Luka 1:65 - Bible Zulgo

⁶⁵ Gà ɓəzla hərmaga ŋgar tserdze, tə dzadzar nda magəɗa i ba tar hinne, dite gà mburma ana fit i gà kwite ata ika ahəɗ Yuda ata ya, ti tsikewa ka, aà dukw ana a ge ba nda gà mburma ata ya hiywe pəra.

Luka 1:65 ပူးပေါင်းရင်းမြစ်များ

Mata 2:1

Ta wa Yesuw ka, i kwite Betelehem ika ahəɗ Yuda, akahər ana *Hiridus ŋgat batsah Əbay ana i fataya. I təv ana ta wa ŋgat a ka, gà ɓəzla metsiɗike gər a gà mawusawus ana ti de a aà gəza mbulum a, tə dara ika tsèke pat ana à mbizera a ya. Tə da a Yeruzalem.

Luka 1:39

Zàkwayiya ka, Mariya a mah ba tsəma tsara, a da a kwite duwa a riŋ i kwite ika ahəɗ Yuda.

Luka 2:18

Gà asiŋ gà mburma ŋgiɗ ana i fataya, tə tsaraka bazlam tar ata kataya ka, a ge aà tar kamala sunwa ya.

Luka 5:26

A mà dər a gà mburma ata tserdze ya dà/?asasa, a ge aà tar kamala dukw mene aà mburma ya. Tə dza ba aà mazàmbàɗà a Mbulum nda magəɗa hinne i gəzləŋ tar. Ta gwa: «Yweh, yweh, maa ŋgat a gà dukw mene aà mburma mbakum.»

Luka 7:16

Dukw ata Yesuw a ge ya ka, a ge magəɗa a gà mburma ata i fata tserdze ya hinne. Tə zàmbaɗa aà Mbulum. Ta gwaɗawa: «Batsah mala məma à guma Mbulum aka dara aka magər kwa ya. Dite Mbulum aka dara, aà mazlàkà gà mburma ŋgar a mbaŋa asa.»

Gà Ɓəzla Meslire 19:17

Gà mburma ana i kwite Efesiya tserdze ya, gà Yahuda nda gà mburma ana tar gà Yahuda tsiye, tə tsaraka dukw ata a ge ba ya ka, tə dzadzar hinne, dite tə zlə̀b à zləm Yesuw BATSAH kwa ŋa lele kuɗa.

Gà Ɓəzla Meslire 2:43

Mbulum a gewa gà dukw mene à mburma ŋgiɗ pampam hinne nda ahər gà ɓəzla meslire ŋgar. Agəra taŋa gà mburma ana i fataya tserdze, arəv a da dər aà tar a, tə ndzawa ka, nda gà magəɗa.

Gà Ɓəzla Meslire 5:11

Gà mburma Mbulum tserdze nda gà asiŋ gà mburma ana i fataya, tə tsaraka labara ata kataya ka, ta ge magəɗa hinne.

Gà Ɓəzla Meslire 5:5

Ananiyas a tsaraka bazlam ata tsara ka, a dəɗ aà mbulum a, a mət tsara. Gà mburma ana tserdze tə sər ahər a ka, ta ge magəɗa hinne.

Sunwa Yuhana 11:11

Aləka i dəba mehinne makər nda mezehe ŋa ya ka, Mbulum a vizl mesife ŋgar a ba a gà ɓəzla məma à guma ŋgar ata, dite na ta ŋgat mesife asa ya. I təv ana tàa ŋgat a ka, hùrum ta hitse aà mbulum. Dite gà na tàa ŋgat a tar kamala taŋa ya ka, ta ge magəɗa hinne kuɗa.