Luka 1:6 - Bible Zulgo

⁶ Tar sula məma gà ŋgwal ŋana ika miɗ Mbulum, mede tar a tsahən ahər a. Tə zàmbaɗawa à dukw ana Mbulum a tsikewa, a palawa ahər ahəm a tserdze ya, nda gəzləŋ ilik.

Luka 1:6 ပူးပေါင်းရင်းမြစ်များ

Luka 1:7

Ama kəla tar a riŋ tsa. Aɗaba daala ŋgar Elisabet ka, a we a tsa. Dite tàa geye gà màndawal asa.

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Luka 2:25

Ama wele duwa a riŋ, zləm ŋgar Simeyun, mandza ŋa i Yeruzalem i fata. Wele ata ka, ŋgwal mburma ndzer, a ge magəɗa a Mbulum. A babawa wele ana a ta mbil a à gà Isərayel a. Ŋgat ka, maràhà ŋa nda Mezite Mesife Mbulum i ba ŋgar.

Gà Ɓəzla Meslire 2:25

Aɗaba taŋa na Dawda a tsik ahər piŋŋe ka, a gwa:

Gà Ɓəzla Meslire 23:1

Pul a dza are aà mayahaba gər mburma ata ndzazlzla lele. A gwaɗa a tar: «A kurum gà damər gà, iye mandza ŋa ika miɗ Mbulum ka, nda gəzləŋ ilik lele, à gər ana i gəs ŋgat, haa kinehe ya.»

Gà Ɓəzla Meslire 24:16

Aɗaba taŋa na iye riŋ kəla pat, a sèsiŋ mendze ika miɗ Mbulum nda gəzləŋ ŋgwal ŋa lele, dite nda gà ika miɗ gà mburma ya.

Gà Ɓəzla Meslire 8:21

Ki sle aà melime kwa akaba nda gà mər i təv megemir mər tsa, aɗaba kàa gəs bazlam Mbulum a gəzləŋ yak nda ndzer ŋa tsa.

RUMA 8:4

A ge taŋa ka, na dite ki ŋgetekewe a vatwa aà mege dukw ana məpala ahəm ŋgar a tsik a kwa ya ndzer. Aɗaba mendze kwa ana ki ndzekwe a kinehe ya ka, Mezite Mesife Mbulum na a kwere a kwa ya, tsəka, meèweke ba kwa asa tsa.

1 Kurintiya 11:2

I zlibe a à kurum, aɗaba ana kurum ihər ki dzelwim a aka bazlam gà tserdze kəla pat, dite kurum ihər ki zezemwim a ka, dukw ana i ɗif a kurum a dər mbaŋa ya.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

FILIPIYA 2:15

na dite ka, ki ndzwim a tsəɗaŋŋa, bakal a ge a i təv kurum tsidze ya. Ki nwim a gà ɓəza Mbulum ana ta ge a bakal asa tsiye ya. Kurum riŋ mandza ŋa ka, i liwiŋ gà ɓəzla məbànà mburma nda gà na ta ge a dukw ana ŋgwal ŋa tsa ika gər ahəɗ aaha ya. Kurum ika magər tar ka, kamala gà màwùsàwùs ana dzaydzay tì div a aà gəza mbulum ndaàvəɗ a.

KULUSIYA 1:22

Ama kinehe ka, Mbulum aka gəs masla nda kurum, aɗaba Kəla ŋgar ana a ne mburma, dite a vəl mesife ŋgar a. Aɗaba taŋa, na kinehe a ne dər à kurum gà tsəɗaŋŋa ŋa, a de à kurum a a təv Mbulum, ki nwim a gà mburma ŋgar ana gà ŋgwal ŋa ya, dite ka, wura a sle aà mimè a kurum a à bakal asa tsiye.

1 TESALUNIKE 3:13

Kamala taŋa ya, BATSAH kwa ŋa ata a vile a kurum a ndzəɗa a gəzləŋ ɓəŋɓəŋ lele. A pat ana Yesuw Kiristi à mère a ya ka, bakal a ge a i təv kurum tsidze, ki ndzwim a tsəɗaŋŋa ika miɗ Mbulum Tsir kwa. A pat ata ka, gà Yesuw Kiristi nda gà mburma ŋgar tserdze na ta mère a ya.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

1 Yuhana 2:29

Kurum kà sərum, Yesuw Kiristi ka, ŋgat mala ndzer ŋa. Aka ge bakal ilik tsidze. Aɗaba taŋa sərum dər, wur ana a ge a dukw ana ŋgwal ŋa ya ka, ŋgat ka, aka ne kəla Mbulum mbaŋa.

1 Yuhana 2:3

Na ki gekwe a dukw ana Mbulum a tsik a kwa ya ka, taŋa na a ɗif a kwa dər ka, ka sərakwa dər ŋgat ndzer kaɗəŋ a.

1 Yuhana 3:7

Gà ɓəza gà, wura ma ta paza a kurum za tsa. Aɗaba wur ana a gewa bakal tsiye ka, ŋgat na mala ndzer ŋa ika miɗ Mbulum kamala Kiristi ana ŋgat mala ndzer ŋa ika miɗ Mbulum mbaŋa ya.