Luka 13:33 - Bible Zulgo

³³ Ama ka, i de a à megemir ŋa aka miɗ mbakum nda ndidwe, dite ndidwe aaka asa. Aɗaba a da dər tsa na ta kiɗ a mala məma à guma Mbulum i təv ŋgiɗ pam a, na i Yeruzalem asa tsiye ya.> «

Luka 13:33 ပူးပေါင်းရင်းမြစ်များ

Mata 20:18

«Tsarakum, araha, kwa ihər ki tèkwe a a Yeruzalem. Aləka, aka təv ana kàa ndzekwaha a fataya ka, iye, *wur ana a dara i təv Mbulum a, ti ta gis a iye, dite ta vile a iye a ahər a gà bàba gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum. Ta giŋ a seriye mekìɗe.

Mata 21:11

Ama mayahaba gər gà mburma ata tə dəɗ aakaha ya, ta gwaɗa a tar: «Naha ka, Yesuw, mala məma à guma Mbulum ana a dara i Nazaret, ika ahəɗ Galile ya.»

Luka 9:53

Ama gà mburma ana i fataya, ta waya na Yesuw a dehe a a ma tar a tsa, aɗaba ana a de a ndàra a Yeruzalem a.

Yuhana 11:54

Aɗaba taŋa na a sàs a Yesuw aà mesìweye ndərzakka i təv are gà mburma ata i fataya asa tsiye. A mah ba i fataya, a da a kwite ana tə zalar Efərayim a. Kwite ata ka, aà gùva kusak. Tə ndzaba i fata nda gà ɓəzla mazazama ŋgat.

Yuhana 11:9

Yesuw a gwaɗa a tar aaka: «Daga aà gər mèkwède ya, haa a hawa ana ki ŋgetekewe a a pat tsiye? Na wura à sìweye a ndaàpat ka, a ndif a sik tsa, aɗaba ŋgat a riŋ a ŋget a a vatwa dzaydzay i bəɗ lele.

Yuhana 12:35

Yesuw a gwaɗa a tar aaka: «Kinehe ka, dzaydzay a riŋ i təv kurum. Ama a ndze a kə̀la ka, zaakwa pəra. I təv ana dzaydzay ŋa ata a riŋ i təv kurum mba ya ka, dum aka miɗ tə̀ma, luvuŋ mà gəs kurum tsa. Aɗaba wur ana a de a i luvuŋ a ka, a sir a təv ana a de a aɗəm a ya tsa. Tìtìktìkka luvuŋ aka ndàr aka are.

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Yuhana 9:4

Say ki gekwe a meslire wele ana a slərra iye ya, i təv ana pat a riŋ mba ya. Həvəɗ aka à mege. Aka ge ka, ku weke tekeɗe, a sle a aà megemir ŋa asa tsa.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 13:27

Aɗaba kəla pat gà mburma ana i Yeruzalem a, nda gà Əbay tar tserdze tàa sər, Yesuw ka, mala məmbə̀là à mburma tsa, dite tàa tsaraka bazlam gà ɓəzla məma à guma Mbulum ana ti dzeŋgewa a tar a pat mesìfìkà ba ya tsa asa. Ku mege tàa tsaraka tsa tekeɗe ka, ta ge kamala ana ti tsik ahər akahər ata piŋŋe ya, pàrsa iɗəm ɓav tsa. Kamala taŋa ya, ta waya makə̀ɗà ŋgat.