Luka 14:3 - Bible Zulgo

³ I fataya tsara ka, Yesuw a dza ba aà magwàɗà a gà ɓəzla medzeŋge məpala ahəm Mbulum, nda gà Farisa ana a riŋ i fataya: «Wànà məpala ahəm Mbulum dze ana, aka vəl vatwa aà məmbə̀là à mburma a pat mesìfìkà ba ya, tsəna aka vəl tsiye?»

Luka 14:3 ပူးပေါင်းရင်းမြစ်များ

Mata 12:10

A daha ka, a leha aà wele duwa a riŋ makula ahər ŋa i ga ata. Ama gà *Farisa ana a riŋ i ga Mbulum ata ya ka, a sàs a tar məma à bakal a Yesuw, agəra dukw ana məpala ahəm Mbulum aka vəl vatwa aà mege a pat mesìfìkà ba tsiye. Aɗaba taŋa, tə tsam ahər, ta gwaɗar: «Məpala ahəm kwa dze ana, aka vəl vatwa aà məmbə̀là à mburma a pat mesìfìkà ba ya?»

Mata 12:2

Gà asiŋ gà *Farisa duwa ta ŋgat a tar aaka ka, ta gwaɗa a Yesuw: «Samata gà ɓəzla mazazama kər aaha kwaŋ. Ta ge ana, dukw ana məpala ahəm Mbulum a gwa, gwim a pat mesìfìkà ba ya ya?»

Mata 22:35

I təv mayahaba gər tar ata ya ka, mala medzeŋge məpala ahəm Mbulum duwa a riŋ ilik a daha a təv Yesuw. Aɗaba a sasar maslàlà à ŋgat i yam a.

Markus 3:4

I dəba ŋa ya, Yesuw a gwaɗa a gà mburma ata ta fir ahər a ya: «Wànà məpala ahəm Mbulum a vəl vatwa dze ana, aà dukùla na a pat mesìfìkà ba ya? A gwa ana, gwim ŋgwal a mburma a pat mesìfìkà ba ya, tsəna, ki gwim tsiye? A gwa ana, mbəlum à mburma ya, tsəna, dzeywim à mburma ya?» Gà mburma ata ta gəs mifèfiler aakaha tsa, tə ndza ba ɗikɗik.

Luka 14:4

Ama a sàs a tar aà mifèfiler aaka tsa. I dəba ŋa ya, Yesuw a gəs wele ata ŋgwala tsiye i ahər a, a mbəl dər lele. A gwaɗar: «Daba a ma kuɗa.»

Luka 6:9

Dite i dəba ŋa ya asa, Yesuw a gwaɗa a tar: «Iye ihər i wiz a aà kurum a bazlam ilik. Wànà məpala ahəm Mbulum a vəl vatwa dze ana, aà dukùla na a pat mesìfìkà ba ya? A gwa ana, gwim ŋgwal a mburma a pat mesìfìkà ba ya, tsəna ki gwim tsiye? A gwa ana, mbəlum à mburma ya, tsəna dzeywim à mburma ya?»

Yuhana 7:23

Haa kinehe kurum riŋ ihər ki seseywim a mburma na pat ŋa aka ndze a pat mesìfìkà ba ya ana, aɗaba kà wayum bakal ma ta ge riŋ nda təv məpala ahəm Musa asa tsiye, dite aàmala na ki gwim a matsəɓatsəɓ nda təv gà, agəra ana i mbəl à mburma tsekwir tsekwir lele, a pat mesìfìkà ba ya?