Luka 10:1 - Bible Zulgo

¹ I dəba ŋa ya, BATSAH kwa ŋa a ndzək gà asiŋ gà mburma ŋgiɗ dzik təsəla gəra sula, a slər tar sula sula aka miɗ, a gà təv ana a sasar a de aɗəm a ya, ku mege a batsah kwite, ku mege a kəla ŋana tekeɗe.

Luka 10:1 ပူးပေါင်းရင်းမြစ်များ

Luka 1:17

A ti ɗif a à vatwa Mbulum nda Mezite Mesife ŋgar, dite nda ndzəɗa asa kamala biy Iliya, mala məma à guma Mbulum ana akahər ata ya. Ŋgat asa na a ta mewe akaba a à gà tsir nda kəla ya. Ŋgat mbaŋa na a ti ɗif a à metsehe a gà mburma ana ta gəs bazlam Mbulum tsiye. Dite a ti ne a ter a gà ɓəzla mazazama Mbulum kalkal lele kuɗa ya. Kərga taŋa ya, a ti lèmbeɗe a à gəzləŋ a gà ɓəzla mazazama Mbulum, dite ka, ta veve a Batsah tar ŋa kəla pat a.»*fc*

Luka 1:76

Araha, kinehe kər ka, kəla gà, ki ti ne a mba ka, mala məma à bazlam Mbulum ana batsah ŋa i gər ŋa ya. Aɗaba kər na ki ti lèh a aka miɗ BATSAH kwa ŋa, aà malàmbàɗar vatwa ŋgar a.

Luka 7:13

Ama Əbay Yesuw a ŋgataha a madakwa məkəs ata à dìɗ a aka kəla ŋgar a ka, a ndzer are tsehe hinne. A gwaɗar: «Ka tuwa tsa.»

Luka 7:19

dite a slər tar a təv Əbay Yesuw, aà mewize ahər ka: «Wànà kər ana, mala məmbàlà à mburma ana, mì sər ka, a riŋ a dere a ya ya, tsəna, mìi veve a biy ŋgiɗ a?»

Luka 9:52

I dəba ŋa ya, a slər gà ɓəzla meslire ŋgar aka miɗ, aà mayahar aba gà təv a bəɗ a. Gà mburma ata tə da tsara. Tə daha, tə da a kwite ŋa a riŋ ika ahəɗ Samariya. Ti yaha təv ata i fata.