Luka 13:3 - Bible Zulgo

³ A riŋ tsa. Iye ihər i gweɗe a kurum ŋa: Ama kàa mbəɗum à gà gəzləŋ kurum tsəka, ki ta metwim a fit, kamala tar a mbaŋa.

Luka 13:3 ပူးပေါင်းရင်းမြစ်များ

Mata 12:45

I dəba ŋa ya, a de a, a ti ndzikere a gà asiŋ gà sitene ŋgiɗ a təsəla aà mendze i fata, gà na gà ŋgwal ŋa tsa ndeyndey a. Ti de akabaha aɗəm a tserdze a fata. Zàmma tsəka, dukw ata à me a aka wele ata, mendze ŋgar a ge a ŋgwala tsa ndeyndey, à zè a dər na piŋŋe ya asa. Kamala taŋa ya asa na a ti ne a i təv gà mburma ana kinehe ta məsak à vatwa Mbulum a mbaŋa.»

Mata 22:7

Ama Əbay aaha a ta metsereke ka, a tsəɓar hinne. A slər gà sliwdze ŋgar aà məbatsa gà mburma ata ta batsaya gà ɓəzla meslire ŋgar aaha ya. Gà sliwdze ata tə da. Tə daha tsara ka, ta bats gà mburma ata fit. Dite ndìrɓek ta wànà kwite tar ata nda akwa asa.

Mata 3:2

A gwaɗawa a tar ka: «Mbəɗum à madzala gà gər kurum a təv Mbulum, aɗaba mekwere ŋgar aka à mendzera.»

Luka 13:2

Yesuw a gwaɗa a tar aaka: «Dite kà dzalum dze ana, gà Galile ata ta bats tar ana, tar gà ɓəzla bakal bə̀ba ŋa ika gà asiŋ gà Galile ŋgiɗ a ya?

Luka 13:4

Dite gà mburma ana kurwa gəra tsamakər ŋa ata, batsah ga zùbəl ŋa ata a mbazla aka tar i Siluwam i Yeruzalem, ta mata fit ana, wànà kà dzalum dze ana, tar gà ɓəzla bakal bə̀ba ŋa ika gà asiŋ gà mburma ŋgiɗ ana a riŋ i fataya ya?

Luka 13:5

A riŋ tsa. Iye ihər i gweɗe a kurum ŋa: Ama na kàa mbəɗum à gà gəzləŋ kurum tsəka, ki ta metwim a fit kamala tar ata ya mbaŋa.»

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Gà Ɓəzla Meslire 3:19

Aɗaba taŋa kinehe ka, mbəɗum à madzala gà gər kurum, kà mbəɗum gər a təv Mbulum. Dite mə̀ pəl a kurum à bakal kurum tserdze.