Luka 16:2 - Bible Zulgo

² Wele ata a tsaraka kataya tsara ka, a zalaraha, a gwaɗar:

Luka 16:2 ပူးပေါင်းရင်းမြစ်များ

Mata 12:36

Ama iye ihər i gweɗe a kurum ŋa: A pat seriye Mbulum ka, ku mege bazlam awara tekeɗe, zləməŋa na gà mburma ti tsikewa kinehe taf a ka, ti ta me a ter a à bakal ŋa.

Mata 20:8

Aləka i dəba ŋa ya, pat a dəɗ ka, mala gùvàh aaha a gwaɗa a mala megemir ŋgar ana i ga i ma ŋgar batsah ŋa ya:

Luka 12:20

Ama Mbulum a gwaɗa a wele ata: «

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

Luka 16:1

I dəba ŋa ya, Yesuw a gwaɗa a gà ɓəzla mazazama ŋgat asa: «Wele duwa, mala limana, mala maɗàmà siŋgwe ŋgar a riŋ. Gà mburma tə daha a təv ŋgar. Tə daha, ta gwaɗar:

Luka 16:3

Mala maɗàmà siŋgwe aaha a dzala i gər ŋgar ka, a gwa:

RUMA 14:12

Kamala taŋa ya, ku weke hə̀ndə̀sl bakal ŋgar à dèn a ŋgat, a tsik a parakkà ika miɗ Mbulum, na dukw ana a ge ya.

1 Kurintiya 1:11

Gà gəzləŋ kurum nda madzala gà gər kurum tekeɗe, ma ge ka, ilik mbaŋa. Gà damər gà, i tsik taŋa ka, aɗaba gà mburma ana i bəra dəm Kilewe ya, ta màhara ba ya, tə dara, ta gweɗiŋ ka, maàga a riŋ hinne na ika magər kurum a, kà sərum aaba ahəm tsa.

1 Kurintiya 4:2

Ama kəla ka, wele ana mala ga ŋgar aka məsakar à duwa a ahər a ka, a waya ŋgat ma ne ka, mala ndzer.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

2 Kurintiya 5:10

Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.

1 TIMUTE 4:14

Ka ta fə̀r aà ndzəɗa ana Mbulum a vəlak a, kamala dukw masakəŋa ya tsa. A vəlak ndzəɗa ata ka, daga piŋŋe, akahər ana gà ɓəzla məma à guma Mbulum ti ɗif à madzala gà gər Mbulum ana a dzala aɗaba kər a. A vəlak ka, ndakahər gà bàba ŋana ika magər gà mburma Mbulum, ta hamar, tə dzaya aka kər ahər a.

1 TIMUTE 5:24

Gà asiŋ gà mìsle ŋgiɗ riŋ ka, ti ndze a aka miɗ seriye dzekwiŋ tsa, na bakal tar à pèt a a bəra ndərzayya ya. Ama biy gà mìsle ŋgiɗ à pèt a ka, say na tàa ndze aka miɗ seriye ya dzekwiŋ.

1 PIYER 4:10

Mbulum a pise a kurum a ahəm nda təv gà dukw ŋgiɗ pampam. A vile a ndzəɗa a mburma aà mege gà dukw ŋgiɗ pampam ilik ilik tserdze, aà mazlàkà dər gà asiŋ gà mburma ŋgiɗ. Ku weke ma ge ndaka vatwa ŋa lele.

1 PIYER 4:5

Ama a pat ŋgiɗ ka, Mbulum a zel a a gà mburma ata, ti dere a, ta hitse a aka miɗ ŋgar, a ge a ter a seriye kuɗa. Aɗaba aka hadzal ba aà mege seriye a gà mburma ana tar riŋ nda are ya, nda gà na tàa mata ya mbaŋa.

Sunwa Yuhana 20:12

I fataya asa ka, i ŋgataha a gà məməta tserdze asa mbaŋa, ku mege gà bàba ŋana nda gà ɓəza ŋana tekeɗe ya. Tar gà mehìtsèyè ŋa ika miɗ təv mendze Əbay ata. I dəba ŋa ya asa ka, mìsle ŋgiɗ a handaka ikaba gà wakita ya. Ta wetse aɗəm ka, dukw ana gà mburma ta geye ya, dite ka, ta hə̀ndə̀k ikaba wakita ŋgiɗ a asa mbaŋa. Ama i huɗ wakita ŋgiɗ ata ka, ta wetse aɗəm zləm gà mburma ana tàa ŋgat mesife ya. Ta handaka ikaba wakita ata ya ka, Mbulum a ge seriye a gà mburma ata ta mata ya. A sàs a tar ikaba seriye ŋa ya ka, kalkal dukw megemir tar ana ta geye ya. Dukw ata ka, a riŋ mewetse ŋa i huɗ wakita ata dukw ŋgar.