Luka 16:25 - Bible Zulgo

²⁵ Ama Abəraham a gwaɗarra:

Luka 16:25 ပူးပေါင်းရင်းမြစ်များ

Mata 27:63

Tə daha, ta gwaɗar: «Əbay, mì dara a təv yak a ka, aɗaba dukw ana mala pàrsa aaha a tsikewa akahər ana aka mət zukw tsiye ya, a gwaɗawa: ya ka, aka mà mərra a gər a.

Markus 9:45

Kige tsa na sik yak a de a à kər a bakal ka, sàs aba ya. Ŋgulum na ki ŋget a mesife i təv Mbulum nda gà sik yak ilik a, na ndəna tì yè a kər a akwa nda gà sik yak sula ya.

Luka 16:20

Ama wele ŋgiɗ a riŋ mbaŋa, zləm ŋgar Lazar. Ŋgat ka, matawak ŋa, dukw ŋgar a riŋ tsa. Ba ŋgar fit ka, mbəlak ɗekɗek. A dawa aka hərmaga wele ata limana ŋgar a riŋ hinne ya. A hənawa i fata.

Luka 16:23

A sèwèrewa are hinne i təv ana gà məməta iɗəm a. A zla gər aà mbulum, a fə̀r ikaba ya ka, aka ŋgataha a gà Abəraham mandza ŋa nda Lazar i təv ilik ŋa diriŋ nda gà ŋgat i gər ŋa, ti ndze aaba tsa.

Luka 16:26

Dite asa ka, biye a riŋ batsah ŋa kwitsikw ika magər kwa nda kər, kərga taŋa ya, ku mege gà mburma ana i faha, a sàs a tar madaha a təv kurum tekeɗe, ti sle a tsa. Dite gà na a riŋ i faka ya tekeɗe, ti sle a aà madàra a faha ya tsa asa mbaŋa.>

Luka 6:24

Ama a kurum gà ɓəzla limana ka, waya ba kurum a. Aɗaba kàa mbər meŋgeslwim aka ndəv.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

RUMA 8:7

Wur ana a dzele a dukw ana ba ŋgar a waya ya ɗekɗek ka, ŋgat a ne ka, mala mene are a Mbulum. A zezem a ka, dukw ana Mbulum a tsik a tsa, aɗaba ana a sle a tsiye.

FILIPIYA 3:19

A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.

1 TESALUNIKE 3:3

Aɗaba a sàs a mər ka, wura ilik ma ta mà aà kurum a dəba ya, agəra mesewere are ana ki sèwèrwim a ika vatwa Mbulum a tsa. Aɗaba kurum kà sərum, vatwa ŋgiɗ a riŋ tsa, na dite kwa gà mburma Mbulum ki sèwèrekwe a are kamala taŋa ya ya.

IBƏRANIKWA 11:25

A dzala, a gwa: Ŋgulum mìi sèwèr akaba a are nda gà mburma Mbulum, na ndəna i ŋgeye a ba a dukw bakal gər ahəɗ a. A samata, maŋgayaba ata ka, kwiɗèy à ndìviŋa, a ndze a hinne tsa.*fn*

1 Yuhana 2:15

Ka ta wayum dukw ana ŋgwal ŋa tsa ika gər ahəɗ a tsa. Na wura a waya dukw ata ka, a sle a aà mawàyà Mbulum Tsir kwa asa tsa.

Sunwa Yuhana 7:14

I gwaɗar: «Awaŋ, batsah ga ŋa, kər ivaɗ na a sər tar a. Iye ka, i sər tar tsa.» I dəba ŋa ya, a gweɗiŋ asa: «Gà mburma aaha ka, gà na tì sèwèr a are hinne aka mandəvandəv gər ahəɗ aaha ya. Ama ka, tàa bàs gəzləŋ, tàa miyak à vatwa Mbulum tsidze. Ta baraya gà petek tar a nda məmbəz Kəla Təmaŋ ata, na dite ka, a ndza herrè ya.