Luka 17:26 - Bible Zulgo

²⁶ Ama dukw ana a ge ba akahər Nuhu ata ya ka, a ta ge a ba a pat ana iye, wur ana a dara i təv Mbulum a, i mère a ya mbaŋa.

Luka 17:26 ပူးပေါင်းရင်းမြစ်များ

Luka 17:22

I dəba ŋa ya, Yesuw a gwaɗa a gà ɓəzla mazazama ŋgat: «A pat ŋgiɗ a ndzere a ka, mendze ana kinehe i ndze a ika magər kurum, iye, *wur ana a dara i təv Mbulum a ka, a kiv a kurum ŋa. Ku mege pat ilik kà wayum meŋgetwimiŋ tekeɗe, ki ŋgetwimiŋ a tsa.

Luka 17:24

Aɗaba pat ŋa aka ndzera ka, iye, wur ana a dara i təv Mbulum a, i dere a ka, parakkà, i təv are mburma tserdze, kamala mewìtìɗè mbulum ana ndiɗèy à wìtiɗ a ika tsèke ŋgiɗ ka, tsikw a ndze a dər aka tsèke ŋgiɗ asa ya.

Luka 17:27

Akahər ata ka, gà mburma ta mətsa aà maŋgayaba, mazəmaya gà dukw mezime, nda masàyà gà dukw mese. Tə ndzakawa daala, tə dzayawa gà dəm tar a zal, haa a pat ana Nuhu a pəts a ga ŋgar ata a làmbaɗa aà masuwaya dər ika gər yam a. Dite i dəba ŋa ya, yam batsah ŋa a dara kuɗa, a rah aka gər ahəɗ fèɗìɗe, a dzeye à gà asiŋ gà mburma ata fit.

Luka 17:7

«Ama na bəla wura ilik ika magər kurum a, ɓele ŋgar a riŋ à fìter a gùvàh, kige tsa, a riŋ à kìver a gà duwa ana, aləka, aka màra a ma ya ana, wànà mala ga ata a gweɗere a: a?

Luka 18:8

Iye ihər i tsik a kurum ŋa: A ta gis a bazlam tar bise. Ama kəla ka, i təv ana iye, *wur ana a dara i təv Mbulum a, i dere a ya ana, wànà i ti lere a aà gà mburma ya nda gà megìse iye i gəzləŋ tar ika gər ahəɗ a?»

IBƏRANIKWA 11:7

Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*

2 Piyer 2:5

Gà mburma ana akahər ata ta ge bakal a ka, Mbulum aka miyak à tar ɓav tsa asa. Ama a slərra batsah yam aka gà mburma ata ta gəs ŋgat tsiye. A rah aka gər ahəɗ peɗik peɗik, ti dzeye aɗəm fit. A mbala iɗəm a ka, à gà mburma tsamakər a ɗekɗek pəra. Gà Nuhu ana a tsikewa bazlam ŋgar a mburma ya, dite ka, a waya tə zazam vatwa ŋgwal ŋa, tar nda gà mburma ana i ga i ma ŋgar təsəla ya.*fa*

2 Piyer 3:6

Nda yam ata asa mbaŋa na siyèkw Mbulum a dzeye à gər ahəɗ akahər ata ya. Yam ata ka, batsah yam ana a rah aka gər ahəɗ fèɗìɗe, mburma ta mata aɗəm a.