Luka 17:30 - Bible Zulgo

³⁰ A ta ge a ka, kataya mbaŋa, na a pat ana iye, wur ana a dara i təv Mbulum a, pəzlàŋ i ti slele a ya.

Luka 17:30 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 24:3

Aləka i dəba ŋa ya, Yesuw a tsəl a gər kwite Ndzendzebire. I təv ana ŋgat a riŋ mandza ŋa i fataya ka, gà ɓəzla mazazama ŋgat tə daha a təv ŋgar, à gər tar. Tə daha, ta gwaɗar: «Tsik a mər te, ndeɗime na bazlam yak ata kà tsik a, a ta ge a ba ya, dite meme na mìi sir a dər ka, kàa à meslele, nda gà gər ahəɗ aka à mendìve asa ya?»

Mata 24:37

Aɗaba dukw ana a ge ba akahər Nuhu ata ya ka, a ta ge a ba aka təv ana iye, *wur ana a dara i təv Mbulum a, i mère a ya mbaŋa.

Mata 24:39

Aɗaba gà taŋa ti ndiɗik gər aà taŋa ya ka, tàa sər aaba tsa. Dukw ana Nuhu a tsikewa a tar a tekeɗe, tàa dzar zləm tsidze, haa yam batsah ŋa ata a dara kuɗa, a rah aka gər ahəɗ fèɗìɗe, a dzeye à gà asiŋ gà mburma ata fit. Ama a pat ana iye, wur ana a dara i təv Mbulum a, i ta mère a ya tekeɗe, dukuməŋa a ta ge a ba ka, kamala taŋa ya mbaŋa asa.

Mata 26:64

Yesuw a gwaɗar aaka: «Kataya, kamala ana kà tsik a. Ama aka miɗ zaakwa ka, ki ŋgetwimiŋ a, a iye, *wur ana a dara i təv Mbulum a, iye mandza ŋa ika tsèke ahər mezime Mbulum ana a za gà dukw tserdze ya. Ki ŋgetwimiŋ a asa ka, aà gəza mbulum tirwenihhe, i dere a nda hulɓukw a.»

Markus 13:26

A pat ata ka, gà mburma ta ŋgetiŋŋa, a iye, wur ana a dara i təv Mbulum a. I dere a ka, nda hulɓukw a, nda ndzəɗa Mbulum a hinne, dite nda mezlibe gà ana ti zlibe a à iye ya.

Luka 17:24

Aɗaba pat ŋa aka ndzera ka, iye, wur ana a dara i təv Mbulum a, i dere a ka, parakkà, i təv are mburma tserdze, kamala mewìtìɗè mbulum ana ndiɗèy à wìtiɗ a ika tsèke ŋgiɗ ka, tsikw a ndze a dər aka tsèke ŋgiɗ asa ya.

Luka 17:29

Ama a pat ana Ludu a hitse, a da i Suduma ya ka, zlir akwa bàtutukw ŋa a ndàra aka gà asiŋ gà mburma ana i fataya, nda dukuməŋa a riŋ a wene a wàfùfùffa, a dzeye a tar fit.

Luka 21:22

Aɗaba pat ata ka, pat ana Mbulum a ge a ter a seriye ya, dite dukw ana gà ɓəzla məma à guma ŋgar ti tsik akahər ata i wakita ŋgar a, ma ne ndzer kuɗa.

Luka 21:27

I dəba ŋa ya kuɗa ka, gà mburma ta ŋgetiŋŋa, a iye, wur ana a dara i təv Mbulum a. I dere a ka, nda hulɓukw a, nda ndzəɗa Mbulum a hinne, dite nda mezlibe gà ana tì zlibe a à iye ya.

1 Kurintiya 1:7

Aɗaba taŋa, dukw ana Mbulum a dze a a gà mburma ŋgar a tserdze ka, kàa ŋgatum, kuɗa duwa a ge a kurum a tsidze. Dite kurum riŋ ihər ki vevwim a ka, pat ana Yesuw Kiristi à mère a nda ndzəɗa ŋgar ana tì zlibe a dər a ka, nda gà maŋgayaba.

1 Kurintiya 1:8

Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

2 TESALUNIKE 1:7

Dite kurum ana kinehe kurum ihər ki sèwèrwim a are ya ka, a ta vile a kwe akaba a mandza zayzay lele. Dukw ata a ta ge a ba ka, aka təv ana Yesuw Kiristi BATSAH kwa ŋa a dere a i gər ŋa i mbulum a ya. Tar nda gawla ŋgar ana gà ndzəɗa tar a riŋ hinne ya, na ti lekere a ŋgat a ya.

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

1 Yuhana 2:28

Gà ɓəza gà, i tsik a kurum a asa ka, ndzum nda gà ŋgat i təv ilik ŋa, na dite, a pat ana à mère a ya ka, gəzləŋ kwa a ge a magəɗa tsiye, dite a ndze a hiywekukwà nda hwarwa ŋa ɓav tsa asa, na aka dara ya.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.

Sunwa Yuhana 1:7

Gwim metsehe, a dere a ka, nda hulɓukw a.*fb* Ku weke a ŋgeteriŋa, ku mege gà na ta geyer suwal a tekeɗe ya. Gà slàla pampam ika gər ahəɗ tserdze, ti tiweye aaba a aɗaba ŋgat. A ta ge a ba ka, kamala taŋa ya kaɗəŋ ndzer. Amin.