Luka 18:42 - Bible Zulgo

⁴² I dəba ŋa ya, Yesuw a gwaɗar: «Daba, are yak aka lə̀mbaɗaba. Megìse yak ana kì gis iye ya ka, aka mbəl à kər.»

Luka 18:42 ပူးပေါင်းရင်းမြစ်များ

Mata 15:28

I dəba ŋa ya, Yesuw a gwaɗa a məkəs ata: «Daala aaha, megìse yak ana kə̀ gəs iye nda gəzləŋ a ka, nda ndzer lele. Aɗaba taŋa, dukw ana a sàsak ka, i vilekiŋa.» I təv ana Yesuw a tsiker kataya ya ka, dəm ŋgar ata i ma ya, a mbəl tsara.

Mata 8:3

Yesuw a tsaraka kataya ka, a daha a təv ŋgar, a ləm ahər, a gwaɗar: «Haya, a sèsiŋ na ki mbil a ya. Kinehe ka, mbəl i dukw məməta yak a.» I fataya tsara ka, mbəlak ba wele ata a ndala ihər a suwuɗ tsara. Ba ŋgar a làmbaɗa ba nawat nawat lele kuɗa.

Mata 9:22

I dəba ŋa ya, ə̀ba Yesuw a fə̀r aakaha ka, aka ŋgat a məkəs ata. A gwaɗar: «Dəm gà, arəv ma da aà kər a tsa, megìse yak ana kì gis iye nda gəzləŋ a ka, aka mbəl à kər.» I fataya tsara ka, tsèwrèw məkəs ata a mbəl.

Luka 17:19

I dəba ŋa ya, Yesuw a gwaɗa a wele ata: «Hitse, ka daba. Megìse yak ana kì gis iye i gəzləŋ yak a, aka mbəl à kər.»

Luka 18:41

«I gek dze ana, dukùla na a sàsak a?» A gwaɗar aaka: «Əbay, a sèsiŋ ka, lèmbeɗiŋ are gà te.»

Luka 7:50

Ama Yesuw a gwaɗa a məkəs ata: «Kàa mbəl, agəra ana kàa gəs iye nda gəzləŋ ilik a. Daba nda zay.»

Luka 8:48

Yesuw a gwaɗar i dəba bazlam ŋgar ata ya: «Dəm ga, megìse yak ana kì gis iye nda gəzləŋ a ka, aka mbəl à kər. Daba nda zay.»