Luka 11:29 - Bible Zulgo

²⁹ I təv ana gà mburma hinne riŋ ti yahaba gər a təv Yesuw a ka, a dza ba aà megweɗe a tar asa: «A kurum gà mburma ana kinehe ya, kurum ka, gà ŋgwal ŋa tsidze, na i təv Mbulum a. Meme na ki wizwim aà iye dukw mene aà mburma ka, dite kurum ŋa kà wayum Mbulum tsiye. Ama ka, ki ŋgetwim a a medzibe dukw mene aà mburma ata tsa, say na a biy Yunas, mala məma à guma Mbulum ana akahər ata ya ilik asa tsiye.

Luka 11:29 ပူးပေါင်းရင်းမြစ်များ

Mata 3:7

Ama Yuhana a fə̀r ka, gà asiŋ gà *Farisa nda gà *Saduki riŋ ti dere a a təv ŋgar a hinne mbaŋa. Aɗaba a sàs a tar ka, mà tsilwiɓ à tar a yam. A gwaɗa a tar: «A kurum gà ɓəza palas aaha. Weke na a gwaɗa a kurum ka, ki ta beywim a i matsəɓatsəɓ Mbulum ana a dere a mba ya seyiŋ a?

Markus 8:38

Kurum gà mburma ana kinehe, kurum riŋ i magər gà na ti niw Mbulum a. Dite ka, wur ana a gweɗe a ter a ka, i sər Yesuw tsa, nda bazlam ana i tsik a tsəka, iye, wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda ndzəɗa Tsir gà ana ti zlibe a dər a, dite nda gà gawla Tsir gà ana a ndzək tar a.»

Luka 11:16

Gà mìsle ŋgiɗ pam ka, a sàs a tar megìseraha ahəm aà are. Aɗaba taŋa, tə tsam ahər ndzer ŋana, ta gwaɗar: «Ge a mər dukw mene aà mburma yak, dite na mìi sir a dər ka, Mbulum na a slərra kər a kaɗəŋ a.»

Luka 11:50

Aɗaba taŋa na Mbulum ihər à tsèm a aà kurum ana kinehe ya, agəra məməta gà ɓəzla məma à guma Mbulum ata ta bats tar daga aà gər ana a ge gər ahəɗ a.

Luka 12:1

Zàkwayiya ka, gà mburma hinne ti yahaba gər a fata, a ɗeme a ba tsa. Ta ɓelebe a aka sik. Yesuw a lah mifefile a gà ɓəzla mazazama ŋgat dzekwiŋ. A gwaɗa a tar: «Kaslum ba kurum i təv giɗe gà *Farisa ana a kwasawa à duwa ya, kərga megweɗe ya ka, i təv mimbèhè are tar a.

Luka 9:41

Yesuw a gwaɗa a tar: «A kurum gà mburma ana ki giswim iye nda gəzləŋ kurum tsa, dite kurum kà tsarakum zləm tsa asa ya. Wànà iye dze ana, i gesl a aà metsìkè a kurum dze ana, hilè, na dite ki giswim a iye ya? I ndze a dze ana, hilè ɓav a, na i təv kurum a? A za, daha, zlara kəla ŋa a faha ya kwaŋ.»

Yuhana 2:18

Ama gà bàba gà Yahuda tə tsam ahər, ta gwaɗar: «Ki sle a aà mege dukw mene aà mburma awara, na dite mìi sir a dər ka, tàa vəlak ndzəɗa aà mege dukw ata ya?»

Yuhana 6:30

Ta gwaɗar aaka: «Na kataya ana, ki ge a ana, medzibe dukw mene aà mburma awara, na mìi ŋgeter a ka, dite mìi gis a dər kər nda ndzer a? Ɗe a mər dər te.

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

1 Kurintiya 1:22

Gà Yahuda ka, a sàs a tar ta ŋget a a dukw mene aà mburma, dite na ti sir a dər ka, bazlam ata ana ndzer kaɗəŋ a ya. Gà Girek i tar ka, ta waya ti sir a Mbulum nda metsehe tar.