Luka 1:2 - Bible Zulgo

² Ta wetse ka, dukw ana tə tsaraka i təv gà mburma ana ndzer, ta ŋgatar daga piŋŋe akahər ata ya, dite ka, ta mà a mər dər, Mbulum na a slər tar aà meɗìfè à bazlam ŋgar a.

Luka 1:2 ပူးပေါင်းရင်းမြစ်များ

Markus 1:1

Naha Ŋgwal Bazlam ana a ɗif à Yesuw Kiristi Kəla Mbulum a.

Markus 16:20

Gà ɓəzla mazazama ŋgat ibam, tə da a metsìkè bazlam ŋgwal ŋa aaha ndeɗiŋa ya, ku mege a ŋga. Əbay Yesuw a gewa megemir nda gà tar kuɗa. A zlàkawa tar i dukw mene aà mburma ata ta ge a ya. Aɗaba gà na tə tsaraka ya tekeɗe, ta gəs bazlam tar ata ndzer kaɗəŋ.}

Markus 4:14

Aɗaba taŋa na i tsik a. Wele ata a slige hwife daw ata ya ka, ŋgat a ne ka, mala metsìkè bazlam Mbulum.

Luka 24:48

Ama kurum ka, gà ɓəzla sida gà dukw ata ta geye a ba ya fit dze.

Yuhana 15:27

Dite kurum tekeɗe, ki nwim a gà ɓəzla sida gà mbaŋa, aɗaba ana kurum riŋ mandza ŋa i təv ga daga piŋŋe ya.

Yuhana 16:4

Ama i tsik a kurum kataya ka, dite i təv ana gà pat ŋa tàa ndzera, tì sèwèr a kurum are kamala taŋa ya ka, ki sirwim a dər, a tsik a mər ka, ndzer kaɗəŋ.» Yesuw a gwaɗa a tar asa: «I gəs metsike a kurum daga piŋŋe tsəka, aɗaba ana iye riŋ i təv kurum mba ya.

Gà Ɓəzla Meslire 1:3

I dəba məməta ŋgar a ka, a pàtawa a tar aba lele mehinne dzik faɗ, tə sər dər ka, ŋgat a riŋ nda are ndzer. I huɗ mehinne ata ya ka, a tsikewa a tar bazlam *mekwere Mbulum ana a ta kwere a ya.

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 14:25

Ti ndzeha a fata ka, ti tsik bazlam Mbulum i Perge. I dəba ŋa ya, ti zèzìɗ a a kwite Ataliya aà gùva duluv.

Gà Ɓəzla Meslire 16:6

Aləka i dəba ŋa ya, tə zazəɗ i fataya. Ti de a aka ahəɗ Asiya. Ta waya zləmana ka, aà metsìkè bazlam Mbulum a gà mburma ana i fataya mbaŋa. Ama Mezite Mesife Mbulum aka vəl a tar vatwa aà mada a fata tsa. Aɗaba taŋa, tə da ndaka gà ahəɗ gà Firigiya nda Galatiya.

Gà Ɓəzla Meslire 17:11

Ama gà mburma ana i fataya ka, gà ŋgwal ŋa, tə za gà Yahuda ana i Tesalunike ya, nda metsehe. Aɗaba tar ka, tə dza zləm a bazlam Mbulum lele. Kəla pat ti dzeŋgewa wakita Mbulum, aà mesire dər ka, wànà dukw ana Pul a tsikewa iɗəm ana ndzer a.

Gà Ɓəzla Meslire 26:16

Ama hitse aà mbulum. I pàtak aba ka, dite ki ne a mala meslire gà. Ki ta me a à dukw ana kə ŋgatar və̀ɗəna ya, ndəna i ɗifek a dər aka miɗ mba ya.

Gà Ɓəzla Meslire 4:20

Ama mər ka, mìi sle aà mimiyeke à dukw ana maa ŋgatar a, ndəna maa tsaraka ya tsa, say mìi tsik a pəra.»

Gà Ɓəzla Meslire 8:4

Gà mburma ana tə tə̀z a ka, tə da aà kwite aà kwite, ti tsik a ŋgwal bazlam ana a ɗif à Yesuw Kiristi ya.

RUMA 15:16

A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.

1 Kurintiya 4:1

A sèsiŋ ka, ku weke ma sər dər, mər ka, gà ɓəzla megemir Yesuw Kiristi. Aɗaba Mbulum a dza dukw ŋgar ana makàhà ŋa akahər ata ya ka, ahər a mər, na dite mìi ɗif a dər a mburma parzakkà ya.

IBƏRANIKWA 2:3

Na Mbulum aka sèwèr a tar are kataya dze ana, kà dzalakwa ana, kwa ana pam a, na ki fìrekwe a aà ŋgwal vatwa ana a mbil a dər à kwa ya ka, kamala dukw taf masakəŋa ya? Yesuw Kiristi BATSAH kwa ŋa nda gər ŋgar aka lah metsìkè a kwa, meme na Mbulum a ta mbil a kwa ya. Gà na tə tsaraka bazlam ŋgar ata ya, dite ka, ta mà a kwa dər, ta gwa ka, bazlam ŋgar ata ka, ndzer kaɗəŋ, pàrsa iɗəm tsa.

1 PIYER 5:1

Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

2 Piyer 1:16

Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.