Luka 1:35 - Bible Zulgo

³⁵ Gawla Mbulum ata a gwaɗar aaka: «Kataya tsa, Mezite Mesife Mbulum na a dere a aka gər yak a. A dere a ka, nda gà ndzəɗa Mbulum ana i gər ŋa ya. A dere a, à dze aka kər a mezite ŋgar tirɓiɓits. Aɗaba taŋa na ŋgat Kəla Mbulum ndzer ŋana ya, na kəla ata ki ta we a ya.

Luka 1:35 ပူးပေါင်းရင်းမြစ်များ

Mata 1:18

Taŋa, meme na ta wa Yesuw Kiristi ya. Məmər ŋgar ka, zləm ŋa Mariya, makasl Yasufa. Ama aka na tàa zlaba zukw tsiye ka, tə samata ka, hitwis aka ɗera aka Mariya ya, ndzəɗa Mezite Mesife Mbulum aka vəlar aɗəm kəla.

Mata 1:20

I təv ana a riŋ a dzele a gà gər kataya, aka miyak dər zukw tsiye ka, gawla Mbulum ilik a patar aba i sunwa ya, a gwaɗar: «Yasufa gwala Dawda, ka ta ge magəɗa aà mazla Mariya kamala daala yak a tsa, aɗaba a ŋgat kəla ka, nda ndzəɗa Mezite Mesife Mbulum, tsəka, ahəm mburma tsa.

Mata 14:33

Ama gà asiŋ gà ɓəzla mazazama ŋgat aaha i slə̀làh yam a, ta ŋgatar kataya ka, tə dzar gurmits a bəɗ lele. Ta gwaɗar: «Kər ka, Kəla Mbulum kaɗəŋ ndzer.»

Mata 27:54

Ama gà Əbay gà sliwdze gà Ruma, nda gà mburma ŋgar, tar riŋ ihər ta kesle a Yesuw i fata hiywe. I təv ana ta ŋgat a ahəɗ ata a ɓazla nda gà dukw ana pampam a ge i təv tar i fataya ka, ta ge magəɗa hinne kuɗa. Ta gwa: «Yweh, wele aaha ka, Kəla Mbulum kaɗəŋ ndzer.»

Mata 4:3

Əbay sitene a samata kataya ka, a sìrìkaha a təv ŋgar. A daha, a gwaɗar: «Na kù gwa, iye Kəla Mbulum ka, gwaɗa a kur aaha ma ne ɗaf, dite ka zəm.»

Markus 1:1

Naha Ŋgwal Bazlam ana a ɗif à Yesuw Kiristi Kəla Mbulum a.

Markus 1:24

A gwaɗa a Yesuw: «Ki yehe a à mər la ya, kər ana kà dara i Nazaret a? Ka dara ana, aà medzeye à mər kəla ya? I sər kər lele, kər ka, wur ana bakal ŋgar a riŋ tsa, Mbulum a slərra a faha ya.»

Luka 1:27

A slər gawla ŋgar ata ka, a təv dəm duwa a riŋ, zləm ŋgar Mariya. Makasl dəm ata ibam, zləm ŋa Yasufa. Wele ata ka, gà gwala Dawda, batsah Əbay ana piŋŋe a riŋ ika ahəɗ ata ya.

Luka 1:34

Mariya a tsaraka kataya ka, a gwaɗa a gawla Mbulum ata: «Wànà dukuməŋa a ta ge a ba dze ana, meme, na araha, iye ibam, à gama mba ya?»

Luka 1:36

Fə̀r aà Elisabet damər yak ana a riŋ kinehe nda gà huɗ i gər a kwaŋ, ku mege na aka ndaha i təv mawà kəla ya tekeɗe ibam a. Ama ta gwaɗawa ka, ìdil ŋa, a we e tsa. Araha kinehe ka, kiye ŋgar ndilik.

Yuhana 1:34

Yuhana a gwa asa ka: «Yàa ŋgat a gà dukw ata ndzer, pàrsa iɗəm tsa. Aɗaba taŋa, na iye ihər i tsik a kurum a parakkà, ŋgat na Kəla Mbulum a.»

Yuhana 1:49

Nataniyel a gwaɗar: «Batsah mala mesìnèkè à duwa a mburma, kər ka, Kəla Mbulum. Kər ka, batsah Əbay gà Isərayel.»

Yuhana 20:31

Ama gà dukw ana mewetse ŋa i faha ya ka, gà dukw ana, dite ki sirwim a dər, Yesuw ka, Kəla Mbulum ndzer. Ŋgat ka, mala məmbàlà à mburma ana Mbulum a gwa, i ti slir a kurumehe a ya. Ta wetse ka, dite ki ŋgetwim a mesife i təv ŋgar a, agəra ana kàa gəsum ŋgat nda gəzləŋ a.

Gà Ɓəzla Meslire 8:36

I təv ana tar riŋ ti de a ika vatwa ya, ti ndze a təv ana maŋgə̀rà yam iɗəm a ka, mala megemir ata a gwa: «Yam naha, dukùla na a pala aà iye ahəm dze ka, ti tsilwiɓ à iye a yam tsiye?»

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

EFESIYA 2:3

Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

IBƏRANIKWA 4:15

Ŋgat na kà ndzekwar are tsehe, a geye ika kwa ya nda təv gà dukw ana mawùràba ŋa i təv kwa ya. Aɗaba ŋgat ka, aka sər aà mesewere are ya pampam mbaŋa, tàa dzik à ŋgat, ta waya madə̀ɗà à ŋgat a bakal kamala kwa ya. Ama ka, aka ge bakal ata tsidze.