Luka 1:78 - Bible Zulgo

⁷⁸ Aɗaba Mbulum Tsir kwa ka, mawàyà mburma ŋgar nda lìfèɗìɗe bazlam i təv ŋgar ka, hinne. A ti dze a kwa aà dzaydzay ŋgar kalkal kamala biy pat ana à mbizere a ya.

Luka 1:78 ပူးပေါင်းရင်းမြစ်များ

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

EFESIYA 5:14

Aɗaba dukw tserdze, ku mege awara, a pèt a aba ka, i təv dzaydzay ŋa. Agəra taŋa na ta gwa: «Kər ana riŋ ika mendze are ya ka, piɗeke, hitsera i luvuŋ gà məməta ya, dite na ki ndze a aà dzaydzay ŋa i təv Kiristi ya.»

FILIPIYA 1:8

Mbulum ka, a sər meme na i waya kurum hinne ya. Meweye ata i waya kurum a, a dara ka, i təv Yesuw Kiristi ya.

FILIPIYA 2:1

Kurum kà sərum ka, kurum riŋ mandza ŋa i təv ilik ŋa nda gà Yesuw Kiristi. Kamala taŋa ya na a vile a kurum a ndzəɗa a gəzləŋ kurum ɓəŋɓəŋ a. Meweye ŋgar ana a waya kurum a, na à me aà kurum a à arəv a. Kà sərum, kurum riŋ mandza ŋa ka, ndìɓèkke i təv ilik ŋa nda gà Mezite Mesife Mbulum. Kwa ihər ki weyekwe a ba ilik ilik tserdze ika magər kwa, dite na gà mburma ti ndzekwe a are tsehe mbaŋa ya.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

2 Piyer 1:19

Taŋa ka, a səkah a kwa à magəsa dukw ana gà ɓəzla məma à guma Mbulum ti tsik akahər ata ya asa. Ama kinehe ka, gwim metsehe aà mandza zləm a bazlam tar ata lele, aɗaba a ndzikiɗ ba ka, kamala lalampa ana à pèt a à dzaydzay i təv luvuŋ a. Ki dzwìm a zləm ka, haa a pat ana à mbizere a ya. A pat ata ka, a ge a i gəzləŋ kurum parakkà kamala *mawusawus madə̀và mbulum ana à div a ya. Kamala megweɗe ya ka: Kiristi na a dere a nda gà dzaydzay ŋgar ata à wìtiɗe a i gəzləŋ kurum a.

1 Yuhana 3:17

Na bəla wura a riŋ, kuɗa duwa a ger a tsa, dite ka, a ŋget a a damər ŋgar a riŋ, kuɗa duwa a sler a za hinne, ama ka, à zlèk a ŋgat tsəna, meme na a gweɗe a ka, i waya Mbulum asa ya? A riŋ tsa.

Sunwa Yuhana 22:16

«Iye Yesuw na i slər a kurumara gawla Mbulum gà ya, na dite a ɗif a kurum à dukw ata, a kurum gà mburma Mbulum ana mayahaba gər ŋa i təv ilik ŋa, ku mege i ŋga tserdze ya. Iye ka, wele ana kà vavawum ɗa ŋgat daga piŋŋe ya. I dara ka, i gwala Dawda a. Dite iye asa ka, *mawusawus madə̀và mbulum ana a də̀v parakkà lele ya.»