Luka 1:43 - Bible Zulgo

⁴³ Iye dze ana, weke, na kər məmər Batsah ga ŋa dzə̀bàk ki dere a ka, a ma gà aaha ya ya?

Luka 1:43 ပူးပေါင်းရင်းမြစ်များ

Mata 12:46

Aləka i təv ana Yesuw a riŋ à fèfil a a gà mburma ata mba ya ka, gà mama ŋgar nda gà damər ŋgar tar riŋ ti dehe a a təv ŋgar. Tə daha ka, ta hitse a bəra, ta waya mifefile nda gà ŋgat.

Mata 3:14

Ama Yuhana a gəs tsa, a màr aba ahəm a. A gwaɗar: «Iye ivaɗ na i waya i dehe a a təv yak, ki tsilwiɓ a à iye a yam ana, naha kà dara a təv ga ya, i tsilwiɓ a à kər a yam ana, meme ivaɗ a?»

Luka 1:42

I dəba ŋa ya, Elisabet a fàfəl nda ndzəɗa. A gwaɗar: «Mbulum aka pisak ahəm ka, a za biy gà məkəs ana tserdze à bəra ya. Ama mipìsè ahəm ŋgar ata ka, ika gər kəla ana ki ta ŋget a ya.

Luka 1:44

Aɗaba la, fə̀r aà iye kwaŋ, i təv ana i tsaraka mege wusa yak a tsara ka, kəla aaha i huɗ gà ya, a ɓazla aba nda maŋgayaba.

Luka 2:11

Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Luka 7:7

Aɗaba taŋa na iye nda ahər gà ŋa ka, hwarwa a giŋaha aà madaha a təv yak a. Ama tsikera bazlam a ilik i faka ya pəra ka, mala meslire gà aaha a mbiliŋa.

Yuhana 13:13

Kurum ihər ki zelwimiŋ a mala medzeŋge a mər, kige tsa Batsah mər ŋa ka, ndzer kaɗəŋ, pàrsa iɗəm tsa. Aɗaba iye ka, kataya dukw ŋgar.

Yuhana 20:28

Tumas a gwaɗar aaka: «Tsaka kər kaɗəŋ Batsah ga ŋa, kər ka, Mbulum ana i gewar meslire ya.»

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

FILIPIYA 3:8

Ama kəla ka, ndzer kaɗəŋ, gà dukw ata ɗekɗek tsa, i fə̀r aà gà dukw ana tserdze ya ka, kamala dukw taf masakəŋa ya, aɗaba ana i sər Yesuw Kiristi Batsah ga ŋa ka, taŋa a zè a gà dukw ŋgiɗ tserdze. Aɗaba ŋgat ka, i miyek a à gà duwa tserdze. I fə̀r ahər ka, safar safar kamala gwastak ana masakəŋa ya, na dite i ta ŋget a Kiristi ya.