Luka 18:32 - Bible Zulgo

³² Aɗaba ti ta vile a iye a ahər a gà slele ana i fata tə sər Mbulum tsiye. Ti sewle aà ìyeŋa, ti ndeveyiŋa, dite ti tif aà iye a tìzle.

Luka 18:32 ပူးပေါင်းရင်းမြစ်များ

Mata 16:21

I dəba ŋa ya, Yesuw a dza ba aà metsìkè dukw ana a ti le a aà ŋgat aka miɗ mba ya, a gà ɓəzla mazazama ŋgat, i təv are tar tserdze. A gwaɗa a tar: «Iye ka, bàlaarì i ti de a a Yeruzalem mba, dite gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti sèwèriŋ a are hinne i fata. Dite ta kiɗ a iye. Ama i huɗ mehinne makər a ka, i mbilere a i məməta ya asa.»

Mata 20:19

Ama ta vile a iye a ahər a gà slele ana i fata tə sər Mbulum tsiye. Gà mburma ata ti sewle aà ìyeŋa, ta gìzl a iye nda megwiymbiɗ hinne mbaŋa asa. Dite ti ndwendwey a iye aà dizl magə̀làwà ŋa kuɗa. Ama i huɗ mehinne makər a ka, i mbilere a i məməta ya.»

Mata 22:6

Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.

Mata 26:67

Gà mìsle ŋgiɗ ika magər gà mburma ata ya, ŋgùɗàsl ŋgùɗàsl tə dza ba aà metìfèyè ahər tìzle tsara. Ta gə̀zl ŋgat, tə lakayar waŋwaŋ aka mahalum.

Mata 27:2

Tə daha, tə dzaw ŋgat tez tsara. Tə da à ŋgat a bəra Puntiyus Pilatus, mala sik Əbay ana a kwere a ahəɗ gà Ruma ya.

Markus 14:65

Gà mìsle ŋgiɗ ika magər gà mburma ata ya, ŋgùɗàsl ŋgùɗàsl tə dza ba aà metìfèyè ahər tìzle tsara. Ta handakar ahər aka are. Dite tə lakayar waŋ waŋ aka mahalum. I dəba ŋa ya, ta gwaɗar: «Weke na a lakayak a, na kù gwa, i sər duwa hinne ya?» Aləka gà ɓəzla makàslà ga batsah mala mandəva kuɗa a Mbulum ata tə daha, ta gəs Yesuw tsara, ta gə̀zl ŋgat lehhè asa mbaŋa.

Markus 15:1

Aləka aka mbulum ana a də̀v i mèkwède ya ka, gà bàba gà ɓəzla mandəva kuɗa a Mbulum, nda gà bàba gà mburma ana ta kwere a gà Yahuda ya, nda gà ɓəzla medzeŋge məpala ahəm Mbulum tserdze, ti yaha ba gər aka seriye ŋa. Tə dza akaba dukw ana ta ge a à Yesuw a. I fataya ka, tə daha, tə dzaw ŋgat tez tsara. Tə da à ŋgat a bəra Pilatus, mala sik Əbay ana a kwere a ahəɗ gà Ruma ya.

Luka 18:33

Ta gìzl a iye nda megwiymbiɗ hinne, dite ta kiɗ a iye kuɗa. Ama i huɗ mehinne makər a ka, i mbilere a i biye ya.»

Luka 23:1

Aləka i dəba ŋa ya, tar ata gà bàba ŋa tserdze ya, ta hitse aà mbulum, tə da à Yesuw a təv Pilatus, mala sik Əbay ana a kwere a ahəɗ gà Ruma ya.

Luka 23:11

Gà Hiridus nda gà sliwdze ŋgar tə tsaraka gà dukw ata ka, tə sawla aà Yesuw hinne. Ta ger matawak. Ti tike aka ŋgat petek ana ŋgwal ŋa ya, aà masàwlà dər ahər. dite ta màha à ŋgat a Pilatus.

Luka 23:35

Gà mburma tserdze tar riŋ ta fir aà teriŋa. Gà Əbay gà Yahuda tə sawla ahər, ta gwa: «Aka mbala à gà mburma pampam hinne ka, ama mə mbəl à ba ŋgar ŋa te, na ŋgat ka, *Kiristi, mala məmbàlà à mburma ana Mbulum a zla i liwiŋ mburma ya, a gwa, i slir a kurumaha a ya ya?»

Yuhana 18:22

Yesuw a tsik kataya tsara ka, mala makàslà ga Mbulum ilik ika magər tar ata i fataya, pay a lak a Yesuw, dite i dəba ŋa ya, a gwaɗar: «Kataya ya, na ki fèfil a a batsah mala mandəva kuɗa a Mbulum a?»

Yuhana 18:28

Aləka aka mbulum ana a də̀v i mèkwède ya ka, ta mah ba i bəra Kayafas a, tə da à Yesuw a ga a bəra Pilatus, mala sik Əbay gà Ruma duwa. Aləka ti ndzeha a fata ka, gà Yahuda tàa pəts a ga a bəra wele ata tsa, aɗaba na tàa da aɗəm ka, tàa wisl aba tar i təv mazəma ɗaf Paska ana ti zim a dər akaba ya.

Yuhana 18:30

Ta gwaɗar aaka: «Na ŋgat mala bakal tsəka, mìi gìsere a ŋgat a təv yak a tsa.»

Yuhana 18:32

Dukw ata a ge ba kataya ka, kamala ana Yesuw a tsik aba a mburma piŋŋe ya, a gwaɗa a tar, i ta mìt a ka, ta hitse a à iye aà dizl, dite i mìt ahər a ya kaɗəŋ.

Yuhana 18:35

Pilatus a gwaɗar: «Iye ana gà Yahuda ya? Na ti tsikiŋ a ya, gà gwala yak nda gà Əbay gà ɓəzla mandəva kuɗa a Mbulum kurum na ta gìsiŋara kər a tsəna, ahəm gà ya? Dze ana, wànà kàa ge duwa ya?»

Gà Ɓəzla Meslire 2:23

Ama ta vəl a kurum vatwa aà makə̀ɗà ŋgat ka, kamala na Mbulum a tsik daga piŋŋe, a ta ge a ba ya dukw ŋgar. Ka vəlum ŋgat a ahər gà na tə sər Mbulum tsiye, tə ndwandway ŋgat aà dizl magə̀làwà ŋa.

Gà Ɓəzla Meslire 3:13

Mbulum gà batsah gà tsir kwa Abəraham nda gà Izak, nda gà Zakup na a vəl ndzəɗa a mala meslire ŋgar Yesuw, na dite tì zlibe a à ŋgat a. Ama kurum kàa gəsum ŋgat a gà bàba ŋa ana ta kwere a mburma ya. Kàa gwim ahər seriye ika miɗ Pilatus, ku mege i təv ana a sasar à məpəla dər a.