Luka 16:15 - Bible Zulgo

¹⁵ Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Luka 16:15 ပူးပေါင်းရင်းမြစ်များ

Mata 23:5

Aɗaba megemir tar ana ta ge a ya ka, ika miɗ mburma, dite gà mburma ta fə̀r aà tar, ta gwa ka, tar ka, gà ŋgwal ŋa. Kamala taŋa ya, i təv ana ta heme a a Mbulum a ka, ti ndìwìɗewa gà petek ana slàrra ya a gər, kige tsa aà ahər. Tì dèneye a màdaŋgwàla duwa aka gùva petek tar zigwindindiɓɓe, ti ndze a dər kuɗa ka, ŋgakŋgakəkka asa mbaŋa.

Mata 6:16

I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.

Mata 6:2

Aɗaba taŋa, na bəla a sàsak mazlàkà mala matawak ka, ka ta vəlar dukuməŋa ndərzayya ika miɗ mburma, dite ta fə̀r ahər nda mazlə̀bà à kər tsa. Ama asa ka, ka ta gwim kamala biy gà ɓəzla mimbèhè are ana ta gewa dər kataya i gà ga mahàmà a Mbulum, nda gà ika magər gà vatwa ya tsa asa. Aɗaba tar ta gewa kataya ka, dite gà mburma tə̀ zlə̀b à tar lele pəra. Ama iye ihər i gweɗe a kurum a nda ndzer: Tar ka, tàa ŋgat dukw maya ba tar aka ndəv.

Mata 6:5

I dəba ŋa ya, Yesuw a gwaɗa a tar asa: «Na ki hemwim a a Mbulum ka, ka ti nwim kamala gà ɓəzla mimbèhè are ana ta mbeher a ya tsa. Aɗaba tar ta hamawa ka, ta hitsewa dər aà mbulum aka miɗ mburma parakkà i gà ga mahàmà a Mbulum, kige tsa, ika makə̀zlàkə̀zla gà vatwa tekeɗe ya. A sàs a tar ka, gà mburma ta fə̀r aà tar, ta gwa aà tar ka, gà ŋgwal ŋa. Aɗaba taŋa, kinehe ka, iye ihər i gweɗe a kurum a nda ndzer: Tar ka, tàa ŋgat dukw maya ba tar aka ndəv.

Luka 10:29

Ama mala medzeŋge məpala ahəm Mbulum ata a sasar ka, mene à ba ŋgar mala ndzer ŋa. A tsam biy ŋgiɗ aà Yesuw asa, a gwaɗar: «I weye a mburma dze ana, gà weke?»

Luka 11:39

I dəba ŋa ya, Əbay Yesuw a gwaɗar: «Kurum gà Farisa ka, kà sərum are matsakaɗa gà kəzliyam nda tasà kurum ka, lele. Dite aàla na gəzləŋ kurum kataya tsiye? Nda bəra ka, kù gwaɗum, mər gà ŋgwal ŋa, tsaatsa i huɗ ŋana ka, maràhà ŋa nda gà dukw ana ŋgwala tsiye, kamala megweɗe ya ka: Megeye akəl, nda megeye swalwa.

Luka 18:11

Tə daha ka, Farisa ata a ndza a təv ŋgar pam, a dza ba aà mahàmà a Mbulum. A gwa:

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 18:21

Wele ata a gwaɗar aaka: «Əbay ga, Yàa gəs gà dukw ata tserdze ya, daga aà gər kəla ndirkiz a, Yàa ge tsa.»

Luka 18:9

Aləka i dəba ŋa ya, Yesuw a tsik bazlam minew ŋgiɗ pam asa, a gà mburma ana tə dzala i tar ka, tar gà ɓəzla gà ŋgwal ŋa ika miɗ Mbulum, dite ka, ta fir a aà gà mìsle ŋgiɗ ka, kamala za ya. A gwaɗa a tar:

Luka 20:20

I dəba ŋa ya, tə dza ba aà mayaha manəsa bazlam i təv Yesuw a. Tə slər gà ɓəzla məbànàra bazlam aà mburma i gər a, a təv ŋgar. Gà mburma ata ka, ta ge aba kamala ana tar ka, gà ɓəzla ndzer ŋa ya. Dite ka, ta gə̀saraha ahəm aà are, nda mewize ahər duwa. A sàs a tar məvəla ŋgat ahər mala sik Əbay ana a kwere a ahəɗ gà Ruma ya.

Luka 20:47

Tì dzik a gà duwa aà gà madakwa gà məkəs a, nda haram. Dite ta heme a a Mbulum ika miɗ mburma kuɗa ka, vìrìɗìɗɗe, kərga tar ka, gà ŋgwal ŋa, tsaatsa pàrsa. Gà taŋa ka, seriye tar a ta ge a ka, mawùràba ŋa ndeyndey na i təv Mbulum a.»

Yuhana 2:25

Ŋgat ka, wura a tsiker a dukw ana i ba mburma ya tə tsa, a sər dukw ana i gəzləŋ tar a tserdze.

Yuhana 21:17

I dəba ŋa ya asa, a màr dər məmakər ŋa, a gwaɗar: «Simun, kəla Yuhana, wànà kà waya iye ana, ndzer kaɗəŋ a?» Bazlam Yesuw ata a màr dər məmakər ŋa, a gwaɗar: «Wànà kà waya iye yà, kà waya iye yà» ka, a tsəɓ a Piyer hinne. A gwaɗar: «Batsah ga ŋa, kà sər duwa tserdze. Dukw ana i gəzləŋ a tekeɗe ka, kà sər. Kà sər ka, i waya kər ndzer.» Yesuw a gwaɗar: «Ge gər a gà mburma gà ana ti zezem a iye kamala gà təmaŋ a lele.

Gà Ɓəzla Meslire 1:18

Ama siŋgwe ana tə dzàɗar aɗaba bakal ŋgar a ka, a səkəm dər gùvàh. I dəba ŋa ya, a dəɗ i gùvàh ata, à gər ŋgar, a ndə̀zl ika ba ya, dukw hitwis gàtsak gàtsak i bəra.

Gà Ɓəzla Meslire 1:24

Aləka tar ata tserdze ya, ta hama aà Mbulum. Ta gwa i huɗ meheme tar ata ya ka: «Batsah mər ŋa, kər na kà sər gəzləŋ mburma tserdze ya. Ɗif a mər dər, weke na i liwiŋ gà wele sula ŋa aaha kà zla ka,

Gà Ɓəzla Meslire 15:8

Mbulum ana ŋgat a sər gəzləŋ mburma tserdze ya, na a ɗif a kwa dər ka, aka gəs gà na gà Yahuda tsiye mbaŋa, aɗaba ana a vəl a tar Mezìtè Mesife ŋgar kamala ana a vəl a kwa ya ya.

RUMA 3:20

Fə̀rum ahər, a ge a kataya ka, aɗaba wura ilik a sle a aà mene ŋgwal ŋa ika miɗ Mbulum agəra ana a zezem a məpala ahəm ŋgar a tsa. Aɗaba məpala ahəm ata à pèt a ka, à bakal a gà mburma ndərzayya ɗekɗek, na dite ka, ti sir ahər a lele ya.

RUMA 8:27

Mbulum ka, a sər dukw ana i gəzləŋ mburma ya. Kamala taŋa ya, a sər dukw ana Mezite Mesife a waya ya mbaŋa. Aɗaba Mezite Mesife ata a heme a agəra gà mburma ŋgar a ka, kamala ana a tsahən aà Mbulum a.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

1 PIYER 3:4

Ama ka, ŋgulum gà matsahəna ba kurum mə̀ pàtara ka, i gəzləŋ a ivaɗ. Hənum à gər kurum a bəɗ tiɓìzl, aɗaba medzibe metsehine ata a ne ŋgwal ŋa ika miɗ Mbulum, à nis a tsidze ya.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*

Sunwa Yuhana 2:23

tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.