Luka 14:11 - Bible Zulgo

¹¹ Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 14:11 ပူးပေါင်းရင်းမြစ်များ

Mata 23:12

Aɗaba na wura a sasar tə zalar batsah ŋa ka, Mbulum a ne à ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne à ŋgat batsah ŋa asa mbaŋa.»

Luka 1:51

A ndiɗe à ahər, a ge dər gà bàba gà megemir hinne nda ndzəɗa. Aka hə̀nasla à gà mburma ana hala gawla i gəzləŋ tar nda dukw ana pampam tə dzala ya.

Luka 1:52

Aka dzawa à gà Əbay ika təv mendze tar a. Aka vəl təv mendze ata a gà mburma ana tàa həna à gər tar a bəɗ a.

Luka 14:12

I dəba ŋa ya, Yesuw a gwaɗa a wele ana a zal a mburma à dukw mezime ya: «Na kàa de dukw mezime i mèkwède, kige tsa i hawa ka, ka tə zal a gà masla yak, nda gà damər yak ana bise ya, nda gà gwala yak, kige tsa a gà ɓəzla hərmaga yak ana limana tar a riŋ hinne ya tsa. Aɗaba tar ka, ti ti zelek a dər aɗəm a pat ŋgiɗ mbaŋa. Kər gà taŋa ya, na kataya ka, tàa vəlak dukw mayaba yak aka ndəv.

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

YAKUBA 1:9

Mala mazazama Yesuw ana matawak ŋa ika magər kurum a ka, ma ŋgaya ba, aɗaba Mbulum aka səkah à ŋgat.

YAKUBA 4:10

Hənum à gər a bəɗ aka miɗ Mbulum, dite Mbulum tekeɗe, a ti sìkèh a à kurum a dər mbaŋa.

YAKUBA 4:6

Ama ndzəɗa ŋgar ana a vəl a kwa ya ka, a za dər gà dukw meèweke ana i gəzləŋ kwa ya tserdze. A de a ka, aka miɗ aka miɗ kamala ana mewetse ŋa a riŋ i wakita Mbulum ka, ta gwa: «Mbulum a niw a gà ɓəzla zlapa, dite a vile a ndzəɗa a gà na ta həna à gər a bəɗ a.»*fb*

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*

1 PIYER 5:6

Aɗaba taŋa, hənum à gər a bəɗ ika miɗ Mbulum ana ŋgat mala ndzəɗa, a kwere a gà dukw tserdze ya. Na kàa gwim kataya ka, a sìkèh a à kurum akahər ana ŋgat a waya ya.