Luka 14:1 - Bible Zulgo

^1-2 A pat mesìfìkà ba duwa, Yesuw a da a ga a bəra Əbay gà *Farisa duwa, aà mazəma ɗaf. A daha ka, a leha aà wele duwa, kwiye ba ŋgar fit meslesle ŋa gùvgùvuvva a riŋ ika miɗ ŋgar i fata. Ama gà asiŋ gà mburma ana tar riŋ i fataya, tseŋgikkè ta ge a metsehe lele aà dukw ana Yesuw a riŋ a ge a ya.

Luka 14:1 ပူးပေါင်းရင်းမြစ်များ

Mata 12:12

Dite mburma ana, a za təmaŋ tsiye. Aɗaba taŋa na a da dər ka, mazlàkà mburma a pat mesìfìkà ba ya.»

Markus 3:2

Gà mburma ata i ga ata ya, tə dza ba aà masamata Yesuw. Gà asiŋ gà mburma ŋgiɗ tə dzala i gər tar, ta gwa: «Wànà Yesuw a ge a megemir, a mbil a à wele ata a pat mesìfìkà ba aaha ya?» Tə dzala kataya ka, aɗaba a sàs a tar məma à bakal a Yesuw, agəra dukw ana Mbulum a pala a tar ahər ahəm a pat mesìfìkà ba ya.

Luka 11:37

Yesuw a ndəv à mifefile ŋgar ata tsara ka, Farisa duwa a zalar aà dukw mezime a ma ŋgar. Ta mah ba, tə da. Tə daha, ta patsa a ga. Tə daha, tə ndza a bəɗ, dite tə dza ba aà mazəma ɗaf.

Luka 17:20

I dəba ŋa ya, gà *Farisa duwa ta gwaɗa a Yesuw: «Mekwere Əbay Mbulum ana a ta kwere a ya dze ana, ndeɗime?» Yesuw a gwaɗa a tar aaka: «Mekwere Əbay Mbulum a dere a ka, gà mburma ta ŋgeter a tsa.

Luka 20:20

I dəba ŋa ya, tə dza ba aà mayaha manəsa bazlam i təv Yesuw a. Tə slər gà ɓəzla məbànàra bazlam aà mburma i gər a, a təv ŋgar. Gà mburma ata ka, ta ge aba kamala ana tar ka, gà ɓəzla ndzer ŋa ya. Dite ka, ta gə̀saraha ahəm aà are, nda mewize ahər duwa. A sàs a tar məvəla ŋgat ahər mala sik Əbay ana a kwere a ahəɗ gà Ruma ya.

Luka 6:7

Gà ɓəzla medzeŋge məpala ahəm Mbulum nda gà *Farisa ana riŋ i fataya, tə dza ba aà mesìkwè Yesuw ìzliɗ ìzliɗ lele. Ta gwa: «Wànà wele ata ana, a ge a megemir, a mbil a à mburma a pat mesìfìkà ba aaha ya?» Aɗaba a sàs a tar maŋgata vatwa aà məmàr à bakal.

Yuhana 3:1

Wele duwa a riŋ batsah ŋa i liwiŋ gà na ta kwere a gà Yahuda ya mbaŋa, zləm ŋgar Nikudimus. Ŋgat ka, gà *Farisa.

Gà Ɓəzla Meslire 5:34

Ama *Farisa duwa a riŋ ika magər tar, zləm ŋgar Gamaliyel. Ŋgat ka, mala medzeŋge məpala ahəm Musa ana gà mburma ta gəsawa mifefile ŋgar lele ya. A hitse aka magər mayahaba gər ata, a gwaɗa a tar: «Gà ɓəzla meslire Mbulum tə da a bəra zaakwa dzekwiŋ.»