Luka 11:33 - Bible Zulgo

³³ Yesuw a gwaɗa a tar asa: «Wura a riŋ a tike a akwa aà lalampa ka, dite à kèhe a dər dəɓ a təv ŋa, kige tsa aà huɗ tasà tsa. A tike a ka, a təv ana dzəgəɗaf ŋa ya ivaɗ, dite na gà mburma ana ti de a a ga ya ka, ta ŋget a dər a vatwa dzaydzay lele ya.

Luka 11:33 ပူးပေါင်းရင်းမြစ်များ

Mata 10:27

Nda gà dukw ana kinehe i tsik a kurum i təv ziŋziŋ ŋa ya ka, ki ti tsikwim a aka miɗ gà mburma tserdze i təv dzaydzay ŋa asa. Dite dukw ana kà tsarakum nda akəl a tekeɗe, ki ti tsikwim a ika tsakal a ŋgarra.

Yuhana 11:9

Yesuw a gwaɗa a tar aaka: «Daga aà gər mèkwède ya, haa a hawa ana ki ŋgetekewe a a pat tsiye? Na wura à sìweye a ndaàpat ka, a ndif a sik tsa, aɗaba ŋgat a riŋ a ŋget a a vatwa dzaydzay i bəɗ lele.

Yuhana 12:46

I dara aka gər ahəɗ a ka, aà məpàtà à dzaydzay ŋa a mburma, dite ka, gà mburma ana tàa gəs iye nda gəzləŋ tar a ka, tə ndza i luvuŋ asa tsa.