Luka 13:24 - Bible Zulgo

²⁴ «Mərum aba aà mede ndaka biye hərmaga ana hinne tsiye. Aɗaba iye ihər, i gweɗe a kurum a nda ndzer: Gà mìsle ŋgiɗ a riŋ hinne a ti ses a ter a aà mede ndaka vatwa ata, ta waya mimbile, ama ti sle a tsa.

Luka 13:24 ပူးပေါင်းရင်းမြစ်များ

Mata 11:12

Ama à gər ana Yuhana a pat aba, a tsikewa bazlam Mbulum a mburma ya haa kinehe tekeɗe, gà ɓəzla mene are a Mbulum ta həndakawa a vatwa a mburma, ta waya bazlam *mekwere Mbulum ana a kwere a ya, ma da aka miɗ tsa.

Luka 13:23

I təv ana a riŋ ihər a tsik a bazlam ŋgar ata ya ka, wura ilik a tsam ahər, a gwaɗar: «Əbay, wànà gà mburma ta mbil a ka, əŋgal dze ana, kaɗəŋ a?» Yesuw a gwaɗar aaka:

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Yuhana 13:33

Gà ɓəza gà, kinehe ka, iye ɗa i təv kurum tə̀ma. Ama kə̀la ka, i ndze a hinne asa tsa. Na Yàa da aà kurum a ka, ki ti yehwim a iye. Taŋa kinehe ka, i tsik a kurum aba dukw ana i tsik a gà bàba gà Yahuda ya: Ki slwim a aà mede a təv ana i de aɗəm ya tsa.

Yuhana 5:4

Aɗaba a pat ŋgiɗ ka, gawla Mbulum a dawara, a ɓezle a dər. Aka ɓazla dər ka, gà ɓəzla dukw məməta ata ti de aɗəmiŋa. Dite malahalah ŋana a lah aɗəm a ka, a mbiliŋa, ku mege dukw məməta awara tekeɗe ya.}

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Yuhana 7:34

Ki ti yehwim a iye, ama ki ŋgetwim a iye tsa. Aɗaba ki slwim a aà mede a təv ana i ti de aɗəm a ya tsa.»

Yuhana 8:21

I dəba ŋa ya, Yesuw a gwaɗa a tar asa: «I debiŋa. Na Yàa da ka, ki ti yehwim a iye tekeɗe, taf masakəŋa. Ama kurum ka, ki metwim a i bakal kurum. Ki slwim a aà mede a təv ana i de aɗəm a ya tsa.»

RUMA 10:3

Aɗaba tàa tsaraka vatwa ana Mbulum a ne a dər à mburma ŋgwal ŋa ika miɗ ŋgar a tsa. Tar riŋ ti yehe a vatwa ivaɗ ka, aà mene à ba tar ŋgwal ŋa i təv ŋgar nda ahər tar. Kamala taŋa ya, ŋgùɗak ta məsak aba à vatwa ana Mbulum a ne a dər à tar ŋgwal ŋa ika miɗ ŋgar a.

KULUSIYA 1:29

Aɗaba taŋa na iye ihər i mir a aba aà megemir ŋa hinne, nda ndzəɗa Yesuw Kiristi ana a viliŋ a ba ya, na dite ka, araha, i ge a dər megemir ŋa mbaŋa ya.

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.