Luka 10:2 - Bible Zulgo

² A gwaɗa a tar: «Gà dukw mezime a riŋ i bəɗ ka, ndzə̀ɗak ndzə̀ɗak hinne, na biy mipele ya. Ama gà ɓəzla məpala ŋa, aà mada dər a ma ka, ti sle tsa. Aɗaba taŋa, hamum a mala gùvàh, dite mà sə̀kàhara à gà ɓəzla meslire ŋgar a, aà mandzàkà ŋa a ma.

Luka 10:2 ပူးပေါင်းရင်းမြစ်များ

Mata 20:1

«Aɗaba taŋa, mekwere Əbay Mbulum ana a ta kwere a mba ya ka, a ndzikiɗ ba nda wele duwa ga. Wele ata ka, a wilera i ga ya i mèkwède hedwe aka tuwa guŋgwazl. Aɗaba a yehe a mburma aà megemir a gùvàh ŋgar.

Markus 13:34

A ti ndzikiɗ a ba ka, kalkal mala ga ana a de a a təv a ya. A təv ana à meh a ba ya ka, a miyek a à ga ŋgar a ahər a gà ɓəzla megemir ŋgar. A ɗe a ter a aba à megemir a, ilik ilik tserdze. A gweɗe a ter a: A gweɗe a a mala makàslà ga ŋgar asa: Ŋgat ŋa a mah ba, a da tsara.

Markus 16:15

I dəba ŋa ya, a gwaɗa a tar: «Kinehe ka, dum, ku mege a ŋga, ka tsikwim bazlam ŋgwal ŋa aaha a gà mburma ana tserdze ika gər ahəɗ a.

Markus 16:20

Gà ɓəzla mazazama ŋgat ibam, tə da a metsìkè bazlam ŋgwal ŋa aaha ndeɗiŋa ya, ku mege a ŋga. Əbay Yesuw a gewa megemir nda gà tar kuɗa. A zlàkawa tar i dukw mene aà mburma ata ta ge a ya. Aɗaba gà na tə tsaraka ya tekeɗe, ta gəs bazlam tar ata ndzer kaɗəŋ.}

Luka 9:1

Aləka i dəba ŋa ya, Yesuw a yaha gər a gà ɓəzla mazazama ŋgat aaha ndeɗiŋa kurwa gəra sula ya. A vəl a tar ndzəɗa aà madalawa gà sitene aà mburma ya, dite aà məmbàlà à gà ɓəzla dukw məməta asa.

Gà Ɓəzla Meslire 11:19

Gà asiŋ gà ɓəzla magəsa Mbulum nda gəzləŋ tàa tə̀z i Yeruzalem a. Tə tə̀z ka, aɗaba mesewere are ana a ge a tar ba gər i dəba makə̀ɗà Etiyen ana ta kəɗ a. Gà mburma ata tə tə̀z a ka, gà asiŋ ŋa tə da tsikw aka ahəɗ Finikiya, nda ahəɗ Kipurus, nda gà a kwite Antakiya. Ti tsikewa riŋ bazlam Mbulum i fata. Ama ka, a gà Yahuda ɗekɗek.

Gà Ɓəzla Meslire 13:2

A pat duwa, i təv ana tar riŋ tì dze a gurmits a bəɗ a BATSAH kwa ŋa ya, dite tar riŋ ta ge a ndəra asa ya ka, Mezite Mesife Mbulum a gwaɗa a tar: «Ndzəkum iɗəm gà Barnabas nda Sawul a ka, pam, aà megiŋ megemir ana i zal tar dər a.»

Gà Ɓəzla Meslire 13:4

Kamala taŋa ya na Mezite Mesife Mbulum a slər gà Barnabas nda Sawul a. Malahalah ŋa ka, tə da a kwite Salukiya. Aləka i dəba ŋa ya, ta hitse i fataya, tə tsala a slə̀làh yam, tə da dər aka ahəɗ ŋa a riŋ malàwàrà ŋa nda yam, tə zalar Kipurus.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

Gà Ɓəzla Meslire 22:21

Dite i dəba ŋa ya, a gweɗiŋ asa: «

Gà Ɓəzla Meslire 8:4

Gà mburma ana tə tə̀z a ka, tə da aà kwite aà kwite, ti tsik a ŋgwal bazlam ana a ɗif à Yesuw Kiristi ya.

1 Kurintiya 12:28

Kamala taŋa ya, na Mbulum a dzaya a tar a ba gà dzerisl pampam, na dite ku mege awara, ta geye a gà megemir ŋa ya. Malahalah ŋa ka, a ndzək gà asiŋ gà mìsle ŋgiɗ, a ne à tar gà ɓəzla meslire ŋgar. I dəba ŋa ya, a ndzək gà biy ŋgiɗ ka, gà na ta me a à guma ŋgar a. I dəba tar a asa ka, a ndzək gà mìsle ŋgiɗ pam, a ne à tar gà ɓəzla medzèŋgèyè bazlam ŋgar a mburma. Dite a ndzək gà biy ŋgiɗ asa, tar ka, ta ŋgat ndzəɗa i tar, aà megeye gà dukw mene aà mburma. Gà biy ŋgiɗ ibam, ti sle i tar ka, aà məmbàlà à gà mburma i dukw məməta tar a. Gà biy ŋgiɗ asa, tar ta ŋgat ndzəɗa i tar, aà mazlàkàyà mburma. Gà biy ŋgiɗ, tar ka, ta ŋgat ndzəɗa aà mandza ika miɗ mburma i təv mandza akaba ahəm. Dite gà naha i tar, ta ŋgat ndzəɗa ka, aà metsikeye gà ahəm ana tar tekeɗe, tə sər tsiye kuɗa.

1 Kurintiya 15:10

Ama ka, Mbulum aka giŋ ŋgwal ŋa, na dite ka, i ne mala meslire ŋgar kamala ana kurum ihər ki ŋgetwimiŋ a kinehe ya. Taŋa mege ŋgwal ŋgar ata a giŋ a ka, aka ne taf masakəŋa tsa. Seyiŋ tsa, Yàa ge megemir ka, hinne, a za biy gà ɓəzla meslire Mbulum ana tserdze ya ivaɗ. Ama ka, iye tsa na a ge megemir ata ya kəla. Mbulum nda ŋgwal ŋgar ata a giŋ a, na a ge megemir ata nda təv ga ya.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

FILIPIYA 2:21

Gà asiŋ gà mburma tserdze tə dzalawa ka, ba tar ɗekɗek, tsəka, tə dzalawa aka megemir Yesuw Kiristi tsa.

FILIPIYA 2:25

Kurum ka sərum damər kwa Apafaruditus, dite ŋgat mala meslire kurum ana kà slərumara ŋgat a təv ga ya ya, na dite à zlèk a iye i təv dukw ana a slewa aà iye hinne ya. Iye nda ŋgat ka, maa ge akaba megemir hinne i təv ilik ŋa. Maa ge akaba gùvəl məma, aɗaba Mbulum. Ama kinehe, i gwa ka, ŋgulum i slirehe a ŋgat, i me a dərraha a təv kurum.

FILIPIYA 2:30

Aɗaba a zeha ka, kwizikw, aka à mimìte, agəra mege megemir Yesuw Kiristi. A dzala i gər ŋgar ka, a gwa, ku mege i mìt a tekeɗe ka, à zlèk a iye. Kamala taŋa ya, a zla təv mendze ata ka, avukw kurum, na dite à ndìv a à mege megemir ŋa kamala ana zləmana kurum ki zlèkwim a iye ya.

KULUSIYA 1:29

Aɗaba taŋa na iye ihər i mir a aba aà megemir ŋa hinne, nda ndzəɗa Yesuw Kiristi ana a viliŋ a ba ya, na dite ka, araha, i ge a dər megemir ŋa mbaŋa ya.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 2:9

Gà damər mər, megemir ana mì ge i təv kurum a ka, nda ndzəɗa na mì mər aba ya. Ama ka, mə̀ məts a kurum gər tsa, ndzum dər i gər hiywe: Aɗaba akahər ata mì ɗif a kurum à ŋgwal bazlam ana a dara i təv Mbulum a ya ka, maa ge megemir hinne, ku mege ndaàvəɗ, ku mege ndaàpat tekeɗe ya. Mì ge dər kataya ka, a sàs a mər na mì nikiɗ à kurum à dukw mezime ya tsiye.

1 TESALUNIKE 5:12

Gà damər mər, mər ihər mìi ge a kurumehe a kamkam hinne: Sərum ba nda gà na ta ge a megemir Mbulum ika magər kurum a. Tar ka, gà na BATSAH kwa ŋa a pala, a dza aɗəm tar ika magər kurum, dite ti ɗif a kurum à vatwa ŋgar a.

2 TESALUNIKE 3:1

Gà damər mər, naha ka, dukw ana mì ndìv a dər à bazlam aaha ya: Hamum a Mbulum aɗaba mər mbaŋa, dite na bazlam BATSAH kwa ŋa a de a aka miɗ bise tsara, mburma ta gis a nda megèr kəkaaha kamala ana a ge ba i təv kurum a mbaŋa ya.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

2 TIMUTE 4:5

Ama kər ka, ge metsehe à dukw ana ndzer a tèrihhwè lele, ka zazam aka miɗ aka miɗ. Bàs gəzləŋ i təv gà mesewere are ana tì sèwèrek a ya. Tsik bazlam ŋgwal ŋana a mburma, ma ɗe zləm ŋgarra lele, mà səkah aka miɗ aka miɗ. Ge megemir ana zləma Mbulum aka vəlak a ahər a.

FILIMUN 1:1

Na a wetse wakita aaha ka, iye Pul ana mandza ŋa i daŋgay, aɗaba Yesuw Kiristi ya. Mì wetse ka, mər nda Timute, damər kwa. Mì wetseha ka, a kər Filimun, masla mər ana ki ge a meslire a Mbulum kamala mər a ya.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

Sunwa Yuhana 2:1

Wele ata a gweɗiŋ asa: «Wetseha bazlam aaha a gawla Mbulum ana i kwite Efesiya, a kesle a gà mburma Mbulum a.*fa* Ki wetse a ka, bazlam aaha: Bazlam ŋa na a tsik ka, wele ana gà mawusawus ata təsəla magəsa ŋa i ahər ŋgar a, dite ŋgat ka, wele ana a riŋ à sìweye a ika magər gà dukw ata təsəla, məvàɗà ŋa nda gura ana tsakala ŋa hinne, gà akwa ikəka ndwatsndwatsutstswa ya.