Luka 10:16 - Bible Zulgo

¹⁶ Aləka i dəba ŋa ya, Yesuw a gwaɗa a gà ɓəzla mazazama ŋgat ata asa: «Wur ana aka dza zləm a bazlam kurum a ka, a dza zləm taŋa ka, a biy gà. Dite wur ana aka niw bazlam kurum a ka, a niw taŋa ka, biy gà mbaŋa. Ama ka, biy gà ɗekɗek tsa. A niw ka, biy wele ana a slərra iye ya mbaŋa asa.»

Luka 10:16 ပူးပေါင်းရင်းမြစ်များ

Mata 10:40

Yesuw a gwaɗa a tar asa: «Ama wur ana aka gəs kurum lele ya ka, a gəs taŋa ka, iye. Dite wur ana aka gəs iye ya tekeɗe, a gəs taŋa ka, wele ana a slərra iye ya mbaŋa.

Mata 18:5

A gwaɗa a tar asa: «Ku weke na aka gəs aà mege gər a medzibe kəla aaha aɗaba iye ka, a ge gər taŋa ka, a iye.»

Markus 9:37

«Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Ama ka, a iye ɗekɗek tsa. A ge gər ka, a wur ana a slərra iye ya mbaŋa.»

Luka 9:48

A gwaɗa a tar: «Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Dite wur ana aka giŋ gər a ka, a ge gər taŋa ka, a wele ana a slərra iye ya mbaŋa. Aɗaba wur ana aka həna à gər a bəɗ ika magər kurum aaha tserdze ya ka, ŋgat na a ne batsah ŋa i təv Mbulum a.»

Yuhana 12:44

Aləka i dəba ŋa ya ka, Yesuw a wideye ŋgəlakəkka. I huɗ Mewideye ŋgar ata ya ka, a gwa: «Wur ana aka gis iye nda gəzləŋ a ka, a gəs taŋa ka, iye ɗekɗek tsa, a gəs ka, wele ana a slərra iye ya mbaŋa.

Yuhana 12:48

Wur ana aka niw iye, aka gəs bazlam gà tsəka, seriye à gis a ŋgat a pat mandəvandəv gər ahəɗ ana Mbulum a ta ge a seriye aà mburma ya. Bazlam gà ana i tsik a ya pəra na à gis a ŋgat i seriye a pat ata ya.

Yuhana 13:20

Iye ihər i tsik a kurum a nda ndzer, pàrsa iɗəm tsa: Wele ana aka gəs mala meslire ana i slir a ya ka, a gəs taŋa ka, iye mbaŋa. Dite wele ana aka gəs iye ya ka, a gəs ka, wele ana a slərra iye ya mbaŋa asa.»

Gà Ɓəzla Meslire 5:4

Gùvàh ŋa dze ana, biy yak tsiye, na aka na kàa kal dər zukw tsiye? Dite aka ana kàa kal dər dze ana, siŋgwe ŋa na biy yak tsiye? Meme na kà dzala i gər yak, aà mege gà dukw ata ya? Kà sàs pàrsa ka, a mburma tsa. Ama kà sàs pàrsa ka, a Mbulum.»

GALATIYA 4:14

Dukw məməta gà ata ka, aka vəl a kurum mesewere are. Ama ku mege kataya tekeɗe, kàa fə̀rum aà iye kamala za ya ɓav tsa. Dite kwets kàa dalawum aba iye ya ɓav tsa asa mbaŋa. Seyiŋ tsa ivaɗ, kàa gəsum iye lele, kamala ana iye ka, gawla Mbulum a kaɗəŋ, dite gəsum iye asa ka, kamala ana iye Yesuw Kiristi nda gər ŋgar a.

1 TESALUNIKE 4:8

Aɗaba taŋa, na wura tətstəts aka raraɗaba ahər a zləm, a waya mandza zləm a bazlam ata tsəka, a niw taŋa ka, bazlam mburma tsa. Ama a niw ka, biy Mbulum, wele ana a vəl a kurum Mezite Mesife ŋgar ana tsəɗaŋŋa ya ivaɗ.