Luka 1:58 - Bible Zulgo

⁵⁸ Aləka gà ɓəzla hərmaga Elisabet nda gà gwala ŋgar tə tsaraka aka wa ka, tə dza ba aà maŋgayaba hinne, nda gà Elisabet ŋa dze, aɗaba tə sər ka, Əbay Mbulum a vəlar kəla ata ka, dite ma sər i sida ya ndzer, Mbulum ka, a waya ŋgat hinne, aka ger ŋgwal ŋa.

Luka 1:58 ပူးပေါင်းရင်းမြစ်များ

Luka 1:14

Ki ta ŋgeye a ba agəra ŋgat hinne. Dite gà mburma tekeɗe, ta ŋgeye a ba aɗaba mawà ŋgat mbaŋa.

Luka 1:25

A gwaɗawa: «Mbulum a samata matawak gà, aka viliŋ kəla kuɗa. Ama hwarwa a giŋ a nda təv mburma kamala na Yàa ŋgat kəla tsiye asa tsa.»

Luka 1:57

I dəba ŋa ya, mawà kəla Elisabet a dza ahər ba kuɗa. A wa kəla ata asləka ŋa.

Luka 14:12

I dəba ŋa ya, Yesuw a gwaɗa a wele ana a zal a mburma à dukw mezime ya: «Na kàa de dukw mezime i mèkwède, kige tsa i hawa ka, ka tə zal a gà masla yak, nda gà damər yak ana bise ya, nda gà gwala yak, kige tsa a gà ɓəzla hərmaga yak ana limana tar a riŋ hinne ya tsa. Aɗaba tar ka, ti ti zelek a dər aɗəm a pat ŋgiɗ mbaŋa. Kər gà taŋa ya, na kataya ka, tàa vəlak dukw mayaba yak aka ndəv.

RUMA 12:15

I təv ana gà mburma ta ŋgeye a ba ka, kurum tekeɗe, ŋgayum ba akaba tserdze mbeete. Na bəla ti tiwe a ka, kurum ibam, ki tiwim akaba a nda gà tar mbaŋa asa.

1 Kurintiya 12:26

Na dzerisl ba ŋgiɗ ilik a riŋ a wir a ka, gà təv ŋgiɗ aaha tserdze ya, ta wireye a mbaŋa. Na bəla tì zlibe a à təv ŋgiɗ ka, gà asiŋ ŋa aaha tserdze ya tekeɗe, ta ŋgeye a ba mbaŋa. Ku mege weke, ika magər kurum ka, aka ne dzerisl ba ŋgar.