Luka 18:23 - Bible Zulgo

²³ Ama wele ata a tsaraka mifefile ŋgar ata kataya tsara ka, a mət i are ya sə̀rràt, aɗaba ana limana ŋgar a riŋ hinne ya.

Luka 18:23 ပူးပေါင်းရင်းမြစ်များ

Mata 19:22

Ama wele ata a tsaraka bazlam ŋgar ata tsara ka, tsùkwaɗ a daba i fataya tsara nda gà matsəɓatsəɓ, aɗaba ana ŋgat Əbay ŋa hinne ya.

Markus 10:22

Ama wele ata a tsaraka bazlam ŋgar ata tsara ka, a mət i are ya sə̀rràt. A daba i fataya tsara nda gà matsəɓatsəɓ, aɗaba ana ŋgat ka, Əbay ŋa hinne ya.

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 18:22

Yesuw a tsaraka mifefile wele ata tsara ka, a gwaɗar: «Ama dukw ilik aka zeha i gà dukw ata kà ɗama dze ya.» A gwaɗar: «Daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya, ka dara, ka zazam iye kuɗa.»

Luka 18:24

Yesuw a fə̀r ahər, na a mət i are ya kataya ka, a gwa: «Mawùràba aà mada a mekwere Əbay Mbulum gà ɓəzla limana ka, hinne.

Luka 19:8

Ama i təv ana tar riŋ i ma ya ka, Zakayus a daha, a hitse aka miɗ Əbay Yesuw, a gwaɗar: «Araha, i tsik a i sida ya, Əbay gà: I dzèye a mezehe dukw gà a gà ɓəzla matawak. Na bəla Yàa zla duwa aà wura ya ilik ka, i sikehe a dər aaka faɗ.»

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Luka 8:14

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

EFESIYA 5:5

Sərum dər ka, gà mburma ana ta ge a muva nda mezelme ana pampam biy metsike tsiye ka, ta ŋget a təv mendze i təv mekwere gà Mbulum nda Kiristi tsa. Gà mburma ana ta ge a are ya tekeɗe ka, ti ta ŋget a ɓav tsa. Aɗaba ta ŋgaya ba a mege kataya ka, hinne, a za dər Mbulum. Na ta ge a kataya ka, kamala ana ti zezem a fəla gà tsir tar a.

FILIPIYA 3:8

Ama kəla ka, ndzer kaɗəŋ, gà dukw ata ɗekɗek tsa, i fə̀r aà gà dukw ana tserdze ya ka, kamala dukw taf masakəŋa ya, aɗaba ana i sər Yesuw Kiristi Batsah ga ŋa ka, taŋa a zè a gà dukw ŋgiɗ tserdze. Aɗaba ŋgat ka, i miyek a à gà duwa tserdze. I fə̀r ahər ka, safar safar kamala gwastak ana masakəŋa ya, na dite i ta ŋget a Kiristi ya.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

1 Yuhana 2:15

Ka ta wayum dukw ana ŋgwal ŋa tsa ika gər ahəɗ a tsa. Na wura a waya dukw ata ka, a sle a aà mawàyà Mbulum Tsir kwa asa tsa.