Luka 1:20 - Bible Zulgo

²⁰ Gà dukw ata ka, a ta ge a ba kamala ana i tsikik a tits kaɗəŋ. Ama kər ka, kàa gəs bazlam gà ata tsa. Aɗaba taŋa, ki ne a mandakazləm ŋa, ki fèfil a asa tsa, haa a pat ana gà dukw ata tàa ndzera ya dzekwiŋ.»

Luka 1:20 ပူးပေါင်းရင်းမြစ်များ

Markus 16:14

Aləka i dəba ŋa ya, i təv ana gà ɓəzla mazazama ŋgat kurwa gəra ilik ŋa aaha tar riŋ ti zim a ɗaf a ka, Yesuw a pàt a tar aba asa kuɗa. A pala a tar ahəm, agəra ana tàa gəs ŋgat nda gəzləŋ lele tsiye. Aɗaba ana tàa gəs bazlam gà mburma ata ta gwaɗa a tar ka: «Maa ŋgatar, aka mbəlara i məməta ya» ka, ta gəs tsiye.

Markus 9:19

Yesuw a gwaɗa a tar akaba tserdze: «A kurum gà mburma ana kì giswim iye nda gəzləŋ kurum tsiye. Wànà iye dze ana, i gesl a aà metsike a kurum dze ana, hilè, na dite ki giswim a iye ya? I ndze a dze ana, hilè ɓav a, na i təv kurum a? A za dumaha, ka zlwimiŋara kəla ŋa a faha ya kwaŋ.»

Luka 1:19

Gawla Mbulum ata a gwaɗar aaka: «Iye ka, Gabriyel, iye ika miɗ Mbulum, i ger a megemir ŋgar. A slərra iye ya ka, aà məfàfə̀lak, dite aà meɗifek à bazlam aaha ŋgwal ŋa ya.

Luka 1:21

I təv ana gà gawla Mbulum ata tar riŋ ta fèfil a nda gà Zakari ya ka, gà mburma riŋ i bəra hinne, ta veve a ŋgat ana a riŋ hiywe i batsah ga Mbulum ata ya. Ama mendze ŋgar ata a riŋ i ga ata hinne ya ka, a ge aà tar kamala sunwa ya.

Luka 1:22

Aləka a dara a bəra ya ka, a sle a aà mifefile a gà mburma ata asa tsa. A daha, a fàfəl a tar ka, kə̀t kə̀t nda ahər pəra, agəra ana ŋgat mandakazləm ŋa ya. Aɗaba taŋa na gà mburma ata tə sər ka, Mbulum aka fàfəlar a.

Luka 1:45

Kər ka, ŋgaya ba, aɗaba ana kàa gəs dukw ana Əbay Mbulum a slər dərra gawla ŋgar a, a tsikik ka, dite a ta ge a ba ndzer a.»

Luka 1:64

I dəba ŋa ya tsara ka, Zakari a mà aka mifefile kamala ana piŋŋe ya, lele kuɗa. A dza ba aà mazàmbàɗà à Mbulum tsara.

RUMA 3:3

I fataya ka, kurum ki gweɗwimiŋ ka: Na gà asiŋ gà mìsle ŋgiɗ ika magər tar, tàa zazam bazlam ata tsəna, meme? Ama iye ihər i gweɗe a kurum a asa ka: Na tàa zazam nda ndzer tsəna, wànà kà dzalum ana, Mbulum a ta ge a dukw ŋgar ana a tsik ndzer a asa tsiye?

2 TIMUTE 2:13

Ama ku mege megìse kwa a riŋ tsa, ki nekwe a à ŋgat bakal tekeɗe, ŋgat ka, mala ndzer ŋa hiywe. Aɗaba dukw ana aka mbər megweɗe, i ge a ka, a ge a kaɗəŋ, a sle a aà masàsà pàrsa tsidze.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

IBƏRANIKWA 6:18

A sasar a tsik aba i sida ya dzekwiŋ, dite i dəba ŋa ya, a mbaɗa asa. A tsik aba ya kataya ka, aà tə sər dər, gà dukw ata a tsik sula ya ka, à me a a dəba tsidze. Mbulum a sle aà mesèse a pàrsa tsa. Gà dukw ata ta mèkwehe a à arəv, a kwa ana kà valakwa a təv ŋgar kamala mendzikwir ana a vel a aà huɗ məmər ŋgar aà məmba ya. Dite ka, ki ndzekwe a nda magəsa gəzləŋ ɓəŋɓəŋ lele. Ki vevekwe a dukw ana Mbulum a tsik a kwa i sida ya, a gwa, a ta vile a kwe a ya.

Sunwa Yuhana 3:19

Iye ka, gà mburma ana i waya tar a ka, i kwere akaba a tar, i ɗif a ter a à metsehe. Aɗaba taŋa, mbəɗum à madzala gà gər kurum, ka zazamum iye nda gəzləŋ kurum ilik.