Luka 18:43 - Bible Zulgo

⁴³ I dəba bazlam Yesuw ata a tsiker kataya ya tsara ka, wurat are ŋgar a hə̀ndə̀k ba. Dite a zazam Yesuw nda gà mazàmbàɗà aà Mbulum, tə dəɗ akaba tserdze. Gà mburma ana i fataya tekeɗe, ta ŋgat a dukw ata ka, tə zàmbaɗa à Mbulum mbaŋa.

Luka 18:43 ပူးပေါင်းရင်းမြစ်များ

Mata 11:5

Gwaɗumar ka, gà ɓəzla guluf tàa ŋgat are tar, dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbalara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Mata 21:14

Dite i dəba ŋa ya, gà ɓəzla guluf nda gà ɓəzla magàha a bəɗ, tə dara a təv Yesuw a ga Mbulum batsah ŋa ata ya. A mbala à tar.

Mata 9:8

Ama gà mburma ana tar riŋ i fata tserdze ya, ta ŋgat a dukw mene à mburma ata Yesuw a ge ya ka, ta ge magəɗa hinne, tə zàmbaɗa à Mbulum, aɗaba ana a dara, a vəl ndzəɗa a mburma kataya ya.

Luka 13:17

Bazlam Yesuw ata a tsik a tar kataya ya ka, a gəs dərraha ahəm aà are a gà ɓəzla mene are ŋgar ata i fataya fit. Ama ka, gà asiŋ gà mburma ana i fataya, ta ŋgayaba hinne, aɗaba gà dukw Yesuw ana fit dze a geyewa ŋgwal ŋa ya.

Luka 19:37

Aləka tàa à mendze a Yeruzalem, ti de a ndaka vatwa ana a tarra i dìyes kwite uliviye ata ya. I fataya ka, gà ɓəzla mazazama ŋgat ata tserdze ya, tə dza ba aà mazàmbàɗà à Mbulum nda maŋgayaba i gəzləŋ nda magala, aɗaba gà dukw mene aà mburma ana ta ŋgatawar, Yesuw a geyewa tserdze ya.

Luka 4:39

Yesuw a daha, a kirik aakaha a bəɗ, a kwara akaba màràɓàraɓ ata kwirik kwirik, dite a ndala aà məkəs ata ya tsara. I dəba ŋa ya, məkəs ata a hitse aà mbulum, a sle aà mege a tar mbəlakw lele kuɗa.

Luka 5:26

A mà dər a gà mburma ata tserdze ya dà/?asasa, a ge aà tar kamala dukw mene aà mburma ya. Tə dza ba aà mazàmbàɗà a Mbulum nda magəɗa hinne i gəzləŋ tar. Ta gwa: «Yweh, yweh, maa ŋgat a gà dukw mene aà mburma mbakum.»

Luka 9:43

Ama batsah ndzəɗa Mbulum ata Yesuw a pàt dər a ka, a ge aà gà mburma ata i fata tserdze ya, kamala dukw mene aà mburma ya. I təv ana gà mburma ata tserdze ya, tar riŋ ti dzele a gà gər aka dukw ana Yesuw a geye mba ya ka, Yesuw a gwaɗa a gà ɓəzla mazazama ŋgat ata:

Gà Ɓəzla Meslire 11:18

Gà mburma ata tə tsaraka bazlam Piyer ata kataya tsara ka, ta miyak à mimbètsè ahəm ata ndeɗiŋa ya, tə zàmbaɗa à Mbulum. Ta gwa: «Mbulum aka vəl vatwa a gà mburma ana tar gà Yahuda tsiye, aà məmbə̀ɗà à madzala gà gər tar, dite ta ŋgat ŋgwal mesife ana ndzer a kaɗəŋ mbaŋa.»

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

Gà Ɓəzla Meslire 4:21

I dəba ŋa ya, mayahaba gər gà mburma ata ti yaha vatwa, waytsà aà mandza aà tar magəɗa hinne asa, dite ta pəl à tar, tə da ba. Ta ŋgat vatwa dukw ana tì sèwèr a ter a dər are ya tsa, aɗaba gà asiŋ gà mburma tserdze tar riŋ tì zèmbeɗe a à Mbulum, agəra dukw mene à mburma ata a ge ba ya.

GALATIYA 1:24

Tə tsaraka kataya ka, tə zàmbaɗa à Mbulum aɗaba iye, agəra dukw ana a mbəɗ à iye ya.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.