Luka 12:11 - Bible Zulgo

¹¹ Na tàa gasa kurum, ta ge aà kurum seriye a təv gà bàba ŋa ana i ga mahàmà a Mbulum a, kige tsa aka miɗ gà ɓəzla mege seriye, nda gà bəla aka miɗ gà Əbay ana ta kwere a gər ahəɗ a ka, ka tə dzalum gà gər agəra bazlam ana ki ti tsikwim a ter a, ki geywim a dər ikaba ya tsa.

Luka 12:11 ပူးပေါင်းရင်းမြစ်များ

Mata 23:34

Aɗaba taŋa, araha, i slirehe a gà ɓəzla məma à guma Mbulum nda gà ɓəzla metsehe, dite nda gà ɓəzla medzeŋge məpala ahəm Mbulum a təv kurum tserdze, dite ka, ki ta betswim a gà mìsle ŋgiɗ, gà biy ŋgiɗ ibam, ki ndwendweywim a tar aà dizl magə̀làwà ŋa. Gà mìsle ŋgiɗ asa ka, ki gezlwimere a tar i gà ga mahàmà a Mbulum kurum a. Ki sèwèrwim a ter a are aà kwite aà kwite.

Mata 6:25

A gwaɗa a tar asa: «Aɗaba taŋa na iye ihər i gweɗe a kurum a kinehe ka: Arəv ma da aà kurum a, ka dzalum dukw mezime ana mìi zim ana là, nda gà mìi se a ana là, kige tsa mìi tiye akaba a ana, là tsa. Aɗaba mesife kurum ana, a za gà dukw mezime ata tsiye, dite ba kurum ana, a za petek tsiye?

Mata 6:27

Kinehe ana, weke na ika magər kurum a dzele a kataya, dite ka, a sle aà mesikehe a à mandza aà bəra ŋgar pat ilik a?

Mata 6:28

Dite aɗaba la dze ya, na ki wiswim ba a à gər nda bazlam petek a? Fə̀rum aà gà mibìzè gà kwizir ana i dala ya kwaŋ, meme na a slil a ka, dite a bize a ya? Ta ge a mege megemir ŋa, ta ŋger a petek ŋa akaba ɓav tsa.

Mata 6:31

Aɗaba taŋa, ka tə dzalum, kù gwaɗum ka, dukùla na mìi zim a ya, kige tsa, mìi se a ana, là tsa. Kige tsa bəla mìi dze akaba a ana, dukùla tsa asa.

Mata 6:34

Aɗaba taŋa, ka tə dzalum gà gər aka dukw ana a ta ge a ba ndidwe ya tsa. Aɗaba ndidwe ka, ki ta ŋgetwim a madzala gà gər ŋgiɗ pam asa. Madzala gà gər ana a vile a kurum a mesewere are a pat ata ya ka, aka sle ide.»

Luka 12:22

I dəba ŋa ya, Yesuw a gwaɗa a gà ɓəzla mazazama ŋgat ata asa: «Aɗaba taŋa na iye ihər i gweɗe a kurum a kinehe ka: Arəv ma da aà kurum a, ka dzalum dukw mezime ana mìi zim a ana là, kige tsa, mìi tiye akaba a ana, là tsa.