Luka 11:9 - Bible Zulgo

⁹ Aɗaba taŋa iye i gweɗe a kurum a kinehe: Wizwim, Mbulum a vile a kurum ŋa. Yahum, ki ŋgetwimiŋa. Lakum a dukw mahə̀ndə̀kà ga, dite à hìndìk a kurum a i ga ya.

Luka 11:9 ပူးပေါင်းရင်းမြစ်များ

Mata 21:22

Aɗaba na kàa gəsum iye nda gəzləŋ ilik, dukw ana ki wizwim a aà Mbulum nda meheme tserdze ya ka, ki ŋgetwimiŋa.»

Mata 21:31

A gwaɗa a tar: «Weke na i liwiŋ gà ɓəza ata sula ya, na a ge dukw ana tsir tar a waya ya?» Ta gwaɗar aaka: «Kəla aaha ndeɗiŋa malahalah ŋa ya.» Yesuw a gwaɗa a tar aaka mbaŋa: «Kinehe ka, iye ihər i tsik a kurum a nda ndzer: Gà ɓəzla duwan nda gà məkəs ana ti dzewe a à ba tar a ka, tì lèh a kurum a a mekwere Əbay Mbulum ana a ta kwere a mba ya.

Mata 6:29

Ama iye ihər i gweɗe a kurum ŋa: Ku mege Əbay Salumun ana akahər ata limana ŋgar a riŋ hinne ya tekeɗe ka, aka dza akaba gà ŋgwal gà petek ana gà matsahəna ŋa kamala gà mibìzè gà kwizir ata ya tsa.

Markus 11:24

Aɗaba taŋa, iye ihər i gweɗe a kurum ŋa: Na ki wizwim a duwa i təv Mbulum a, kàa gəsum dukw ata kà wizwim nda gəzləŋ ilik, Mbulum mə vəl a kurum ka, a vile a kurum a kaɗəŋ.

Markus 13:37

Bazlam ata i tsik a ka, a kurum ɗekɗek tsa. I tsik ka, ku a weke: Kaslum ba kurum, ndzum nda metsehe lele.»

Luka 11:10

Aɗaba ku weke na aka wiz ka, a vileriŋa. Wur ana aka yaha ya ka, a ŋgetiŋa. Dite wur ana aka lak a dukw mahə̀ndə̀kà ga ya, tùwaŋ à hìndìker a iɗəm a mbaŋa.

Yuhana 14:13

Dukw ana tserdze kàa wizwim nda zləm gà ya ka, i vile a kurum ŋa, na dite mburma ti zlibe a à Tsir gà, aɗaba iye ana Kəla ŋgar a.

Yuhana 15:16

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Yuhana 15:7

Na bəla kurum riŋ ki ndzwim a i təv gà, ki giswim a bazlam ga, ki zezemwim a lele ka, wizwim dukw ana a sàs a kurum a, ki ŋgetwimiŋa.

Yuhana 4:10

Yesuw a gwaɗar aaka: «Na mege kà sər dukw ana Mbulum a vile a a mburma ya, dite kà sər iye na i wiz aà kər yam a ka, kər ivaɗ na ki wiz aà iye a yam ana a vile a mesife a mburma ya, dite ka, i vilek a ya.»

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

2 Kurintiya 6:2

Mbulum a gwa ka: «I təv ana məpàslà ahər gà aka sle, i ge a ŋgwal ŋa a mburma ya ka, i tsereke a meheme kurum ana ki hemwimiŋ a ya. Dite pat ana a sèsiŋ i mbele à ter a ya tekeɗe ka, i zlèk a kurum.»*fa* Gà damər gà, və̀ɗəna ka, pat ana Mbulum a sasar mege a kwa ŋgwal a, aka ndze aɗəm kuɗa. Dite kinehe asa na a sasar məmbə̀là à kwa ya.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

IBƏRANIKWA 4:16

Aɗaba taŋa, sìrìkikwa a təv mendze mekwere Əbay Mbulum ana a kwere a ya, dite ka, a ge a ŋgwal ŋa a mburma mbaŋa ya. Hìriɓ hìriɓ ki gekwa magəɗa tsa. Aɗaba ka sərakwa, kà ndzekwar are tsehe, dite na a gekwe a ŋgwal ŋa i təv dukw ana a sle a aà kwa ya.

YAKUBA 1:5

Na wura a riŋ ilik ika magər kurum, daɗəkɗəkka, a sər dukw ana a ge a ika vatwa Mbulum a tsəka, ma wiz aà Mbulum, a ɗifer a dər. Aɗaba ŋgat a vile a duwa a mburma ka, nda gəzləŋ ilik, a niw a dər tsa.

YAKUBA 5:15

Na tàa hama a Mbulum nda ndzer, tə sər ka, Mbulum a tsereke a meheme mər ata ka, dukw məməta ata ka, Mbulum à mèreba a à ndzəɗa, a mbiliŋa. Na bəla aka ge bakal ka, Mbulum à piler a dər mbaŋa.

1 Yuhana 3:22

A vile a kwe a dukw ana ki wizekwe a aà ŋgat a ya tserdze mbaŋa, aɗaba ana kàa gə̀sakwa məpala ahəm ŋgar, ki gekwer a ka, dukw ana a tsahən aà ŋgat mbaŋa ya.

Sunwa Yuhana 2:24

Ama kurum gà asiŋ ana i Tiyatira ya, kurum ka, kàa zazamum guma məkəs ata tə tsa. Kurum ka, kà sinikwim à dukw ata ta gwa ahər, makàhà ŋa i huɗ ŋa ka, biy Əbay sitene ya tsa. Aɗaba taŋa, duwa ŋgiɗ a riŋ na aà metsike a kurum, dite ki gwim a ya ka, a riŋ asa tsa, say dukw ata pəra.