Luka 12:15 - Bible Zulgo

¹⁵ I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 12:15 ပူးပေါင်းရင်းမြစ်များ

Markus 7:22

nda mege muva, nda mege are aka dukw mburma, nda məpàzà za a mburma, nda masàsà pàrsa, nda mege aba mandakazləm aka duwa, nda mene are a mburma, nda metsìkè dukw ana ìrih ìrih ìrih ŋgwala tsa aà mburma ya tserdze, nda mege dukw falày ana taf masakəŋa ya.

Luka 12:16

Yesuw a tsik a tar bazlam minew aka gər bazlam ata kuɗa. A gwaɗa a tar: «Mala limana duwa, gà gùvàh ŋgar a riŋ a geyewa aɗəm duwa hinne.

Luka 16:14

Gà *Farisa tə tsaraka bazlam ata Yesuw a tsik a ka, tə sawla ahər hinne, aɗaba ana tar ta waya siŋgwe hinne ya.

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Luka 8:14

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

1 Kurintiya 6:10

nda gà ɓəzla akəl, kige tsa gà ɓəzla məburnun, nda gà na ta kweye a à guzum a, nda gà na ta wele a aà mburma ya nda pàrsa ya, nda gà ɓəzla makàzàlà duwa aà mburma ya nda ndzəɗa, gà ɓəzla bakal ata tserdze ya ka, ti sle a aà mada a mekwere Mbulum tsidze.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

2 TIMUTE 3:2

Aɗaba a pat ata ka, gà mburma ata ti ti dzele a ka, ba tar ɗekɗek, a ta ses a ter a ka, mayaha gər a siŋgwe hinne, nda mege zlapa, ŋgakŋgakəkka tì sìŋgìr a à ba tar. Ti ti ndeveye a a mburma. Gà ɓəza ta gis a ahəm aà gà tsir tar asa tsidze. Ku weke a ta fir a aà dukw ana tsəɗaŋŋa biy Mbulum a ka, kamala za ya. Ti ta ge a kəkaaha aɗaba dukw ana ta ge a ter a ya tsidze.

IBƏRANIKWA 13:5

Ki gwim meèweke siŋgwe tsa. Ama ŋgeywim ba ka, a dukw ana kə̀ ŋgatum a pəra. Aɗaba Mbulum a gwa ka: «I miyek a à kər tsa. I yè a kər a dala tsidze.»*fa*

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.