Luka 13:34 - Bible Zulgo

³⁴ I dəba ŋa ya, a gwaɗa a tar asa: «A kurum gà mburma ana riŋ i Yeruzalem a, i Yeruzalem a. A kurum ana kà batsawum gà ɓəzla məma à guma Mbulum, dite kə̀ kalawum gà na Mbulum a slərawaha tar a təv kurum a nda kur a. Wànà sik ndaw na a sèsiŋ magəsa aaba gər a gà mburma kurum, kamala məmər mendzikwir ana a yehe a gər a gà ɓəza ŋgar aà huɗ gwezleviyek a. Ama ka, a sàs a kurum dər akaba ɓav tsa asa.

Luka 13:34 ပူးပေါင်းရင်းမြစ်များ

Mata 22:3

Aləka i təv ana à ndìɗ a a bəra ya ka, a slər gà gawla ŋgar, aà mezeleha a mburma, tə dara, tə zəm dukw mezime ana à ndìɗ a dər daala kəla ŋgar ata a bəra ya. Ama gà mburma ata tə zal a tar a ka, ti niw medeha.

Mata 22:6

Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.

Luka 15:28

Kəla batsah ŋa ata a tsaraka kataya ka, a dza ba aà mege arəv hinne. A sasar məpə̀ts a ga asa tsa. I dəba ŋa ya, tsir ŋgar a dara a bəra ya. A dara, a hamar hinne. A waya ma da a ga.

Luka 19:44

Ta bets a kurum, ti dwif a kurum a zlagam a bəɗ nda ga ŋa dze fit, leheɗ leheɗ. Ti ta miyek a à kur ika gər biy ŋgiɗ tsidze. Aɗaba kàa sərum pat ana Mbulum a dere a aà mazlàkà kurum zləmana ya tsa.»

Luka 23:28

Ama Yesuw a mbəɗ aba a təv tar, a gwaɗa a tar: «A kurum gà məkəs aaha ɗa i Yeruzalem a, ka tuwum agəra iye tsa. Tuwum ivaɗ ka, agəra ba kurum, nda gà ɓəza kurum.

Gà Ɓəzla Meslire 7:52

Gà ɓəzla məma à guma Mbulum awara na gà tsir kurum tàa sèwèr a tar are tsiye? Tàa bats gà mburma ana ti ɗif a tar à mede mala meslire ŋgar ndzer ŋa na a dere a ika miɗ a. Ama kinehe ka, ŋgat ŋa kuɗa na ki gwim ahər ɗaf, dite kə̀ kəɗum ŋgat a.

Gà Ɓəzla Meslire 7:59

Ama Etiyen a riŋ a heme a a Mbulum, na tə dza ba aà makàlàwà ŋgat nda kur a. I huɗ meheme ŋgar ata ya ka, a gwa: «Yesuw Batsah ga ŋa, araha, i mìt a ka, zla mesife gà a təv yak te.»

Gà Ɓəzla Meslire 8:1

Sawul tekeɗe, makə̀ɗà ŋgat ata ka, a tsahən ahər. A pat ata tsara ka, tə dza ba aà mesewere are a gà mburma Mbulum ana i Yeruzalem a hinne. Gà ɓəzla magəsa Yesuw nda gəzləŋ tə tə̀z i fataya fit, tə da aka ahəɗ Yuda nda Samariya. Say gà ɓəzla meslire Mbulum ana kurwa gəra sula ya, na ti zeha i fataya.

Sunwa Yuhana 11:8

Ama gà məməta tar ata ka, wura a ti leye a tar tsa, ti ti ndze a ika dàlàbə̀rà, i magər kwite ana ta kəɗ aɗəm Batsah tar ŋa ya. Zləm kwite ata a ne ka, kamala Suduma ya, kige tsa, Ezipt ya.