Luka 12:42 - Bible Zulgo

⁴² Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

Luka 12:42 ပူးပေါင်းရင်းမြစ်များ

Mata 13:52

A gwaɗa a tar asa: «Aɗaba ku weke na a sər məpala ahəm Mbulum, aka gəs mekwere ŋgar lele ka, a ndzikiɗ ba ka, mala ga ana limana ŋgar a riŋ hinne, à mère a ka, à miviya ŋa, kige tsa, awiya ŋa asa ya.»

Mata 20:8

Aləka i dəba ŋa ya, pat a dəɗ ka, mala gùvàh aaha a gwaɗa a mala megemir ŋgar ana i ga i ma ŋgar batsah ŋa ya:

Luka 12:43

Aɗaba wele ana aka ge megemir kataya ka, a ŋget a maŋgayaba i gəzləŋ, a pat ana mala ga ŋgar aka dara, aka le aà ŋgat, a ge a megemir kamala taŋa ya ya.

Luka 7:13

Ama Əbay Yesuw a ŋgataha a madakwa məkəs ata à dìɗ a aka kəla ŋgar a ka, a ndzer are tsehe hinne. A gwaɗar: «Ka tuwa tsa.»

Luka 7:19

dite a slər tar a təv Əbay Yesuw, aà mewize ahər ka: «Wànà kər ana, mala məmbàlà à mburma ana, mì sər ka, a riŋ a dere a ya ya, tsəna, mìi veve a biy ŋgiɗ a?»

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.

1 TIMUTE 5:17

Gà bàba ŋana tar riŋ ta ge a megemir ndaka vatwa ŋa ika magər gà mburma Mbulum a ka, zlə̀bum à tar hinne. Ta ŋgat dukw maya ba tar mbaŋa. Ndeyndey ŋa ka, gà na tar riŋ ti tsik a bazlam Mbulum, ti ɗif a à guma ŋgar a mburma ya.

2 TIMUTE 4:2

Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.

TITUS 1:7

Say wur ana a ne a batsah ŋa ika magər gà na ta gəs Mbulum a ka, say ŋgat ma ge ka, mala ndzer ŋa, bakal ŋgar ma ge riŋ tsa, aɗaba ana ŋgat ka, mala meslire Mbulum a. Mà sə̀ŋgə̀r à ba ŋgar tsa, matsəɓatsəɓ ibam, ma ndzawar i gəzləŋ hiywe tsa, kige tsa, ma ne mala mekweye tsa, ma ge maàga nda mburma tsa asa, nda gà ma ne mala perziz siŋgwe tsa asa mbaŋa.

IBƏRANIKWA 13:17

Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

IBƏRANIKWA 13:7

Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

IBƏRANIKWA 3:5

Musa i ŋgar ka, aka ger megemir ndaka vatwa ŋa lele, na ika magər gà mburma Mbulum a. Ama ŋgat ka, a ne mala megemir pəra. A me a à dukw ana Mbulum a ta pèt a dər aka miɗ mba ya.

1 PIYER 4:10

Mbulum a pise a kurum a ahəm nda təv gà dukw ŋgiɗ pampam. A vile a ndzəɗa a mburma aà mege gà dukw ŋgiɗ pampam ilik ilik tserdze, aà mazlàkà dər gà asiŋ gà mburma ŋgiɗ. Ku weke ma ge ndaka vatwa ŋa lele.