mì tike madzala gər mər fit a təv Yesuw Kiristi ya.

EFESIYA 1:6

Ama kinehe ka, zàmbaɗakwa à Mbulum, agəra ŋgwal ŋgar ana a za duwa tserdze, a ge a kwa ya. Ŋgwal ŋgar ata a ge a kwa biy taf a ka, aɗaba ana kwa riŋ mandza ŋa i təv ilik ŋa nda gà Kəla ŋgar mandərkwasla ŋa ana a waya ŋgat hinne ya.

EFESIYA 3:10

Ama kinehe ka, Mbulum aka pàt dər i magər gà mburma ŋgar. Dite gà gawla ŋgar nda gà Əbay tar ana i gər ŋa ya, tə samata tar, tə sər dər ka, metsehe ŋgar i təv gà dukw ŋgiɗ pampam.

EFESIYA 3:21

Kwa gà mburma ŋgar ka, zlə̀bakwa à ŋgat kəla pat aà biybiy ika magər kwa, aɗaba kwa riŋ mandza ŋa i təv ilik ŋa nda gà Yesuw Kiristi. *Amin.

KULUSIYA 1:20

A sàs a Mbulum mbaŋa ka, Kəla ŋgar ma sər ba à gà dukw tserdze nda ŋgat, gà dukw ana ika gər ahəɗ a, nda gà na i mbulum i gər ŋa ya mbaŋa. Kamala taŋa ya, a waya ka, gà dukw ata ti ner are asa tsa, tə ndza ika miɗ ŋgar zayzay lele ivaɗ. A ge dər kataya ka, agəra məməta Kəla ŋgar ana a dza à məmbəz ŋgar aà dizl magə̀làwà ŋa ya.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

1 PIYER 1:12

Mbulum a ɗif a tar dər aba ya ka, tar ŋa tsa na ti ta ŋget a gà dukw ata ya. Ama a ɗif a tar dər ka, aɗaba kurum. Kinehe ka, gà ɓəzla meslire ŋgar ata ti ɗif a kurum à bazlam ŋgwal ŋa ata ya ka, tàa tsik a kurum gà dukw ata. Ti tsik a kurum ka, nda ndzəɗa Mezite Mesife Mbulum ana a slərra i gər ŋa ya. Ku mege gà gawla Mbulum tekeɗe ka, a sàs tar mesire gà dukw ata mbaŋa.