Luka 12:30 - Bible Zulgo

³⁰ Taŋa ka, gà na tə sər Mbulum tsiye, na ti yehe a gà dukw ata kataya ya. Ama kurum ka, Mbulum Tsir kurum a sər gà dukw ata a sle aà kurum, ka wayum a.

Luka 12:30 ပူးပေါင်းရင်းမြစ်များ

Mata 10:20

Aɗaba bazlam ana ki ti tsikwim a ya ka, a dere a ka, i madzala gà gər kurum a tsa. Ama na a ti ɗif a kurum a dər ka, Mezite Mesife Mbulum Tsir kurum ana à fèfilere a i ba kurum a ya.

Mata 18:14

Kamala taŋa ya, Mbulum Tsir kurum ana i gər ŋa ya tekeɗe, a waya wura ilik ma dzeye i təv gà mburma aaha ndeɗiŋa ti ne gà ɓəza ndirkiz i təv are kurum a tsidze.»

Mata 5:47

Dite bəla ki giswim a ka, gà damər kurum ɗekɗek ana, aàmala na ki dzelwim a ka, waytsà maa ge dukw ana ŋgwal ŋa ya. Aɗaba ku gà na tə sər Mbulum tsiye tekeɗe ka, ta ge a kataya mbaŋa.

Mata 6:1

I dəba ŋa ya, Yesuw a gwaɗa a tar asa: «Na a sàs a kurum mege ŋgwal ŋa a mburma ka, gwim iɗəm metsehe ya lele. Aɗaba gà mìsle ŋgiɗ a riŋ, ta ge a dukw ana ŋgwal ŋa ya ka, ŋgakŋgakəkka ika miɗ mburma pəra, dite ka, tə̀ zlə̀b à tar ɗekɗek. Na ki gwim a kataya ka, ki ta ŋgetwim a dukw maya ba kurum i təv Mbulum Tsir kurum ana i gər ŋa ya asa tsa.

Mata 6:32

Aɗaba gà dukw ata tserdze ya, tsəŋgawwa na a dzele a ka, gà na tə sər Mbulum tsiye. Ama kurum ka, Mbulum Tsir kurum ana i gər ŋa ya, a sər gà dukw ata a sle aà kurum, kà wayum a fit dze.

Mata 6:8

Aɗaba taŋa kurum ka, ka ta gwim kamala tar a tsa. Aɗaba ələk ki ti dzwìm a ba aà meheme ka, Mbulum Tsir kurum aka mbər mesire dukw ana a sle aà kurum, kà wayum a.

Luka 12:29

Aɗaba taŋa, kə̀ gə̀zlum ba gər aà mayaha dukw ana ki ti zimwim a ya, kige tsa, ki ti swim a ya tsa asa.

Luka 12:31

Dzalum gà gər ivaɗ ka, aka *mekwere Mbulum, dite Mbulum a vile a kurum a gà asiŋ gà dukw ŋgiɗ ana ti sle aà kurum a ya tserdze mbaŋa.

Luka 12:32

A kurum palam gà təmaŋ ana hinne tsiye: Ki gwim magəɗa tsa, aɗaba Mbulum Tsir kurum aka ŋgaya ba aà məvəla kurum təv mendze i mekwere ŋgar.»

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

EFESIYA 4:17

Dukw ana i tsik a kurum a ya ka, nda zləm BATSAH kwa ŋa. Ama iye ihər ge a kurum a kamkam, aà megweɗe a kurum ka: Kà zazamum mede gà mburma ana tə sər Mbulum tsiye asa tsa.

1 TESALUNIKE 4:5

Ki ndzwim a nda gà tar ka, kamala meèweke ba kurum ana ŋgwala tsa, dzə̀lùwùwùrwùr a kwere a kurum a tsa. Aɗaba na a gewa kamala taŋa ya ka, gà mburma ana tə sər Mbulum tsiye. Ama kurum ka, ki gwim dər kamala taŋa ya tə tsa.