Luka 12:32 - Bible Zulgo

³² A kurum palam gà təmaŋ ana hinne tsiye: Ki gwim magəɗa tsa, aɗaba Mbulum Tsir kurum aka ŋgaya ba aà məvəla kurum təv mendze i mekwere ŋgar.»

Luka 12:32 ပူးပေါင်းရင်းမြစ်များ

Mata 14:27

Yesuw a tsaraka Mewideye tar ata tsara ka, a fàfəl a taraha, a gwaɗa a tar: «Arəv ma da aà kurum a, ki gwim magəɗa tsa, iye na naha ya.»

Mata 20:16

Yesuw a gwaɗa a tar asa: «Kamala taŋa ya, gà mburma ana kinehe ti tike tar aà ahər tsiye ka, ti ti ne a gà ɓəzla aka miɗ mba ika miɗ Mbulum. Dite gà na kinehe ta gwa, gà mər ŋa ya ka, ti ti ne a gà ɓəzla dəba ika miɗ Mbulum mbaŋa asa.»

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Mata 7:15

I dəba ŋa ya, Yesuw a gwaɗa a tar asa: «Kaslum ba kurum i təv gà ɓəzla məma à guma Mbulum ana nda pàrsa ya. Ti dere a a təv kurum a ka, zukum zukum kamala gà təmaŋ a. Tsaatsa i huɗ ba tar ka, ti ndzikiɗ ba gà də̀var ana ta pèpìɗ a mburma ya.

Luka 10:21

Aləka i dəba bazlam ata ya tsara ka, Mezite Mesife Mbulum a rah a ba a Yesuw nda maŋgayaba hinne. A hama a Mbulum, a gwaɗar: «A kər Tsir ga, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa aà gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye. Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Yuhana 18:36

Yesuw a gwaɗar aaka: «Iye ka, Əbay ana ɗa ika gər ahəɗ a tsa. Na mege kataya ka, gà ɓəzla meslire gà ta ge a gùvəl hinne, aɗaba iye, wura à gis a iye a gà bàba gà Yahuda tsa. Ama iye ka, Əbay ana ɗa ika gər ahəɗ a tətsà.»

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

Gà Ɓəzla Meslire 20:29

Aɗaba i sər, na Yàa da ka, gà mburma ana kamala gà kəra dala ya, ti dere a aka magər kurum a. Dite kwets ti ta miyek a à gà təmaŋ ata ɓav tsa.

RUMA 6:23

Aɗaba na wura aka ge bakal ka, à mìt a dər. Məməta ŋgar ata a ne ka, kamala dukw mayaba ŋgar a. Ama Mbulum, ŋgat a vilekwe a ka, mesife ana à ndìv a tsa aà biybiy a, biy taf masakəŋa. Kə̀ ŋgatakwa ka, aɗaba ana kwa mandza ŋa i təv ilik ŋa nda gà Yesuw Kiristi BATSAH kwa ŋa ya.

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

2 TESALUNIKE 1:11

Aɗaba taŋa, mìi heme a a Mbulum kəla pat agəra kurum. Mìi hemer a ka, dite ma ne à kurum gà tsəɗaŋŋa, mendze kurum mə̀ pàt ka, ŋgwal ŋa, kamala ana ŋgat a waya, a zal a kurum a. Mìi hemer a asa ka, dite mə vəl a kurum ndzəɗa ŋgar aà mege gà dukw ana ŋgwal ŋa tserdze, a sàs a kurum ki gwim a ya. Dite nda gà megemir ana ki gwim a ka, agəra ana kə̀ gəsum ŋgat nda gəzləŋ kurum a ya.

2 TESALUNIKE 1:5

Taŋa na a ɗif a kwa dər parakkà, Mbulum a ti ses a ikaba seriye a gà mburma ya ka, nda ndzer ndaka vatwa ŋa ya. Agəra mesewere are kurum ata ka, sərum dər, Mbulum na a ta vile a kurum a vatwa, na dite ki slwim a aà mada a mekwere ŋgar a. Aɗaba mekwere ŋgar ata na kinehe kurum ihər ki sèwèrwim a are ya.

IBƏRANIKWA 12:28

Kamala taŋa ya, gekwa kəkaaha a Mbulum, aɗaba ana a ti dze a kwe a Əbay i mekwere ŋgar ana a sle aà miɓezle a tsiye ya. Gekwar kəkaaha, aɗaba mekwere ŋgar ata ki ti zlìbekwe a iɗəm à ŋgat, nda gà megèr iɗəm magəɗa ya. Dite ka, ki gekwer a meslire ŋgar ndaka vatwa ana a tsahən ahər a mbaŋa.

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.

2 Piyer 1:11

Kamala taŋa ya kaɗəŋ ndzer, Mbulum a ta vile a kurum a vatwa aà mada a mekwere Yesuw Kiristi BATSAH kwa ŋana a kwere a ya, dite ŋgat na mala məmbə̀là à kwa ya mbaŋa. Mekwere ata a ndze a ka, aà biybiy.

Sunwa Yuhana 1:6

A dza kwa a təv mekwere Əbay ŋgar ana a kwere a ya. Dite a ne à kwa gà ɓəzla mandəva kuɗa a Mbulum aà mege meslire a Mbulum Tsir ŋgar ata mbaŋa asa. Gà mburma tserdze tì zlibe a à ŋgat, ta gweɗe a, ndzəɗa tserdze a ne ka, biy ŋgar aà biybiy. *Amin.

Sunwa Yuhana 22:5

Həvəɗ ka, a ta ge a i fata asa tsa. Aɗaba gà pat nda lalampa ka, ti ta ge a ŋgulum asa tsa. Mbulum BATSAH kwa ŋa à gər ŋgar na à div a ka, a vile a ter a dzaydzay a. Dite tar ka, ti ta ge a Əbay aà biybiy.