Luka 12:37 - Bible Zulgo

³⁷ Na mala ga tar ata aka màra, aka lera aà tar a nda are, na tar riŋ ta bebe a ŋgat a ka, maŋgayaba ika gər tar. Aɗaba taŋa, iye ihər i tsik a kurum a nda ndzer: Mala ga ata tekeɗe, à dèn a ba mbaŋa, a ndze à ter a a bəɗ. I dəba ŋa ya, a dehe a, a vile a ter a ɗaf, ti zimiŋa.

Luka 12:37 ပူးပေါင်းရင်းမြစ်များ

Mata 24:42

Aɗaba taŋa, ndzum ka, nda metsehe, tsəka, ki sirwim a pat ana Batsah kurum ŋa a dere a ya tsa.

Luka 12:36

Nwim gà ɓəzla meslire ana ta bebe a mala ga tar ana à mère a i megirive mazla daala ndaàvəɗ a. I təv ana aka màra ya ka, a lek a a biye hərmaga. Ti dehe a, ta hìndìker a iɗəm a.

Luka 12:43

Aɗaba wele ana aka ge megemir kataya ka, a ŋget a maŋgayaba i gəzləŋ, a pat ana mala ga ŋgar aka dara, aka le aà ŋgat, a ge a megemir kamala taŋa ya ya.

Luka 17:8

A riŋ tsa. Ama a gweɗere a ivaɗ ka:

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Luka 22:27

Weke na batsah ŋa kinehe ya? Wànà wele ana tì lèher a à ɗaf, mandza ŋa i bəɗ a ya, tsəna mala meslire ana a der a ɗaf a ivaɗ a? Wele ana ta viler a ɗaf tsiye, na batsah ŋa ya. Ama iye na kinehe, i ne ika magər kurum mala meslire ya.

Yuhana 12:26

Na aka sàs a wura aà megiŋ meslire ka, say ma zezem iye. Ŋgat ka, a ti ndze a i təv ana i ti ndze aɗəm a ya. Aɗaba wur ana a giŋ a meslire ya ka, Tsir gà a ti zlibe a à ŋgat mbaŋa.»

1 Kurintiya 2:9

Dukw ata Mbulum a ge ya ka, kamala ana mewetse ŋa a riŋ i wakita ŋgar a kaɗəŋ. A gwa ka: «Dukw ana are mburma aka ŋgatar ilik tsiye, ndəna zləm tar aka tsaraka ilik tsiye mbaŋa, ku mege tàa zlaŋa aaka gà gər tsa tekeɗe, taŋa ka, dukw ana Mbulum a yaha agəra gà na ta waya ŋgat a.»*fa*

FILIPIYA 1:21

Aɗaba kinehe iye riŋ mandza ŋa nda are ka, Kiristi a ne mesife gà, a za dər gà duwa tserdze. I təv ana Yàa mət tekeɗe ka, a giŋ a ŋgulum asa, i ŋget a nuba.

FILIPIYA 1:23

Kə̀zət gà dukw ata sula ya, ta ŋgil a aba à iye. Ama a sèsiŋ kə̀la asa mbaŋa ka, ŋgulum na i mìt a ya, dite mìi ndze a i təv ilik ŋa nda Yesuw Kiristi ya. Aɗaba taŋa ka, ŋgwal ŋa hinne, a za dər mendze ana i ndze a ɗa ika gər ahəɗ kinehe ya.

2 Piyer 1:11

Kamala taŋa ya kaɗəŋ ndzer, Mbulum a ta vile a kurum a vatwa aà mada a mekwere Yesuw Kiristi BATSAH kwa ŋana a kwere a ya, dite ŋgat na mala məmbə̀là à kwa ya mbaŋa. Mekwere ata a ndze a ka, aà biybiy.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

Sunwa Yuhana 14:13

I dəba ŋa ya ka, i tsarakara mifefile i mbulum a asa, a gweɗiŋ: «Wetse dukw ana i tsikik a ya. Bazlam ŋa ka: Gà na ta mataya i megemir Mbulum a ka, maŋgayaba ika gər tar, daga aà kinehe ya.» I fataya ka, Mezite Mesife Mbulum a gwa aaka: «Haya, kamala taŋa ya kaɗəŋ. Aɗaba mege megemir tar ka, aka ndəv, tì sifik a ba ka, nda gà maŋgayaba. Aɗaba dukw megemir tar ana ta ge ŋgwal ŋa ya ka, ndərzayya, makàhà ŋa asa tsa.»

Sunwa Yuhana 16:15

Yesuw a gwa: «Gwim metsehe, tsarakum, aɗaba i ti dere a ka, sèrèh kamala mala akəl a. Ama maŋgayaba ika gər wele ana petek ika ba ŋgar a, dite ka, a ndze a are tsa asa ya. Aɗaba Yàa dara ka, ma tə da kataya sàgùrɗùmma kataya ze petek, dite ka, hwarwa a ger a ika miɗ mburma ya tsa.»

Sunwa Yuhana 3:21

Gà na tàa mba aà dukw bakal a ka, i vile a ter a vatwa, tə dara, mìi ti ndze a nda gà iye, ika təv mendze mekwere gà. Ar ka, kamala iye ana i mba aà gà dukw bakal a mbaŋa. Kinehe ka, mər riŋ mandza ŋa i təv ilik ŋa nda Tsir gà ika təv mendze mekwere ŋgar ata mbaŋa.

Sunwa Yuhana 7:17

Aɗaba Kəla Təmaŋ ata ika magər təv mendze Əbay ata ya, na a ti ne a mala makəva tar, a ɗif a ter a à vatwa biye yam ana a vile a mesife a mburma ya ya. Dite Mbulum tekeɗe, a bere a tuwa yemere ika gà are tar a tserdze asa mbaŋa.»