Luka 1:48 - Bible Zulgo

⁴⁸ Iye ka, kwizikw na i liwiŋ gà na ta ger a meslire ya, i sle duwa tsa. Ama ka, Yàa mətsar gər ɓav tsa. Gà mburma tserdze tì zèmbeɗe a à iye kinehe, ku mege aka miɗ mba tekeɗe ya.

Luka 1:48 ပူးပေါင်းရင်းမြစ်များ

Luka 1:28

Gawla Mbulum ata a daha, a da a təv dəm ata. A daha, a gwaɗar: «Wusa yak Mariya, ŋgaya ba, aɗaba ana Mbulum a zla kər aà dukw ana ŋgwal ŋa ya. BATSAH kwa ŋa ka, a riŋ i təv yak.»

Luka 1:42

I dəba ŋa ya, Elisabet a fàfəl nda ndzəɗa. A gwaɗar: «Mbulum aka pisak ahəm ka, a za biy gà məkəs ana tserdze à bəra ya. Ama mipìsè ahəm ŋgar ata ka, ika gər kəla ana ki ta ŋget a ya.

Luka 1:45

Kər ka, ŋgaya ba, aɗaba ana kàa gəs dukw ana Əbay Mbulum a slər dərra gawla ŋgar a, a tsikik ka, dite a ta ge a ba ndzer a.»

Luka 1:49

Aɗaba ŋgat ana ndzəɗa ŋa, aka ge gà dukw ŋgwal ŋana hinne agəra iye ya. Zləm ŋgar ka, ŋgwal ŋa hinne ndzer.

Luka 11:27

Yesuw a ndəv à mifefile ŋgar ata tsara ka, məkəs duwa a gwaɗarra i magər mburma ya: «Maŋgayaba ika gər məkəs ana a wa kər, kà sa awah ŋgar a.»