Luka 18:13 - Bible Zulgo

¹³ Ama mala dùwan aaha a daha ka, a hitse diriŋ, aka fə̀r a gəza mbulum tsa, luz a tike gər a bəɗ, a tiwe a ba ŋgar, a lakaba a gəzləŋ. A gwaɗa a Mbulum: «

Luka 18:13 ပူးပေါင်းရင်းမြစ်များ

Mata 10:3

I dəba ŋa ya, gà Filip nda Bartelemi, gà Tumas nda Mata mala duwan ata, dite gà Zakup kəla Alfayus nda Tadawas,

Mata 6:5

I dəba ŋa ya, Yesuw a gwaɗa a tar asa: «Na ki hemwim a a Mbulum ka, ka ti nwim kamala gà ɓəzla mimbèhè are ana ta mbeher a ya tsa. Aɗaba tar ta hamawa ka, ta hitsewa dər aà mbulum aka miɗ mburma parakkà i gà ga mahàmà a Mbulum, kige tsa, ika makə̀zlàkə̀zla gà vatwa tekeɗe ya. A sàs a tar ka, gà mburma ta fə̀r aà tar, ta gwa aà tar ka, gà ŋgwal ŋa. Aɗaba taŋa, kinehe ka, iye ihər i gweɗe a kurum a nda ndzer: Tar ka, tàa ŋgat dukw maya ba tar aka ndəv.

Mata 9:13

Ama kinehe ka, dzalum aka dukw ana a ne i huɗ bazlam ata ya, na Mbulum a gwa: *fa* Ama i dara ka, aà mazàlà a gà na ta gweɗe a, waytsà mər ka, gà ŋgwal ŋa ika miɗ Mbulum a tsa, say a gà ɓəzla bakal ivaɗ.»

Markus 11:25

Ama kəla ka, i təv ana ki hemwim a a Mbulum a, bəla wura aka ge bakal i təv kurum a ka, pə̀lumar dər dzekwiŋ, dite Tsir kurum ana i gər ŋa ya, à pìl a kurum a à bakal kurum mbaŋa.

Luka 17:12

Aka à mendze a kəla kə̀sà duwa ka, gà ɓəzla bàba mbəlak ba duwa kurwa, tar riŋ i dala ŋana. Ta ŋgataha a Yesuw ka, tə daha, ta hitse aà gùva vatwa ana a de a dərra ya dzìrìk.

Luka 22:41

I dəba ŋa ya, a sìrìk i təv tar a əzaɗ zaakwa. A daha, a dza gurmits a bəɗ, a hama a Mbulum.

Luka 23:48

Dite gà mburma ana tə daha tserdze aà məfə̀rà aà dukw ana a ge ba ya ka, a zlaŋa tar hinne mbaŋa. Ta mbəɗ gər a dəba nda malàkàyàba dər a gəzləŋ, kamala megweɗe ya: Hey, hey, hey, ta kəɗ naha ka, ŋgwal mburma.

Luka 5:8

Simun Piyer a ŋgat a kilif ata kataya tsara ka, a daha, a kal aba aka sik a Yesuw nda gà mandza gurmits a biye. A gwaɗa a Yesuw: «Sìrìk i təv ga ya, Batsah ga ŋa. Iye ka, mala bakal kweleŋ.»

Gà Ɓəzla Meslire 2:37

Gà mburma ata tə tsaraka bazlam ata tsara ka, arəv a da aà tar a, ta ge magəɗa hinne. Ta gwaɗa a gà Piyer nda gà asiŋ gà ɓəzla meslire Mbulum ŋgiɗ: «Gà damər mər, dite mìi ge a dze ana, meme?»

RUMA 5:8

Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

2 Kurintiya 7:11

Kaɗəŋ, kì gwim matsəɓatsəɓ kurum ata ka, kamala ana Mbulum a waya ya. Ama kinehe ka, samatum kuɗa kwaŋ, na kà mbəɗum dər à madzala gà gər kurum a. A sàs a kurum meɗife dər parakkà, na kà wayum mege dukw bakal asa tsiye. Ki gwim matsəɓatsəɓ i gəzləŋ kurum, nda magwàɗà ika magər kurum ka, aàla dze ya, na dukw ata a ge ba ya? Aɗaba taŋa, ki gwim magəɗa hinne agəra dukw ata a ge ba ika magər kurum a. Iye riŋ ihər i kiv a kurum a ka, hinne, aɗaba ana a sàs a kurum ki ŋgetwimiŋ a asa ya. A sàs a kurum ka, mege dukw ana Mbulum a waya ya, na kà tàtə̀kum a wele ata a ge bakal a ya. Taŋa dukw ata tserdze ya, a dara ka, i təv Mbulum a. Kamala taŋa ya, kà pàtum dər parakkà, aɗaba ana gər kurum aà mege dukw ata asa tsidze ya.

1 TIMUTE 1:15

Tsarakum, Yesuw a dara aka gər ahəɗ a ka, aà məmbàlà à gà ɓəzla bakal, kamala iye ana Yàa ge bakal ka, hinne, a za biy mburma tserdze ya. Bazlam aaha i tsik a ka, ŋgwal bazlam ndzer, pàrsa iɗəm tsa. Say gà mburma ta gəs a gəzləŋ tar lele.

IBƏRANIKWA 4:16

Aɗaba taŋa, sìrìkikwa a təv mendze mekwere Əbay Mbulum ana a kwere a ya, dite ka, a ge a ŋgwal ŋa a mburma mbaŋa ya. Hìriɓ hìriɓ ki gekwa magəɗa tsa. Aɗaba ka sərakwa, kà ndzekwar are tsehe, dite na a gekwe a ŋgwal ŋa i təv dukw ana a sle a aà kwa ya.

IBƏRANIKWA 8:12

Aɗaba ku mege ta gewa bakal là tekeɗe ka, i pìl a ter a dər. Dukw ana ta ge a tserdze ya ka, a ta mìŋere a a gər a asa tsa, gwiɗits à mìtsiŋ a gər fit kweleŋ.»*fb*