Luka 1:22 - Bible Zulgo

²² Aləka a dara a bəra ya ka, a sle a aà mifefile a gà mburma ata asa tsa. A daha, a fàfəl a tar ka, kə̀t kə̀t nda ahər pəra, agəra ana ŋgat mandakazləm ŋa ya. Aɗaba taŋa na gà mburma ata tə sər ka, Mbulum aka fàfəlar a.

Luka 1:22 ပူးပေါင်းရင်းမြစ်များ

Luka 1:21

I təv ana gà gawla Mbulum ata tar riŋ ta fèfil a nda gà Zakari ya ka, gà mburma riŋ i bəra hinne, ta veve a ŋgat ana a riŋ hiywe i batsah ga Mbulum ata ya. Ama mendze ŋgar ata a riŋ i ga ata hinne ya ka, a ge aà tar kamala sunwa ya.

Luka 1:23

I dəba ŋa ya, Zakari a ndəv à megemir ŋgar ana a gewa a Mbulum i ga Mbulum batsah ŋa ata ya ka, a mbəɗ gər a ma ŋgar.

Luka 1:62

Tə daha, ta ge wiyèw a tsir ŋgar ana mandakazləm ŋa ya, ta fàfəlar nda ahər. Ta gwaɗar: «Zləm kəla yak aaha a sàsak ti ɗer ana, weke?»

Yuhana 13:24

Simun Piyer a zekweraha ahər, kamala megweɗe ya, mà tsam bazlam ata aà Yesuw ka, weke na a tsik ahər kataya ya?

Gà Ɓəzla Meslire 12:17

A ge a tar à ahər kə̀t kə̀t kə̀t, kamala megweɗe ya ka, kà fàfəlum tsa. Dite a dza ba aà maɗàmà a tar meme na Mbulum BATSAH kwa ŋa na a zlara ŋgat i ga daŋgay a. A gwaɗa a tar i huɗ bazlam ŋgar ata ya: «Ɗifwim dərraha a gà Zakup nda gà asiŋ gà damər kwa ana ika vatwa Mbulum a tserdze.» I dəba ŋa ya, a dara i ga ata i Yeruzalem a, a da ba a təv ŋa.

Gà Ɓəzla Meslire 19:33

Ama gà Yahuda tə slər mburma ilik i magər tar a, zləm ŋgar Aleksandire. Ta màr à bazlam ŋa ahər, dite ma ta hitse aka miɗ gà mburma ata, ma gwaɗa a tar ka: «Bakal gà wele aka kə̀ gəsum tar a ka, a riŋ tsa.» Aləka wele aka a mah ba, a da. A daha ka, a hitse aka miɗ gà mburma ata. A zla ahər a mbulum, kamala megweɗe ya ka: Ndzum ɗikɗik. A waya mifefile a tar zləmana.

Gà Ɓəzla Meslire 21:40

Əbay gà sliwdze ata a vəlar vatwa. I dəba ŋa ya, Pul a hitse aka dàmbàzlà ga ata, a zla ahər a Mbulum, a ge dər kətkətkət, kamala megweɗe ya ka, ndzum ɗikɗik. Aləka gà mburma ata tə ndza ɗikɗik ka, Pul a dza ba aà mifèfìlè a tar ndaka ahəm tar gà Yahuda. A gwaɗa a tar: