Luka 11:41 - Bible Zulgo

⁴¹ Dzalum ivaɗ ka, aka dukw ana i huɗ ŋa ya. Ki dzwìm a dukw ata a gà ɓəzla matawak, dite ki ndzwim a tsəɗaŋŋa kuɗa.

Luka 11:41 ပူးပေါင်းရင်းမြစ်များ

Mata 26:11

Aɗaba gà ɓəzla matawak ka, tar riŋ i təv kurum kəla pat, ki slwim a aà mazlàkà tar, kamala ana gəzləŋ kurum a waya ya. Ama iye ka, ki ndzekwe akaba a nda gà iye kəla pat tsa, i de a aà kurum a mba.

Mata 5:42

Na wura aka wiz aà kər duwa ka, ka ti niwer dər tsa, vəlar. Kige tsa, na wura aka wiz aà kər gwèdèrè duwa ka, ka ti niwer dər tsa, vəlar mbaŋa asa.»

Markus 7:19

Aɗaba dukw ana a zim a ka, a de a ka, a gəzləŋ ŋgar tsa. Ama a de a ka, ndàra a hitwis, dite a dere a i ba ŋgar a ndàra a bəɗ a bəra ya.» A sàs a Yesuw aà megweɗe agəra bazlam ata ka, dukw mezime tserdze ka, lele.

Luka 12:33

«Dzawum à gà dukw kurum, dite kà dzum siŋgwe ŋa a gà ɓəzla matawak. Yahum kìywa ana a nis a tsiye. Ka yahum aɗəm gər a limana ana i təv Mbulum i gər ŋa a dzeye a tsa, dite gà ɓəzla akəl tekeɗe, tì dzik a tsa, ku mege gà metinwe ibam, ti zim a tsiye.

Luka 16:9

I dəba ŋa ya, Yesuw a səkah à bazlam ata asa, a gwaɗa a tar: «Ama iye ihər i gweɗe a kurum ŋa: Gwim ŋgwal ŋa nda siŋgwe lele, ku mege mì sər, siŋgwe ka, ŋgwal ŋa tsa tekeɗe ya. Aɗaba i təv ana a riŋ aà kurum asa tsa, aka ndəv a ka, ki ta ŋgetwim a təv mendze ana à ndìv a tsa aà biybiy i təv Mbulum a.

Luka 18:22

Yesuw a tsaraka mifefile wele ata tsara ka, a gwaɗar: «Ama dukw ilik aka zeha i gà dukw ata kà ɗama dze ya.» A gwaɗar: «Daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya, ka dara, ka zazam iye kuɗa.»

Luka 19:8

Ama i təv ana tar riŋ i ma ya ka, Zakayus a daha, a hitse aka miɗ Əbay Yesuw, a gwaɗar: «Araha, i tsik a i sida ya, Əbay gà: I dzèye a mezehe dukw gà a gà ɓəzla matawak. Na bəla Yàa zla duwa aà wura ya ilik ka, i sikehe a dər aaka faɗ.»

Gà Ɓəzla Meslire 10:15

Ama mifefile ata a ɗera aà ŋgat a asa ka, a gwaɗarra: «Ka ta fə̀r aà dukw ana Mbulum a gwa, ŋgwal ŋa ya kamala ana awisl a tsa.»

Gà Ɓəzla Meslire 11:29

Gà ɓəzla mazazama Yesuw ana i fataya, tə tsaraka kataya tsara ka, tə dza akaba bazlam ika magər tar, ta gwa: «Ku weke a sle aà meslireha a duwa a gà ɓəzla mazazama Yesuw ana ti ne gà damər kwa i Yuda ya, kamala ana a sle a ya.»

Gà Ɓəzla Meslire 24:17

Yàa ndza i slele mive diŋ, Yàa da a Yeruzalem tsa. Ama kinehe ka, i mbəɗ gər a fata. I daha à siŋgwe a gà mburma gà ana i fataya, dite i waya məvəla dukw taf ŋana a Mbulum asa mbaŋa.

2 Kurintiya 8:12

Aɗaba na ki vilwim a duwa a Mbulum nda maŋgayaba kamala ana kàa ŋgatum a ka, à gis a lele. Ama na bəla kàa ŋgatum duwa tsəka, Mbulum a gweɗe a: «Vilwimiŋ dukw» ka, a gweɗe a tsa.

EFESIYA 4:28

Wur ana a gewe a akəl a ka, mi miyak dər, ma ta ge asa tsa. Ma gewa megemir nda ndzəɗa ŋgar, dite ma ŋgat dukw maya ba ŋgar lele, mə vəlawa a gà ɓəzla matawak mbaŋa.

TITUS 1:15

I təv gà na gəzləŋ tar tsəɗaŋŋa məbàrà ŋa lele ika miɗ Mbulum a ka, dukw ana ta ge a tserdze ya tekeɗe, tsəɗaŋŋa ŋgwal ŋa lele mbaŋa.*fa* Ama gà na gəzləŋ tar ga ŋgwal ŋa tsa, ta gəs ahəm aà Mbulum tsiye ka, duwa a riŋ tsəɗaŋŋa i təv tar tsidze. Dukw ana tə dzalawa ya ka, ŋgwal ŋa tsa. Dite ku mege a sàs a tar mege dukw ana ŋgwal ŋa tsiye tekeɗe ka, gəzləŋ tar a wir a tsa, aka ne ba tar.

IBƏRANIKWA 13:16

Mege dukw ana ŋgwal ŋa ya ka, ma ta məts a kurum gər tsa, zlakum ba lele. Aɗaba taŋa na a ne dukw masakəŋa ana a tsahən aà Mbulum a.

IBƏRANIKWA 6:10

Mbulum ka, mala ndzer ŋa. Mege megemir ana ki gwim a ya ka, à mìtser a gər tsa. Kamala taŋa ya, a sər ka, kàa zlakum gà asiŋ gà mburma ŋgar, dite kurum riŋ ki zlèkwim a tar hiywe, haa kinehe. Aɗaba taŋa na a sər ba ka, kà wayum Mbulum a.

YAKUBA 1:27

Dukw ana Mbulum Tsir kwa ana i gər ŋa a waya ki zezemekwe a nda ndzer ŋa ya ka, araha: Mege gər a gà ɓəzla matawak ana wur tar a riŋ tsiye, nda gà madakwa gà məkəs ana ti sèwèr a are hinne ya. Dite wur ana a ge a kataya ka, ma kasla ba ŋgar mbaŋa, i təv gà bakal ana ika gər ahəɗ ti sle aà mibene a ŋgat asa tsiye.