Luka 10:3 - Bible Zulgo

³ Ama kinehe ka, dum, i slir a kurum ana kà nwim kamala gà ɓəza təmaŋ, ndzəɗa kurum a riŋ tsa liɓèt liɓèt a. Ama ki dwim a kə̀la ka, a liwiŋ gà mburma ana ti ne kamala də̀var a.

Luka 10:3 ပူးပေါင်းရင်းမြစ်များ

Mata 10:16

Aləka i dəba ŋa ya, Yesuw a gwaɗa a tar asa: «Araha, i slir a kurum ana kà nwim kamala gà təmaŋ, ndzəɗa kurum a riŋ tsa liɓèt a liɓèt a ya. Ama ki dwim a kəla ka, a liwiŋ gà mburma ana ti ne kamala gà də̀var a. Aɗaba taŋa, nwim ka, gà ɓəzla metsehe kamala gà mesiwiɗ ana slìrmiɗ slìrmiɗ ta kesle a ba tar aà gà məmba ya. Ki nwim a asa ka, kamala huɗgum ana a səraha duwa tsa, a ndzebe a tsìkeffe ya.

Mata 10:22

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Mata 7:15

I dəba ŋa ya, Yesuw a gwaɗa a tar asa: «Kaslum ba kurum i təv gà ɓəzla məma à guma Mbulum ana nda pàrsa ya. Ti dere a a təv kurum a ka, zukum zukum kamala gà təmaŋ a. Tsaatsa i huɗ ba tar ka, ti ndzikiɗ ba gà də̀var ana ta pèpìɗ a mburma ya.

Luka 10:4

Ka tə zlum dər siŋgwe aà ahər tsa, ku mege kìywa, nda gà tsàpà kurum tekeɗe ka, ka tə zlum dər tsa. Ka ta mətsum aà vatwa aà mege wusa a mburma tsa asa.

Yuhana 10:12

Wur ana a ge a megemir siŋgwe ya ka, ŋgat ka, mala makəva gà dukw ana ndzer a tsa, aɗaba gà təmaŋ tekeɗe, gà biy ŋgar tsa. Bəla kəra dala aka hitse aà tar ka, a miyek a à tar, a velebiŋa. Dite kəra dala ata a dehe a, à gese a tar. Gà asiŋ ŋa aaha ta gwitse a aba sweyèh sweyèh a dala a təv ŋa.

Yuhana 15:20

Bazlam ana ndeɗiŋa i tsik a kurum a ka, mə̀ məts a kurum gər tsa, na i gwa ka, mala meslire a zè a mala ga ŋgar tsiye ya. Na tàa sèwèriŋ are ka, ti ti sèwèr a kurum a are mbaŋa. Na tàa dza gurmits a bəɗ a guma gà ka, ti ti dze a a bəɗ a biy kurum mbaŋa.

Yuhana 16:2

Ti ti delewere a kurum i ga mahàmà a Mbulum tar a. Pat ŋa a riŋ a ndzere a ka, wura à kiɗ a aà kurum a, a gweɗe a, i ge taŋa ka, dukw ana a tsahən aà Mbulum a.

Gà Ɓəzla Meslire 20:29

Aɗaba i sər, na Yàa da ka, gà mburma ana kamala gà kəra dala ya, ti dere a aka magər kurum a. Dite kwets ti ta miyek a à gà təmaŋ ata ɓav tsa.

Gà Ɓəzla Meslire 9:16

I ti ɗifer a à dukw ana a ti sèwèr a dər are agəra iye ya.»

Gà Ɓəzla Meslire 9:2

a daha, a wiz ihər wakita ana a de a dər a təv gà Yahuda gà bàba ŋa ana i Damas a, dite ka, a gese a dər gà ɓəzla magəsa bazlam awiya ŋa ata ta gwa biy Yesuw a. I huɗ bazlam ata ta wetser a ka, kamala megweɗe ya: Na kàa daha ka, kàa le aà gà na ta gəs Yesuw a ka, ku gà asləka nda gà məkəs tserdze, gasara tar a Yeruzalem a.